Loron Mundiál ba Rai

Tinan-tinan, iha loron 22 fulan-Abril selebra Loron Mundiál ba Rai.



Foto nebe NASA hasai iha tinan 2014 iha Loron Mundial ba Rai. EPA@ NASA/NOAA GOES

 

Loron ne'e harii iha tinan 1970, hosi senadór norte-amerikanu Gaylord Nelson nebe hakarak halo protestu ida hasoru poluisaun iha Rai, hafoin verifika tiha konsekuénsia hosi dezastre petrolíferu iha Santa Bárbara, iha Califórnia, nebe akontese iha tinan 1969.

 

Inspiradu hosi protestu sira nebe halo hosi joven norte-amerikanu sira nebe protestu hasoru funu, Gaylord Nelson dezenvolve ona esforsu sira hodi konsege tau tema prezervasaun ba Rai iha ajensa polítiku norte-amerikanu nian.

 

Populasaun aderiu maka'as ba manifestasaun no ema amerikanu millaun 20 resin hakarak halo prezervasaun ba rai no ba ambiente.

 

Nune'e, tinan-tinan, iha loron 22 fulan-Abril, sidadaun millaun resin iha mundu tomak hatudu sira nia kompromisu iha prezervasaun ba ambiente no ba sustentabilidade Rai nian. Iha loron ne'e hakerek fraze no poema sira kona-bá importánsia planeta Rai nian iha eskola sira, no iha atividade sira seluk.

 

Loron Mundial ba Rai iha ona asaun millaun rihun resin nebe maka halo hodi defende ambiente.

 

Impaktu ba Ambiente

 

Investigadór no asosiaasaun ambientalista sira alerta ba perigu no konsekuénsia sira akesimentu globál Rai nian, liuliu:

 

• Aumenta temperatura globál Rai nian
• Espésie animál balun bele lakon
• Aumenta ba nível bee iha oseanu sira
• Falta bee moos
• Aumenta maka'as ba katástrofe naturál sira hanesan tempestade, rai-maran no manas

horadoplaneta às 11:19 | link do post | comentar | Adicionar aos favoritos