Sri Lanka hanesan nasaun dahuluk nebe proteje mangál sira

Metade mangezal liu iha mundu hetan estraga iha sékulu ikus ne'e.



 

Maibé hirak ne'ebé moris no hetan iha teritóriu Sri Lanka agora dadaun proteje hosi projetu úniku iha mundu. No iha sentru operasaun ne'e hodi proteje ekosistema úniku hela de'it inan sira.

 

Mangezal sira mak ekosistema ne'ebé dezempeña papél importante iha kombate ba alterasaun klimátika tanba abosrve dióksidu karbonu duké floresta sira seluk. No moos, proteje zona kosteira inundasaun no proporsiona animál tasi nia hela fatin, hanesan kadiuk, boek no ikan kiik sira.

 

Agora, atu proteje floresta sira ne'e atu sai tun, Sri Lanka lansa ona projetu konservasaun úniku ida iha mundu, no iha tempu hanesan sei ajuda komunidade ki'ak sira. Estratéjia ne'e lao hodi fó empréstimu ki'ik ba feto sira iha Sri Lanka no hanorin sira kria sira nia negósiu rasik. Ho troka, feto besik 15.000 sei la taa ai mangejal no sei tau mangejal besik sira nia hela fatin.

 

"Ne'e responsabilidade no nesesidade ba governu hot-hotu, instituisaun privada, instituisaun NGO, investigador no sosiedade sivil halibur hamutuk hodi proteje ekosistema mangejal nian", indika prezidente Sri Lanka, Maithreepala Sirisena, sita BBC.

 

Organizasaun konservasionista responsável sira hosi projetu, ne'ebé apoiu hosi governu Sri Lanka, fiar katak fó poder ba feto hodi trata benefísiu boot ba padraun moris nian iha komunidade kosteira sira iha nasaun ne'eba. Nune'e moos, organizasaun sira konvense dadaun katak maneira efisiente liu hodi proteje mangejal sira mak konsiensializa komunidade sira atu moris hamutuk ho ekosistema ba ninia importánsia duké kastigu sira hodi tesi ai hodi halo ai sunu.

 

ho Green Savers

horadoplaneta às 13:05 | link do post | comentar | Adicionar aos favoritos