Xinelus sira so'e iha tasi-ibun sai hanesan brinkedu iha Kénia (ho Foto)

Julie Church hanesan espesialista iha konservasaun natureza nian no hanesan Ocean Sole ninia na'in, ONG ida ne'ebé hamoos foer sira iha tasi-ibun - liuliu xinelus boraxa nian. Hafoin ne'e, Church lori foer sira ne'e no transforma ba brinkedu sira, brinku sira no objetu sira dekorasaun nian.




 

Projetu ne'e dezenvolve hela iha Kénia no mós iha ligasaun ba envolvimentu sosiál no emprego nian. Tanba transformasaun foer ba objetu sira loron-loron nian ne'ebé halo hosi grupu ida mane no feto kenianu sira nune'e bele tulun ambiente no hetan osan ruma.

 

Aleinde brinkedu sira, iha mós artezaun ne'ebé halo eskultura boot hosi restu sira ne'e, fa'an ba turista sira iha mundu tomak ho marka Ocean Sole. Loloos ne'e, grupu sidadaun nian ne'e servisu besik boraxa ho tonelada 400 tinan-tinan hosi tasi-ibun, ninia inisiativa maka hodi harii fali moris hosi komunidade kosteira nasaun afrikanu nian.

 

Tuir Meu Planetinha, grupu ne'e iha ona ema na'in 100, barak liu antes hetan servisu ne'e iha hamlaha ninia laran. Hanesan kazu Maureen Atineo no Eric Mwandola nian. Eric hatete katak nia uluk laiha osan hodi hola sapatu, maibé ohin iha ai-hán, ropa no bele haruka ninia oan sira ba eskola.

 

Le artigo original no hatene liután kona-bá ONG Ocean Sole.

Hanoin ona iha ideia ne'e no bele halo buat ruma iha ita ninia komunidade?

 

 

 

Sapo TL no Green Savers

horadoplaneta às 14:07 | link do post | comentar | Adicionar aos favoritos