Polísia prende tubaraun nia liras hamutuk 200.000 nebe atu haruka ba Ázia

Polísia Equador nian foin lalais prende ona tubaraun nia liras hamutuk 200.000 resin iha portu sidade Manta, ho destinu atu haruka ilegal ba merkadu aziátiku, ho folin bele to'o euro milaun 1,36.

 

 

Buka hetan iha kontentór sira no ba propriedade sira iha portu sidade nian. Kaer tiha ona ema na'in neen, inklui ema na'in ida ho nasionalidade xinés.

Ba organizasaun konservasionista sira ba aprensaun ne'e perturbadór tebes, tanba tubaraun sira iha papél ida importante iha ekosistema mariñu nian. "Prende tubaraun nia liras barak iha Ekuador, iha de'it kilómetru rihun hosi Galápagos, ne'e perturbadora tebes. Tubaraun sira kaer papel ida importante iha ekosistema mariñu no bainhira halakon sira bele hamosu kolapsu ba sira rasik", afirma organizasaun Galapagos Conservation Trust,nebe haktuir hosi Guardian.

"Ne'e hanesan notísia di'ak tanba autoridade ekuatorianu sira kombate peska ilegál ba tubaraun sira iha sira nia tasi no fa'an beibeik produtu ilegál sira hosi tubaraun, maibé tenki iha esforsu internasionál ida hodi hapara problema globál ne'e", hatutan organizasaun.

Iha merkadu aziátiku, liuliu iha Xina, produtu ne'ebé barak maka buka hodi halo sopa tubaraun liras nnian, nebe hanesan hahán ida tradisionál.

ho Green Savers

horadoplaneta às 14:25 | link do post | comentar | Adicionar aos favoritos