Papa Francisco konvida atu "renova atensaun" hasoru "degradasaun ambientál"

Papa Francisco konvida horisehik atu "renova atensaun hasoru degradasaun ambientál no rekuperasaun ba ida ne’e iha kada teritóriu", wainhira anunsia publikasaun iha loron 18 juñu hosi nia ensíklika kona-ba meiu ambiente.

 

 

"Ensíklika ne’e diriji ba ema hotu atu bele simu nia mensajen no moris iha responsabilidade ba uma komun ne’ebé Maromak tau fiar mai ita", adianta papa, hafoin selebra Angelus, iha Praça de São Pedro repleta.

 

Títulu ne’ebé sai primeira ensíklika Francisco nian- tanba ida anteriór "Luz da fé" (Lumen Fidei) hakerek ona parsialmente hosi nia antesesór, Bento XVI - maka "Laudato si (louvado seja), kona-ba kuidadu ba uma komun'.

 

'Laudato si' hanesan fraze inisiál hosi Kántiku Kriatura São Francisco de Asís nian, hakerek iha 1225.

 

Ensíklika ne’e mós hanesan dokumentu pontifísiu daruak hafoin ezortasaun apostólika "Evangelii Gaudium" (A alegria do Evangelho).

 

Francisco ko’alia kona-ba meiu ambiente iha nia-diskursu barak no nia fraze ne’e famoza iha ne’ebé sita hosi ansiaun ida ne’ebé hatete ba nia: "Maromak sempre perdua, ema dalaruma, Rai nunka perdua".

 

Hodi aprezenta dokumentu, pontífise hili reprezentante hosi Igreja katólika, prezidente Konsellu Pontifísiu Justisa no Dame nian, kardeál Peter Turkson, maibé mós Giovanni Zizioulas, reprezentante hosi patriarkadu ortodoxo Konstantinopla, ne’ebé ativu tebes iha defeza ba ekolojia.

 

Integra komisaun ne’ebé aprezenta ensíklika laiku ida, sientista Schellenhuber, fundadór no diretór Institutu Potsdam ba investigasaun kona-ba impaktu alterasaun klimátika.

 

Maski ladauk koñese konteúdu ensíklika nian ne’ebé hakerek iha español, publikasaun ne’e to’o uluk kontrovérsil balun kona-ba mensajen no posível krítika ba sistema ekonómiku no finanseiru atuál hanesan ba grupu ho poder ka multinasionál petrolífera.

 

Krítika ba sistema atuál ekonómiku ne’ebé papa realiza ona iha okaziaun oi-oin, wainhira akuza sosiedade katak hanoin de’it iha manan no la iha ema.

Kardeál hosi Honduras Oscar Rodríguez Maradiaga, koordenadór hosi grupu ne’ebé hanaran "C9" ne’ebé ajuda Francisco iha reforma ne’ebé adotadas iha Kuria no ne’ebé lee dokumentu, afirma katak ida ne’e hanaran"testu delisiozu", ne’ebé delikadu kona-ba kestaun balun.

 

Maradiaga mós fó sai katak sei ba ko’alia lolos kona-ba responsabilidade ne’ebé empreza sira iha nune’e hodi kastigu sira ne’ebé kontra planeta.

 

"Ida ne’e sei book ita hotu hodi reflete", adianta.

 

Durante voo ne’ebé fila hikas hosi viajen ne’ebé halo ba Filipina iha fulan-Janeiru, Francisco fó sai ona katak nia hakarak atu ninia encíclica bele publika iha fulan-Juñu atu nune’e bele fó sai molok Cimeira kona-ba Clima de Paris ne’ebé sei hala’o iha fulan-Dezembru.

 

SAPO TL ho Lusa

horadoplaneta às 06:16 | link do post | comentar | Adicionar aos favoritos