Festivál na’an asu nian hamosu polémiku iha Xina

Iha sidade Yulin, iha súl Xina nian, iha tempu veraun selebra festival ba na’an asu, nebe sidadaun no vizitante millaun resin han na’an sira hosi animál oioin, maski iha protestu hosi ativista sira tanba direitu animál sira nian.

 



Rezidente barak hosi Yulin, sidade ki’ik ida iha súl Xina nian, hein ho ansiozu iha tinan tomak nian laran ba festival na’an asu nebe selebra iha veraun. Iha momentu ne'e, família no grupu sira halibur hamutuk iha meza hodi han na’an asu nebe prepara ona.

Edisaun tinan 2015 hahú ona iha loron 21 fulan-Juñu, loron solstísiu iha veraun nian, ne'e sei akontese hanesan iha tinan hirak ikus ne'e, tradisaun ne'e hasoru polémiku, ho grupu ativista internasionál sira husu ba governu xinés lejislasaun ida hodi bandu tradisaun ne'e, tuir esplika, envolve hahalok aat haosru animal sira.

Iha loron-segunda ne’e, grupu ida ho ativista besik na’in 25 hosi direitu animál nian halo manifestasaun iha edfísiu governu Yulin nia oin, husu atu taka festival ne'e, maibé ema deskoñesidu sira haruka sira sai tanba sira hanoin katak grupu ne’e ko’alia at hasoru ofisiál sira governu nian.

Merkadu sidade nian, fatin nebe fa’an animal nian, hanesan fatin ida nebe nakonu ho tensaun iha loron hirak ne’e. Maski nune’e, negosiante ba na’an asu no busa garanti katak negósiu la’o diak hela.

Durante sékulu barak, asu sira la’ós hanesan animal estimasaun iha Xina. Maibé, klase média foun nebe adota daudaun tradisaun osidental ne’e trata asu hanesan elementu hosi familia. Festival ne'e halo hodi hanoin fila fali xoke ideia kultural ne’e. Iha parte seluk, ema balun hakarak defende tradisaun no esplika katak han na’an asu ne’e brutal hanesan han na’an sira seluk- Iha fatin seluk, parte balun hosi populasaun xinés agora haree asu ho hanoin seluk, asuntu ne’e hanesan asuntu lulik ida.

Aleinde manifestasaun no petisaun sira, iha ativista sira nebe foti medida sériu no diretu sira. Iha tinan kotuk, Yang Xiaoyun mosu iha pájina jornal sira hafoin gasta euro rihun 21 hodi salva asu 350. Ativista, hosi parte norte nian, fila iha tinan ne'e ba Yulin ho osan nebe nia hetan hosi Xina tomak hosi salva tan asu sira. Hafoin ne’e Yang sei buka fatin ida ba animál sira ne’e iha sidade sira nebe besik ho Yulin.

ho Mood

horadoplaneta às 16:14 | link do post | comentar | Adicionar aos favoritos