Austrália adia anúnsiu kona-ba meta redusaun CO2 nian ba períudu pós-2020

Governu australianu adia fali anúnsiu kona-ba sira-ninia objetivu hodi hamenus gazes poluentes ba períudu pós-2020, bainhira nasaun barak maka fixa ona metas, tuir informasaun ne’ebé fó sai ohin hosi “media” lokál.




Primeiru ministru, Tony Abbott, ko’alia lia hirak ne’e ohin durante reuniaun partidária hafoin loke hikas sesaun lejislativas, ba 1-agostu, wainhira anúnsiu refere tenke fó sai to’o meadu tinan ne’e, dehan ajénsia AAP.


Adiamentu ba anúnsiu refere akontese bainhira governu konservadór australianu husu ba Korporasaun Finansiamentu Enerjia Limpa (CEFC, sigla iha lian inglés) hodi lainveste iha teknolojia eólika, no ba iha projetu jerasaun kiik hosi enerjia solár.


Orden ne’e halo parte iha akordu ho senadór balun hodi hetan aprovasaun hosi Objetivu Enerjia Renovável foun, fulan kotuk ne’ebé hamenus hosi 41.000 ba 33.000 gigawatts kada oras iha 2020.


Iha semana kotuk, Nova Zelándia fó sai katak sei aumenta tan sira ninia meta redusaun gazes ho efeitu hosi estufa ba 2030, hodi hamenus ba 30% hosi nivel ne’ebé rejista ona iha 2005.


Objetivu foun hosi neozelandés ne’e sei aprezenta tuir ámbitu hosi Kovensaun Kuadru Nasoens Unidas nian kona-ba Alterasaun Klimátika, atu nune’e bele alkansa akordu globál foun iha simeira Paris dezembru (COP21).


SAPO TL ho Lusa

horadoplaneta às 06:00 | link do post | comentar | Adicionar aos favoritos