Juñu liubá hanesan fulan ida ne’ebé manas liu iha mundu dezde finál sékulu XIX – Japaun

Iha fulan-Juñu liubá sai hanesan fulan ida ne’ebé manas liu iha planeta dezde komesa rekolla dadus, iha finál sékulu XIX, ne’ebé publika ohin ba Ajénsia Meteorolójika Japaun (JMA).

 


Temperatura média ba superfísie globu hosi juñu 2015 hetan sentígradu grau 0,41, liu fali média ne’ebé rejistu entre tinan 1981-2010 no superiór ho 0,76 graus ba média hosi sékulu XX , ne’ebé transforma hanesan fulan ida ne’ebé manas liu dezde rekolla dadus vez dahuluk, iha tinan 1891, fó sai ba JMA.
Indikadór ida ne’e rezulta média entre temperatura sira hosi superfísie terrestre no oseánika.


Juñu 2015 koinsidi ho xegada rai-manas maka’as maka afeta faixa osidentál europeia. Aliás, iha Portugal sai hanesan fulan ida ne’ebé manas liu iha tinan sanulu ikus ninian no kintu dezde 1931, ho temperatura média hosi ar kuaze 22 graus Celsius, "superior liu" duke normal, konforme dadus sira ne’ebé fó sai hosi Instituto Português do Mar no Atmosfera (IPMA).


Organizmu barak, inklui ba JMA, mós aponta hela katak forsa ne’ebé hetan iha tinan ida ne’e hosi fenómenu El Niño iha Oseanu Pasífiku sei hetan efeitu iha temperatura sira iha globu tomak.


Ajénsia Oseánika no Atmosférika hosi Estadus Unidus (NOAA, sigla iha lian-inglés), ne’ebé fó sai foin lalais ne’e katak fulan-Maiu liubá sai hanesan fulan ne’ebé manas liu maka nunka akontese, tenki publika ba relatóriu iha loron sira oin mai kona-ba temperatura média globál hosi juñu nian.


Espesialista sira hein katak bele iha diverjénsia ki’ik-oan sira, maibé sira konsidera katak vereditu sei hanesan, tanba juñu sai hanesan fulan ida ne’ebé manas liu iha mundu istória nian foin lalais ne’e.


SAPO TL ho Lusa

horadoplaneta às 08:47 | link do post | comentar | Adicionar aos favoritos