Famozu na'in 60 nebe hakarak salva mundu

Komanda hosi designer Vivienne Westwood, selebridade sira hanesan George Clooney, Hugh Grant, Kate Moss ho Naomi Campbell lansa kampaña hasoru petrolíferu nebe ameasa estraga Ártiku.

 

Vivienne Westwood

 

Estilista Vivienne Westwood inaugura ona iha loron-tersa iha estasaun Waterloo hosi Metro Londres nian espozisaun fotográfiku ida nebe halo parte iha kampaña globál Greenpeace nian hasoru petrolíferu, liuliu Shell, nebe ameasa estraga Ártiku ho nia perfurasaun sira.

Selebridade na'in 60, inklui naran koñesidu sira hanesan George Clooney, Hugh Grant, Kate Moss ho Naomi Campbell, hatán ona hodi hasai foto ho "t-shirts” nebe hakerek hosi  Westwood no imajen sira nebe domina ho slogan “Save the Arctic” sei hatudu iha fatin estratéjiku oioin iha kapitál ingleza nian.

 



Fatin ida maka prasa nebe iha edifísiu-sede Shell nia oin, nebe hanesan kompañia ida nebe hakarak hahú fura iha Alaska iha semana hirak tuirmai ne'e, hodi aproveita veraun no gelu nebe oituan.

Organizasaun Greenpeace, nebe lidera luta maka'as hasoru planu sira ne'e, sustenta katak posu foun sira petróleu nian iha rejiaun bele hamosu katástrofe nebe maka'as.

"Mudansa klimátiku sira halo dadaun jelu sira Ártiku nabeen maka'as, nune'e maka nasaun no empreza barak haree hanesan oportunidade di'ak hodi tama iha zona no estraga rekursu naturál sira" - hatete hosi porta-vós ida hosi grupu ekolojista.

Vivienne Westwood apoia luta ne'e no nia hatete: «"Status quo" bele oho ita. Ema sira la hatene katak ita iha dalan ba extinsaun boot ida», designer ne'e hatete.

Haree foto hosi selebridade sira nebe partisipa iha kampaña iha
Famozu na'in 60 nebe hakarak salva mundu

ho Top Fama

horadoplaneta às 14:09 | link do post | comentar | Adicionar aos favoritos