Nasaun sira hosi Árktiku halibur hamutuk hodi hapara peska komersiál iha rejiaun Pólo Norte

Nasaun ualu ho nia teritóriu iha rejiaun Ártiku foin lalais asina ona akordu ida hodi hapara peska komersiál iha tasi Pólu Norte nian.

 

 

Foto: drjerryfowler / Creative Commons


Dokumentu ne'e hanesan resposta ida ba alterasaun klimátika sira, ne’ebé provoka jelu nabeen iha Oseanu Ártiku.


Kalkula ona katak tasi ártika sira laiha ona stock komersial ba ikan sira, maibé jelu nia nabeen atrai ikan barak iha parte norte liu ba, liliu bakallau.

Akordu ne'e hodi "evita problema kedas ona", hatete vise-sekretáriu asistente Estadu ba Oseanu no Peska Estadus Unidus nian, David Balton, sita Guardian.

 

"Uitoan tebes mak hatene kona-ba área oseanika ne'e", nia hatutan.

 

"Alterasaun klimátika sira afeta dadaun padraun migratóriu ba stocks ikan nian", hatete ministru Negósiu Estranjeiru Noruega nian, Boerge Brende.

Tuir governante, nasaun hotu ho teritóriu iha rejiaun Ártiku iha responsabilidade hodi proteje tasi internasionál, hahú milla naútiku 200 hafoin hosi kosta hirak ne'e rasik.

 

Akordu negosia ona iha Fevereiru 2014 iha Gronelándia no tenke asina iha jullu tinan ikus. Maibé ideia entre Rúsia no Ukránia tarde iha asinatura dokumentu ne'e.

 

Estadu signatáriu sira ba akordu ne'e agora hakarak atu nasaun sira seluk - hanesan Xina, Koreia Sul, Vietname no nasaun Uniaun Eurpeia sira hotu - kompromete-an atu la halo peska iha tasi ártika.

 

SAPO TL ho Lusa

horadoplaneta às 01:15 | link do post | comentar | Adicionar aos favoritos