Matenek na’in sira identifika ona gen hosi animál hirak ne’ebé bele adapta ba iha alterasaun klimátika

Matenek na’in sira foin maka identifika gen ne’ebé bele halo espesie hosi ikan balun, adapta akesimentu oseanu nian ne’ebé akontese tanba alterasaun klimátika, tuir informasaun hosi Universidade James Cook.


Foto:@anad

 

Iha projetu ne’ebé dezenvolve hamutuk ho Universidade King Abdullah, saudita nian, investigadór sira analiza ona jerasaun hosi ikan oioin, tuir esperiénsia ne’ebé halo ho koral iha laboratóriu estadu Queensland (nordeste australianu).

 

“Ikan balun iha kapasidade únika hodi adapta temperatura hosi bee ne’ebé maka’as liu ba iha jerasaun balun”, dehan Heather Veilleux, hosi sentru investigasaun korál (Coral CoE), Universidade James Cook.

 

Ho teknolojia molekulár ne’ebé avansadu, ekipa investigadór identifika ona jenes 53 ne’ebé envolve ba iha aklimatizasaun ho prazu naruk no liu hosi jerasaun ba temperatura bot oioin.

 

Veilleux dehan katak deskoberta ne’e sei ajuda atu hatene di’ak liu tan kona-ba prosesu adaptasaun hosi ikan, nune’e hodi identifika espesie ida ne’ebé vulnerável no hirak ne’ebé tolerante liu bainhira kondisaun klimátika ka ambiente muda-aan.

 

Tuir estudu, gen no molékula sira maka responsável ba produsaun enerjia no tuir resposta hosi sistema imunolójika hanesan xave hodi haloa adaptasaun ba iha ambiente ida ne’ebé temperatura hothotu sa’e.

 

Iha nordeste Austrália ezisti Bareira Korál Bot, resife bot iha mundu, tanba ho espesie oioin ne’ebé hetan ameasa tanba rezíduo no akesimentu globál.

 

SAPO TL ho Lusa

horadoplaneta às 08:02 | link do post | comentar | Adicionar aos favoritos