Papa Francisco konvida autarka 60 no governate sira atu tuir konferénsia kona-ba alterasaun klimátika

Papa Francisco sei hahú reuniaun ho períodu loron rua, iha Vatikanu, hodi enkoraja autarka sira no governante sira iha mundu tomak hodi adopta solusaun ba alterasaun klimátika sira, esplika Bussiness Green.


Foto: thierry ehrmann / Creative Commons

 

Tuir site, sei partisipa iha reuniaun autarka liu 60 no governante sira hosi mundu tomak, iha eventu ida ne’ebé organiza hosi Pontificial Academy of Sciences no hosi Pontificial Academy of Social Sciences.

 

Aliende adopsaun ba medida sira hodi kombate alterasaun klimátika sira, nune’e moos sei aborda tema sira hanesan eradikasaun ba ki'ak no hatun emisaun ho efeitu estufa.

 

Objetivu ida hosi enkontru ne'e mak presiona polítiku sira hodi too akordu ida globál hodi hamenus efeitu alterasaun klimátika iha Konferénsia Klima nian oin mai, ne’ebé sei realiza iha Dezembru iha Paris, Fransa.

 

Konvidadu rua mak hanesan George Ferguson, prezidente Kámara Bristol nian, no Tony Lloyd, prezidente interinu Manchester, sidade Reinu Unidu nian.

 

Fó hanoin fila fali, iha juñu, Papa publika ona ensíklika Laudato Si, ne’ebé ko’alia kona-ba kristaun no seluk iha mundu kona-ba importánsia tau matan ba planeta.

 

"Ne'e uma ba hotu-hotu", nia hatete, iha ne’eba mak sai ensíklika ambiental dahuluk istória Igreja Katólika nian.

 

SAPO TL ho Lusa

horadoplaneta às 00:55 | link do post | comentar | Adicionar aos favoritos