Illa Pasífiku sira hakarak indemnizasaun tanba alterasaun klimátiku

Fundu hosi Dezenvolvimentu Illa Pasífiku sira nian sei husu ba emisór prinsipál sira gás ba estufa nian atu selu nasaun insulár sira nebe afetadu tanba alterasaun klimátiku sira, haktuir hosi imprensa lokál iha loron-sesta ne'e.


 

Líder ho reprezentante sira hosi fundu rejionál ne'e konkorda ona atu hakotu pedidu ne'e iha deklarasaunn ikus hosi enkontru loron tolu, nebe hotu iha loron-sesta ne'e iha Fiji, tanba seidauk iha kritériu no metodolojia, haktuir hosi jornál Fiji Times.

 

Sekretáriu-jerál interinu hosi fundu ne'e, Amena Yauvoli, justifika ona indemnizasaun sira hodi hatete katak asaun hosi ansaun sira nebe halo poluisaun la hanesan ho konvensaun ONU nian hasoru alterasaun klimátiku.

 

"Ami kontribui ona ho gás nebe menus, maibé ami maka hasoru estraga sira hosi alterasaun klimátiku. Tanba ne'e ami konkorda ho indemnizasaun sira iha termu imigrasaun nian no estraga no prejuizu sira relasionadu ho alterasaun klimátiku", Yauvoli hatete.

 

Enviadu espesiál hosi ONU ba Alterasaun Klimátiku, Mary Robinson, hatete katak iha loron-domingu no loron-segunda sei hala'o reuniaun ministeriál ida informal iha Paris hodi ko'alia espesífiku ba aspetu finanseiru.

 

"Ho liafuan seluk, [sei ko'alia] implementasaun, adaptasaun, estraga, nebe hanesan importante ba ema sira iha Pasífiku no illa ki'ik sira seluk", hatete hosi Robinson nebe haktuir hosi jornál.

 

Hodi hamenus efeitu sira hosi alterasaun klimátiku harii ona, iha tinan haat liubá, Fundu Verde Klima nian, nebe sei konta ho osan dolár millaun 100.000 hahú iha tinan 2020, folin ida nebe destinadu hodi apoia nasaun sira nebe vulnerável.

 

ho Lusa

horadoplaneta às 16:19 | link do post | Adicionar aos favoritos