Singapura tenki taka nia eskola sira no responsabiliza Indonézia

Singapura tenki taka nia eskola sira no responsabiliza Indonézia tanba suar nebe mai hosi inséndiu sira.


Suar nebe mosu tanba inséndiu sira nebe akontese iha Kalimantan no Sumatra alastra to'o Malázia ho Singapura. EPA@ Fazry Ismail

 

Autoridade sira hosi Singapura fó sai ona katak sira konsidera hanesan hahalok "xokante" ida hosi parte Jakarta nian, nebe obriga taka eskola no fahe máskara sira tanba suar maka'as nebe mosu hosi inséndiu agríkola sira iha Indonézia.

 

Iha ona semana tolu nia laran maka sidade-Estadu ne'e nakonu ho suar maka'as, tanba inséndiu sira nebe akontese iha viziñu illa indonéziu Sumatra.

 

Eskola primáriu sira, sekundáriu sira no infantáriu sira sei taka nafatin iha loron-sesta ne'e, situasaun ida nebe inéditu, haktuir hosi jornál Straits Times. Kualidade ár hetan ona avaliasaun hanesan "perigozu" hafoin hetan tiha konsiderasaun hanesan "prejudisiál tebes ba saúde".

 

Ministru Singapura nian ba Negósiu Estranjeiru, K. Shanmugan, akuza ona autoridade indonéziu sira hodi la valoriza problema, nebe prejudika mós relasaun sira entre Singapura ho Jakarta.

 

Inséndiu nebe akontese iha Indonézia, dalabarak, mosu tanba sunu ilegál sira nebe halo hodi "hamoos" área barak hodi halo produsaun óleu palma nian, seluloze no surat-tahan.

 

ho Lusa

horadoplaneta às 12:18 | link do post | comentar | Adicionar aos favoritos