Loron Hodi Hamenus Dezastre Naturál sira - 13 fulan-Outubru

Antes selebra iha loron-kuarta daruak fulan-Outubru nian, maibé hahú 2009 maka Loron Internasionál Hodi Hamenus Dezastre Naturál sira selebra ona tinan-tinan iha loron 13 fulan-Outubru, desizaun ida nebe foti hosi Asembleia-Jerál ONU nian.

 


Loron ne'e harii iha tinan 1989 hodi alerta nasaun sira ba nesesidade hodi adopta polítika sira protesaun hasoru dezastre naturál sira. Iha loron ne'e, nasaun sira no sidadaun sira hetan konviti hodi halo parte iha edifikasaun ba komunidade ida nebe iha kapasidade hodi hasoru dezastre naturál sira.

"Knowledge for Life"
hanesan tema ba Loron Hodi Hamenus Dezastre Naturál sira 2015 nian. Tema ne'e iha relasaun ho koñesimentu tradisionál, indíjena no lokál, nebe komplementa siénsia modernu. Hanesan ezemplu, koñesimentu hosi sinál sira alerta nian iha natureza nebe bele sai importante hodi hametin asaun ida prekose nebe hamenus impaktu hosi dezastre sira nebe akontese beibeik ka fenómenu sira nebe akontese derepenti hanesan rai-maran, rai-manas, tempestade sira no inundasaun sira. Hanesan aliadu ba koñesimentu sientífiku, hanesan relatóriu sira nebe meteorolojista sira hato'o, koñesimentu lokál hanesan importante tebes, nebe transmiti hosi jerasaun ba jerasaun.

 


"Koñesimentu tradisionál no indíjena hanesan baze ba informasaun importante ba sosiedade barak nebe hakarak moris iha harmonia ho natureza no adapta ba akontesimentu klimátiku sira nebe destrutivu, ba akesimentu globál no aumentu ba nível tasi nian", hatete hosi Ban Ki-moon, Sekretáriu-Jerál ONU nian.

@SAPO Timor-Leste

horadoplaneta às 17:01 | link do post | comentar | Adicionar aos favoritos