Matenek na’in sira deskobre ona espésie foun hosi lenuk jigante iha Galápagos

Ekipa ida ne’ebé kompostu hosi matenek na’in internasionál nomós Ekuadór nia, horisehik fó sai katak hetan ona espésie foun hosi lenuk bot ida, iha illa Galápagos.


 

Lenuk atus resin de’it maka ho espésie ne’e, dehan ministru Ambiente Ekuadór iha komunikadu.

 

Espesialista hirak ne’e fi’ar katak populasaun rua hosi lenuk jigante hosi illa Santa Cruz hanesan ho espésie foun ne’e, maibé bazeia ba teste jenétika hatudu katak sira ne’ebé ezisti iha parte oriental hosi illa ne’e lahanesan, tuir dokumentu fó sai.

 

Sientista hirak ne’ebé lidera hosi Gisella Caccone, hosi Universidade de Yale, fó naran ba espésie foun ne’e ho "Chelonoidis donfaustoi", hanesan omenajen ida ba Fausto Llerena, tratadór 'Lonesome George' nian (ne’ebé mate iha 2012), lenuk-aman ida hosi illa Pinta no espésie hosi lenuk ne’e de’it maka maka sei moris.

 

"Ami kalkula katak element hosi espésie ne’e entre 250 to’o 300", dehan sientista ekuatorianu Washington Tapia, ne’ebé halo parte mos iha peskiza refere. Arkuipélagu hosi Galápagos, situa ho kilómetru 1.000 ba oeste Ekuadór, hanesan ekosistema frájila ida ne’ebé, fó abrigu ba espésie hosi animál oioin iha mundu.

 

Iha 1979, Rezerva Naturál sai hanesan Patrimóniu Mundiál dahuluk hosi UNESCO (Ajénsia hosi ONU ba Edukasaun, Siénsia no Kultura).

 

SAPO TL ho Lusa

horadoplaneta às 08:10 | link do post | comentar | Adicionar aos favoritos