Falla esforsu internasionál sira hodi harii zona sira protesaun ambientál iha Antártida

Falla esforsu internasionál sira hodi harii zona boot rua ba protesaun moris selvajen iha Antártida nebe iha loron-sesta ne'e falla ba dala lima, maibé delegadu sira afirma ona esperansa hafoin Xina ho Rúsia kaer tiha kompromisu.


Foto: Green Savers

 

Reuniaun hosi Komisaun ba Konservasaun hosi Rekursu Mariñu sira nebe moris iha Antártida (CCAMLR, sigla ho lian inglés) ohin la hetan akordu ida kona-bá área rua propostu, destinadu hodi proteje animál sira hanesan baleia ho pinguin.

 

Fonte ofisiál sira hatete katak, iha oras ikus, Xina fó sai ona katak sei apoia rezerva ida iha tasi Ross, nebe koñesidu hanesan "Oseanu Ikus", tanba konsidera hanesan ekosistema mariñu úniku nebe intaktu iha planeta.

 

Maibé, solusaun ne'e hetan blokeiu hosi Rúsia, nebe, hamutuk ho Xina, impede mós proposta ida ba zona mariña ida nebe protejidu iha rejiaun kosteiru iha lesta Antártika nian, haktuir hosi grupu ambientalista sira nebe halibur iha Aliansa Oseanu Antártiku.

 

"Hanesan xokante katan, bainhira membru maioria hosi komisaun senti prontu hodi harii área marítimu boot protejidu iha bee sira Antártida nian, Xina ho Rúsia mós blokeia esforsu hodi halo negósiu hodi hetan rezultadu pozitivu ida", hatete hosi membru ida hosi Aliansa, Jill Hepp.

 

Proposta rua ne'e hetan rejeisaun dala lima iha enkontru anuál komisaun nian, nebe eziji konsensu hosi membru 24 sira no hosi Uniaun Europeia. Maibé, delegadu sira felisita ona apoiu hosi Xina ba zona protejidu iha tasi Ross, nebe blokeadu iha tinan hirak ikus ne'e, hodi konsidera katak iha futuru karik bele sai hanesan akordu ida.

 

"Hanesan importante tanba agora ida de'it nasaun ida nebe la apoia proposta ne'e no nune'e ami besik ona. Hanesan nasaun importante ida nebe ami konsege hetan hodi apoia ami", hatete hosi xefe delegasaun hosi Estadus Unidus, Evan Bloom, ba ajénsia France Presse.

 

Iha fatin seluk, ministru Negósiu Estranjeiru hosi Nova Zelándia, Murray McCully, destaka mós kompromisu hosi Rúsia hodi mantén diálogu antes enkontru komisaun nian iha 2016.

 

Proposta relativu ho tasi Ross, apoia hosi Estadus Unidus no Nova Zelándia, tinan ne'e aumenta ba 1,5 millaun kilómetru kuadradu, maski zona peska nian hamenus oituan ba besik 1,1 millaun kilómetru kuadradu.

 

Austrália, Fransa ho Uniaun Europeiu hato'o área protesaun daruak, iha leste Antártida nian, ho millaun ida kilómetru kuadradu iha área ida nebe iha zona haat nebe sei permiti peska balun no peskiza, ho restrisaun ambientál balun.

 

Hahú 2011 maka proposta rua ne'e iha hela komisaun nia liman laran, ho misaun hodi observa konservasaun no esplorasaun sustentável hosi Oseanu Antártiku, rejiaun ida nebe ambientalista sira afirma katak iha espésie úniku hamutuk 10.000 resin, inklui baleia no lula boot ida, aleinde kondisaun espesiál sira ba investigasaun sientífiku nian.

 

ho Lusa

horadoplaneta às 15:20 | link do post | comentar | Adicionar aos favoritos