Xina harii ótel ekolójiku iha pedreira ne’ebé dezativadu (ho Foto)

Iha tinan rua ninia laran, mina antigu ida ne’ebé abandonadu iha distritu Songjiang, iha Xina, sei moris fali hanesan ótel ekolójiku. Hahú ona servisu sira no hakarak muda pedreira ne’ebé situa iha distritu xinés furak liu ninia oin – no hanesan destinu turístiku boot nasaun nian.

 

 

Projetu ne’e dezenvolve ona hosi rede InterContinental, sei kusta millaun €405 (millaun R$ 1,175) no sei iha andar 19 no kuartu sira 380. Sei situa iha foho sira Tianmenshan nian, iha kratera ida ho naruk metru 100.

 

Andar rua sei ih arai okos no iha kuartu sira, restaurante no akuáriu ida ho vista ba bee-lihun ninia okos. Bee sei sai hanesan elementu sentrál iha konstrusaun tomak, sai hanesan destake iha area oioin ne’ebé haleu ótel no iha design.

 

Tuir empreza británika, ótel ne’e projetadu ona hosi Atkin no hanoin nafatin sustentabilidade no integrasaun iha paizajen lokál. Nune’e, nia sei iha kaskata artifisiál sira no sei taka ho kakuluk verdi ida.

 

Edifísiu ne’e sei uza enerjia loron no jeotérmiku nian hodi hetan eletrisidade no akesimentu. Pedreira sei fornese mós fonte di’ak ida ba kontrolo térmiku, mantén nafatin temperatura di’ak.

 

Haree foto balun projetu nian.

 

 

Sapo TL no Green Savers 

horadoplaneta às 11:47 | link do post | comentar | Adicionar aos favoritos