Konferénsia kona-bá klima - Fransa suspende Schengen durante fulan ida

Governu Paris fó sai ona katak, hodi hametin seguransa relasionadu ho Konferénsia Mundiál kona-bá Klima, kontrolu sira iha fronteira sira sei loke fali entre loron 13 Novembru no 13 Dezembru.

 

 



Ministru Interiór fransés, Bernard Cazeneuve, konfirma ona iha loron-sesta ne'e katak tanba Konferénsia Mundiál kona-bá Klima (COP21) Fransa sei suspende durante fulan ida akordu sira Schengen kona-bá livre sirkulasaun hosi ema sira iha Uniaun Europeiu no nune'e sei loke fali kontrolu hosi pasaporte sira iha fronteira franseza sira nian hosi loron 13 Novembru no 13 Dezembru.

Tuir ministru, medida exsepsionál justifika tanba "kontextu ida hosi ameasa terorista ka risku sira ba orden públiku nian".

Desizaun ne'e foti tanba ameasa terorista sira no mós tanba previstu ona manifestasaun oioin iha Paris, nebe balun organiza hosi radikál sira hosi estrema-eskuerda sira, iha semana oinmai.

Konferénsia Mundiál kona-bá Klima hala'o iha rejiaun parisiense nian hosi loron 30 Novembru to'o 11 Dezembru no sei partisipa hosi xefe Estadu na'in 80 no delegasaun sira hosi nasaun 196. Ema rihun 35 resin hatán ona ba COP21, inklui reprezentante hosi Governu sira hamutuk millaun resin no hosi organizasaun internasionál nebe la'ós governu nian, nune'e mós jornalista hamutuk rihun lima.

ho Expresso

horadoplaneta às 16:01 | link do post | comentar | Adicionar aos favoritos