Sidadaun CPLP preokupa ho alterasaun, maibé hatete mós hanesan oportunidade

Efeitu hosi alterasaun klimátika hamosu preokupasaun ba sidadaun sira hosi nasaun lia-portugés sira, maibé haree hanesan oportunidade ida hodi aposta iha ekonomia "verde", maski Mosambike haree ida ne’e hanesan ameasa ida, tuir estudu ida mak halo iha estadu 90.


 

Tuir sira barak mak hatán ba inkéritu, atuasaun kontra mudansa hosi klima hanesan responsabilidade globál, polítiku, sosiedade no sidadaun ida-idak nian.

 

Portugál, Brazil, Mosambike no Kabuverde halo parte iha nasaun 90 mak abranje hosi konsulta públika kona-ba enerjia no klima ne’ebé realize iha fulan-juñu, ho partisipante 100 iha kada estadu.

 

Opinisaun sira ne’ebé mak rekolle sei tranzmite ba responsável polítiku sira ne’ebé sei marka prezensa iha konferénsia Nasoins Unidas nian kona-ba alterasaun klimátika, ne’ebé sei hala’o iha Paris, hahú hosi loron 30 novembru.

 

Nasaun sira ne’e "hatudu preokupasaun boot tebes ho alterasaun klimátika, ho 80% preokupa tebes, no Portugál ho enfaze ki’ik", tuir tendénsia mundiál, hatete horisehik investigadora Luísa Schmidt ba agénsia Lusa.

 

Preokupasaun ho impaktu hosi alterasaun klimátika maka’as liu iha Kabuverde (92% hosi sira ne’ebé hatán ba inkéritu sira), 83%  iha Mosambike no Brazil 75%.

 

Iha Portugál, liu uitoan hosi metade (57%), sidadaun sira preokupa tebes, maibé 42% preokupa de’it.

 

Sosióloga hosi Instituto de Ciências Sociais da Universidade de Lisboa, entidade responsável ba servisu iha Portugál, analiza dadus sira mak hetan no konklui katak " jeneraliza ideia, maski iha Mosambike la’e, entre ema mak alterasaun klimátika sai hanesan oportunidade ba mudansa hodi iha ekonomia verde liu tan, ho enerjia ne’ebé moos, ho efisiénsia, transporte públiku".

 

Mosambike konsidera katak dala barak alterasaun klimátika "bele sai hanesan ameasa ida no ida ne’e iha relasaun ho bee-sa’e no eventu estremu ne’ebé akontese beibeik" iha nasaun ne’e, nia hatutan.

 

Tuir 87% hosi brazileiru sira, dalan hodi kombate alterasaun klimátika hanesan oportunidade hodi hadi’a kualidade moris, maibé entre mosambikanu 37% hatete katak ne’e hanesan ameasa ida.

 

Iha Portugál, ema 81% hatete hanesan oportunidade, persentajen ne’ebé iha Kabuverde ho 72%.

 

Tuir Luísa Schmidt, "di’ak tebes verifika sidadaun hotu, hosi nasaun ne’ebé de’it, entre sira ne’ebé hosi CPLP [Comunidade de Países de Língua Portuguesa] ne’ebé tama iha konsulta públika, konsidera katak tenke iha responsabilidade globál, hosi desizór polítiku sira, hosi sosiedade sivíl no sidadaun sira" iha kestaun klima nian.

 

Brazil no Portugál, ba ema 71% no 72% hatete responsabilidade ne’e tenke globál, respetivamente, iha Mosambike 68% no Kabuverde 64%, no opiniaun mundiál hamutuk 70%.

 

Tuir sira ne’ebé hatán ba inkéritu sira presaun esterna iha papél desizivu. Tuir investigadora, dadus ne’e indika katak sidadaun sira konsidera importante atu "Nasoins Unidas fó presaun ba nasaun sira hodi buka dalan liuhosi akordu ne’ebé sira bele hetan".

 

Luísa Schmidt aponta mós destake ba investigasaun no dezenvolvimentu teknolójiku, hanesan ferramenta importante hodi kombate mudansa hosi klima, no kapasitasaun, no tranzmite katak "presiza investe liu" iha siénsia koñesimentu no iha nia transmisaun.

 

Hodi redús emisaun hosi gás ho efeitu hosi estufa, responsável principal sira ba alterasaun klimátika, sidadaun sira hili subsídiu ba fonte enerjia ho karbonu ki’ik no apoiu ba dezenvolvimentu teknolojia ho karbonu ki’ik.

 

Iha konkordánsia entre sidadaun sira hosi nasaun hirak ne’e kona-ba instrumentu sira ne’ebé adekua hodi redús emisaun, ho 74% to’o 80% defende edukasaun públiku, no protesaun ba florestál tropikál aprezenta 53% iha Brazil, 50% iha Kabuverde, 54% iha Mosambike no 33% iha Portugál.

 

SAPO TL ho Lusa

 

 

horadoplaneta às 01:03 | link do post | comentar | Adicionar aos favoritos