El Niño maka kria bailoro naruk to’o fulan abril iha Timor-Leste - ministru

Iha tinan ida ne’e udan-been sei tuun tarde iha Timor-Leste, tanba fenómenu El Niño maka bailoro sei prolonga to’o fulan abril, dehan ministru Agrikultura no Peska, Estanislau da Silva, ba Lusa.


Foto hosi Miguel António Gomes fó ba SAPO Timor-Leste

 

Situasaun ne’e sei fó impaktu ba alimentár populasaun, liu-liu iha zona kosteira norte, tanba to’o oras ne’e udan ladauk tuun iha parte refere.

"Karik ami konsege hetan udan-been utioan, ne’e di’ak. Maibé difisil baa mi atu ida ne’e akontese”, tenik Estanislau da Silva ba Lusa.

 

"Ami ninia preokupasaun maka bainhira udan kuandu mai, ema hahú kuda rai, maibé depois udan-been maran. Maka ida ne’e sei fó impaktu ba produsaun", dehan ministru.

 

Tanba ne’e maka Governu hahú kria planu kontinjénsia liu hosi sosa no fahe semente nomós alimentu, inklui fó apoia ba agrikultór sira.

 

Fenómentu El Niño hanesan alterasaun entre fulan 12 to’o 18 ba iha distribuisaun temperature hosi superfísie tasi-been Pasífika nian ne’ebé sai nu’udar efeitu ba meteorolojia rejiaun refere.

 

Espesialista sira haktuir katak fenómenu ba tinan ne’e – ida hosi tolu ne’ebé iha – hahú ona iha fulan maiu, ho intensidade “ladun no maka’as maski nune’e sei bele prolonga to’o inísiu tinan 2016”.

 

Iha juñu, rejiaun sentrál no leste Pasífika akontese ho anomalia hosi temperatura ne’ebé atu hanesan ho El Niño maka’as ida no fulan ida ne’e, temperatura ba iha rejiaun sentrál aumenta maka’as liu tan, ba eventu bot 1997-98.

 

Tuir Organizasaun Meteorolójika Mundiál, ida ne’e hanesan eventu bot ida mos hosi tipu ne’ebé hala’o ona iha  1997-1998 no 1982-1983.

 

 

Foto hosi Miguel António Gomes fó ba SAPO Timor-Leste

 

"Haktuir katak populasaun ne’ebé hela iha zona kosteira, liu-liu kosta norte, sei hetan afeta maka’as. Iha parte rai-klaran, tanba klima altitude, sei ladun hetan afeta, maski udan-been ladun barak", dehan Estanislau da Silva.

 

Hatutan tan katak, situasaun hosi udan-been ne’ebé ladun barak, rai-rahun nomós poluisaun bele mos afeta populasaun hirak ne’ebé ho moras respisratória.

 

Governante ne’e haktuir hikas katak ho efeitu síkliku hosi El Niño, hahú sente mos impaktu hosi alterasaun klimátika.

 

"El Niño hanesan siklu foun ida ne’ebé kria alterasaun klimátika ho durasaun kleur. Mudansa ida ne’ebé ladauk hetan preparasaun di’ak hosi ami-ninia populasaun sira”, nia dehan.

 

Estanislau da Silva ko’alia lia hirak ne’e ba ajénsia Lusa durante semináriu ne’ebé hala’o iha Dili, ho tema “Dezafiu Globál, Resposta Rejionál no Nasionál ba Inseguransa Aliment’ar nomós Nutrisionál”, ne’ebé koinside ho reuniaun estraordinária dahuluk hosi Konsellu Seguransa Alimentár no Nutrisionál hosi espasu uzófonu (CONSAN-CPLP).

 

Objetivu hosi reuniaun ne’ebé sei hala’o to’o 26-novembru, maka sei atu debate kona-ba planu serbisu hamutuk hodi kombate hamlaha no desnutrisaun iha Komunidade Nasaun Lian Portugés (CPLP).

 

Estudu ida ne’ebé fó sai iha tinan ne’e hosi Seeds of Life (SoL), programa ida hosi Ministériu Agrikultura no Peska, no finansia hosi apoiu ne’eb’e Austrália fó, haktuir katak klima sei bele fó impaktu maka’as ba seguransa ai-haan iha Timor-Leste.

 

Estudu ne’e fó sai katak família 9,2% ne’ebé mukit, liu-liu hirak ne’ebé hela iha área rurál, tenke haan ai-farina, talas, fehuk, hafoin tama ba fulan agostu, bainhira “'stocks” ne’eb’e sira kuda, hotu ona.

 

Konsumu ne’e aumenta barak liu iha tinan défisi agríkola nian, bainhira alimentasaun selvajen ka Silvestre hahú utiliza molok fulan rua no metade hosi família ne’ebé ki’ak.

 

"Bazeia ba tinan normál, 'stock' hosi ai-haan nian termina iha fulan agostu no família9,2% de;it maka han ai-farina, fehuk, talas. Tanba ne’e maka iha tinan défisi alimentár hahú mosu problema nutrisaun ladi’ak,  'stocks' hosi batar (graun) hotu iha fulan rua nia laran, lahanesan baibain, tanba ne’e maka metade hosi família sira tenke haan ona ai-farina, fehuk, talas hosi kedas fulan maiu", tuir estudu fó sai.

 

SAPO TL ho Lusa

 

horadoplaneta às 06:25 | link do post | comentar | Adicionar aos favoritos