Allianz ko’a euros milloens 4.000 ba investimentu hosi empreza ne’ebé uza karvaun


Allianz SE, jestór ativu ida ne’ebé mos bot iha mundu, horisehik fó sai katak sei hamenus investimentu ba empreza hirak ne’ebé uza karvaun, ka atu aumenta ba sira ne’ebé fó liu atensaun ba hirak ne’ebé uza eólika, iha fulan neen oin mai.


Tuir esplikasaun hosi CEO empreza, Oliver Baete, Allianz sei lainveste ba iha empreza ne’ebé faan karvaun liu 30% – ka bainhira karvaun maka rezulta 30% hosi eletrisidade konsumida.

 

Iha 2014, Allianz jere ona billoens €1,8 hosi fundu Reinu Unidu, Alemaña, Fransa, Itália,  Inglaterra nomós rejiaun  Ázia-Pasífika. Notísia ne’e fó sai molok hala’o 21ª Simeira Klima, ne’ebé hala’o ona semana kotuk iha Paris, Fransa.

 

Iha loron ne’ebá, Allianz sei fó klean ninia planu atu lainveste ba iha empreza hirak ne’ebé ho ligasaun ba karvaun – direta ka indireta – maibé espesialista sira konklui ona katak desizaun ne’e sei afeta investimentu ba orden milloens €4.000.

 

Andreas Gruber, xefe investimentu Alliaz, dehan ba TV ZDF katak desizaun ne’e hanesan preokupasaun bot ba laterasaun klimátika, maibé mos ba iha kestaun finanseira.

 

“Ami hakarak haruka sinál ida baa mi-ninia indústria no merkadu kapitál”, esplika Gruber, sita hosi Guardian.

Foto: Alan L / Creative Commons

horadoplaneta às 03:04 | link do post | comentar | Adicionar aos favoritos