Golfiñu Hong Kong iha risku atu lakón – ekolojista

Organizasaun ekologista Hong Kong alerta ba perigu ne’ebé ameasa hodi halakon golfiñu sira ho naran “golfinhos cor-de-rosa”, liu hosi obra ba ponte foun no planu atu haluan aeroportu.


 

Espesialista iha konservasaun ne’e garante katak alerta ne’ebé sira halo beibeik kontinua larona, hodi rezulta redusaun " lalais " númeru animál sira iha dékada ikus ne’e.

 

Golfiñu mutin chinés ne’e, koñesidu hanesan “ golfinho cor-de-rosa” liu hosi nia lian rosa, ne’ebé lorloron atrai tebes turista sira ba visita bee ne’e iha norte illa Lantau, Hong Kong.

 

Golfiñu ne’e hanesan maskote ofisiál iha serimónia transferénsia administrasaun iha 1997, bainhira sidade muda fali ba Xina.

 

Tamba ne’e, maski iha ema barak gosta animál mamíferu ne’e, espesialista sira sente tauk katak , lakleur tan sira bele lakon hotu.

 

Planu atu halo pista datoluk iha aeroportu Chek Lap Kok bele sai hanesan pregu ikus ba kaisaun, nia hatete.

 

"Karik projetu ne’e avansa, provavelmente sei hadook golfiñu sira hosi bee Hong Kong ", defende hosi Samuel Hung, prezidente Hong Kong Dolphin Conservation Society, ne’ebé tinan 20 ona halo kontrolu iha tasi pelumenus semana ida monitoriza dala rua atividade golfiñus nian.

 

"Ho forma ne’ebé iha parese ita dada dadauk sira ba iha rai naruk, karik ita dada to’o hotu, sira sei lakon mohu hotu.Hanoin katak agora tempu ona atu hamotuk hodi foti desizaun", nia apela.

 

Tuir Hung, iha deit golfiñus 60 iha bee Hong Kong nian ,iha signifikativa maka menus liu relasiona ba 158 iha tinan 2003.

 

"Golfiñu sira ne’ebé menus hetan kausa hosi fatór oioin, inklui iha esesu hosi peska no poluisaun (...) maibé hau hanoin katak kontributu boot liu hosi aumentu ba tráfegu ferie ho velosidade ás ", nia dehan.

 

SAPO TL ho Lusa

horadoplaneta às 07:45 | link do post | comentar | Adicionar aos favoritos