Estudu fó sai katak Borboleta ho vespa maka sai nu’udar polinizadór importante


Insetu barak hanesan, borboleta no vespa, nu’udar polinizasaun importante, ne’ebé dalabarak hetan ignorasaun no bele sai hanesan alternativa ba deklíniu banin nian, tuir estudu ida ne’ebé fó sai horisehik.

 

Has, kivi ka kafé ladepende ba banin, maibé depende ba borboleta, bezouru, vespa no nehek hodi poliniza, tuir estudu hosi Academia Americana de Ciências.

 

"Matenek-na’in sira lakonsege halo esplorasaun barak kona-ba papel hosi insetu seluk, alénde banin ba iha polinizasaun", dehan Margie Mayfield, hosi Universidade de Queensland, Austrália, koautora ida mos hosi estudu refere.

 

Dependénsia hosi polinizasaun ba banin ne’e hanesan estratéjia ne’ebé ladun di’ak, dehan peskizadora ne’e hodi esplika liu kona-ba fenómenu misterioza hosi banin ne’ebé hahú lakon.

 

"Insetu seluk mos poliniza kolleita tanba ne’e seguru ba deklíniu hosi populasaun banin nian, tuir observasaun mundu tomak ", konsidera, hodi akonsella mudansa ba prátika agríkola, inklui atu hapara uza pestisida balun.

 

Tuir konkluzaun hosi estudu ne’e katak insetu polinizadór seluk halo hosi númeru 25 to’o 50% hosi totál ne’ebé semu ka hala’i ba tur iha aifunan leten.

 

Polinizasaun hosi banin kada tinan ho dolár rihun milloens 15 resin ba iha kultura agríkola iha Estadus Unidus, inklui aifuan no modo-tahan.

 

Tuir estimativa foun hosi Departamentu Agrikultura Estadus Unidus, katak banin-ninia knuk 42% maka hahú lakon hosi tinan 2014-2015.

 

SAPO TL ho Lusa

horadoplaneta às 04:48 | link do post | comentar | Adicionar aos favoritos