Fiji oferese hodi simu populasaun hosi Kiribati bainhira alterasaun klimátiku halo illa mamuk

Illa sira Fiji nian oferese hodi simu populasaun tomak hosi Kiribati, fatin ida iha mundu ne'ebé sei hetan liu terus hosi alterasaun klimátiku, bainhira illa ne'e sai hanesan fatin ne'ebé ema labele hela.

 


"Hanesan ho korajen maka'as rona katak Fiji hatán simu ami nia povu bainhira, tanba alterasaun klimátiku sira, ami nia uma sira sei mamuk", esplika hosi Anote Tong, prezidente Kiribati nian, iha nia diskursu iha Simeira Klima nian ne'ebé aranka iha loron-segunda ne'e iha Paris.

Ho populasaun 105.000, kleur ona maka Kiribati hatene katak nia sobrevivénsia jeográfiku ladún di'ak. Pontu aas liu hosi South Tarawa, kapitál Kiribati nian, moris tanba saku rai-henek sira no fatuk sira ne'ebé trava avansu tasi-been nian no iha ema balun fiar katak, iha tinan 30 oinmai, nasaun ne'e sei lakon.

"Ami senti unidu ho Fransa hasoru violénsia ne'ebé akontese iha ne'e, maibé karik ami tenki sai unidu hasoru ameasa boot ba humanidade: alterasaun klimátiku, ne'ebé ameasa ita maibé, liuliu, ameasa sé maka iha liña oin hosi alterasaun klimátiku sira, ema atói ho altitude badak", Tong hatutan.

Prezidente Kiribati nian hatutan katak Simeira Klima nian tenki halakon polítiku no ajenda nasionál sira iha asuntu ida "ne'ebé hanesan global tuir natureza". "Futuru hosi ema sira ne'e, mane sira, feto sira no labarik sira, kultura tomak, komunidade sira, vila sira, sidade no nasaun sira, iha balansa ida. Ita labele kontinua lahó desizaun kona-bá oinsá ita avansa [kona-bá akordu ida]", nia hakotu.

Ikusliu, Anote Tong admiti katak akordu klimátiku ida tenki hanesan vinkuladór legal no repete ona katak tenki iha moratóriu ida ba mina karvaun sira hotu.

Fonte: Green Savers

horadoplaneta às 15:15 | link do post | comentar | Adicionar aos favoritos