Testemunhos

O que seria capaz de fazer por um mundo melhor...

Hatoman an soe foer iha fatin lixu, ambiente sai saudável!

Hanesan ema umanu, tenki iha konsensia rasik hodi soe foer iha fatin lixu ne’ebè governu prepara ona atu nune’e  ambiente sai saudavel. Kada ema ida-idak  tenki hatomana an hamoos uma laran, hamoos valeta kuak, fase liman molok atu han, fase hahan halo moos molok atu tein no hemu bee tasak tanba liu husi foer ne’ebe ita soe arbiru halo lalar mosu barak no liu husi lalar hirak ne’e bele hada’et moras ba ita ema nia saude liu husi aihan ne’ebè ita konsumi loron-loron.

Tanba ne’e husu ba komnidade hotu atu hatoman aan moris iha ambiente ne’ebe moos.
Lixu iha kualker sìtio bele prevene liu husi edukasaun sivika, sosializasaun ideias no sensibilizasaun kona ba lixu nian impaktu ba ita ema nian moris, ba ambiente ho nian implikasaun, ba vida ekonomika nasional no mos ba vida ekonomika familia nian. Mekanismu atu prevene lixu  tenki liu husi media komunikasaun sosial hanesan media eletronika, audio-vizual (radio-televizaun), jornais, revistas, panfletus no kartazes hodi halo publisidade sensibilizasaun ba  iha komunidade sira.

Atu resolve problema lixu iha teritoria tomak tenki kombate no prevensaun lixu liu husi hamoos fo’er ne’ebe aplika dadaun ona liu husi dekreto Governo nian ba funsionariu pùbliku atu halo limpeza-jeral iha loron Sesta Feira fulan ida dala ida. Maibe, tuir realidade limpeza jeral ho metodu dadaun ne’e la efetivu no la sufisiente atu Dili sai sidade ida ne’ebè moos no furak.Tanba populasaun barak mak la parsisipa iha limpeza jeral ida ne’e.

 

@Ana Gama

 

 

Kuda ai-oan sei fó benefisiu ba ita!!

Atu la iha Errosaun no la iha Inundasaun bainhira udan bo’ot monu rai, ita persija kuda Ai-Oan hodi nune’e bele prevene rai monu no inundasaun hodi salva ita nia moris, kuda Ai-Oan bele fó benefisiu mai ita tanba bainhira Ai ne’e bo’ot no iha abut bele kaer rai hodi satan rai.


Dala barak ita haree rai monu arbiru iha foho hu’un, rai nakfera, no rai halai bainhira udan monu rai, ida ne’e sempre hamosu rai monu no inundasaun  tanba la iha Ai ida atu satan netik. Liu-liu iha rai hu’un sira sempre iha errosaun tanba rai molik hotu no Ai la iha.


Kuda Ai iportante tanba bele fó diak mai ita atu nune’e bainhira udan karik la bele iha inundasaun no errosaun, tanba inundasaun no errosaun bele estraga ita nia moris hanesan estraga uma, to’os, no natar liu-liu iha Distritu ka iha foho ne’ebé ema maoria moris ho vida Agrikultura.

Kuandu udan monu rai sempre mosu errosaun ka rai monu hodi estraga natar no uma, tan ne’e ita tenki kuda Ai-Oan para bele salva ita.

Mai ita kuda Ai-Oan iha ita nia nasaun liu-liu iha rai hu’un sira no foho leten atu nune’e ai nia abut bele kaer rai no la halo rai monu tan, nune’e mós bele halo ita nia rai furak no matak liu-liu iha foho leten atu nune’e ema husi nasaun seluk mai vizita rai doben ida ne’e bele hare natureza furak nasaun ida ne’e nian.

 

@Filomena da Costa

 

 

Sulan Animál , prevene Asidente

Harakak atu hadia ita nia nasaun doben Timór-Leste ba oin, ita timór oan sira mak iha konsiénsia  hodi sulan ita nia animál, iha nia luhan atu nune’e bele prevene asidente ba motorizadas no kareta sira estrada.

Servisu Água no Saneamentu (SAS) mak iha kompetensia ida ne’ebé boot hodi tau matan ba kestaun ida ne’e.

Atu nune’e bele hatudu ba mundu  katak Timór-Leste bele moris iha ambiente ida ne’ebé mak moos, saudavel no furak.


Queria que a nossa nação de Timor-Leste seguisse em frente e que os timorenses tivessem mais consciência de colocar os seus animais no respectivos locais, para prevenir acidentes na estrada.

O Serviço de Água e Saneamento (SAS) é que tem a competência máxima para tomar atenção nesta questão.

Para além disso poderia mostrar ao mundo que a nação de Timor-Leste vive num ambiente limpo, saudável e  lindo.
@Isaura Lemos
horadoplaneta às 11:30 | link do post | comentar | Adicionar aos favoritos