"Ita iha kontajen dekresente ba katástrofe klimátiku ida"

Katástrofe naturál sira, ne'ebé mosu beibeik, halo ona ema rihun 600 resin mate iha tinan 20 nia laran, alerta ona hosi ONU no fó hanoin importánsia hodi hetan akordu ida iha konferénsia kona-bá alterasaun klimátiku nian iha Paris.

 


Ban Ki-moon bainhira halo diskursu iha Simeira Klima nian (COP-21) iha Paris, Fransa, iha loron 07 Dezembru 2015. EPA@ Yoan Valat


Sekretáriu-jerál ONU nian apela ona ba líder mundiál sira no governu sira hodi hetan akordu di'ak ida hodi limita akesimentu globál no promove ekonomia ida ne'ebé hanesan belun hosi ambiente nian. "Ita iha kontajen dekresente ba katástrofe klimátiku ida", alerta ona hosi Ban Ki-moon.

"Desizaun sira ne'ebé imi foti iha ne'e iha Paris sei senti durante sékulu barak", nia hatete ba delegadu sira bainhira hahú maratona negósiu ida iha Simeira Klima nian ne'ebé hotu iha loron-sesta hodi apela ba nasaun sira hodi hatán ba tinan lima nia laran ba avaliasaun ida iha nia envolvimentu antes hala'o akordu foun, iha 2010.

Tuir sekretáriu-jerál ONU nian, "objetivu agora nia hanesan mínimu" no tenki iha "ambisaun maka'as".

"Nune'e maka akordu haree siklu sira iha tinan lima nia laran, antes 2020, atu nune'e Estadu sira analiza fali sira nia kompromisu no hametin funsaun sira hosi informasaun sientífiku sira ne'ebé disponível", nia defende.

Akordu tenki "husik klaru ba setór privadu katak labele evita transformasaun ne'ebé konsede mai ita ekonomia mundiál ida ho emisaun ki'ik (hosi gás sira ne'ebé iha efeitu estufa), benéfiku no hala'o daudaun", nia hatutan.

COP21 hala'o iha Bourget, iha besik nordeste Paris nian, hahú loron 30 Novembru to'o 11 Dezembru, hodi nune'e nasaun 195, ho protesaun hosi ONU, adopta ona akordu mundiál ida hodi hapara akesimentu klimátiku iha planeta. Nia objetivu maka hetan kompromisu hosi nasaun sira hodi hapara temperatura ne'ebé aumenta ba sentígradu rua relasionadu ho era pré-industriál.

Ban Ki-moon apela ona ba delegadu sira atu labele evita desizaun susar sira. Simeira ne'e nia objeitvu maka hetan akordu metin ida, ne'ebé nasaun riku sira no kiak sira halibur hamutuk hodi hamenus emisaun poluente sira. "Mundu hein maka'as hosi ema no la'ós de'it medida no tentativa balun aproximasaun nian", nia fó hanoin ba delegadu sira hodi apela ba "akordu ida mudansa nian".

"Nasaun dezenvolvidu sira tenki hatán hodi kaer knaar ezemplár ida no nasaun sira iha dezenvolvimentu nia laran tenki kaer parte kresente ida responsabilidade nian, tuir ho sira nia kapasidade", nia hatutan.
Objetivu maka aranka série diretivu sira ne'ebé bele promete atu temperatura média globál planeta nia labele aumenta liu hosi sentígradu rua relasionadu ho era pré-industriál.

Semana dahuluk hotu ho akordu provizóriu ne'ebé iha pájina hamutuk 43. Raskuñu mantén pontu balun ne'ebé seidauk taka, liuliu kona-bá nível finansiamentu no mekanizmu lakon no mana'an nian, ne'ebé nasaun kiak no fraku sira husu kompensasaun tanba estraga sira ne'ebé akontese hosi alterasaun klimátiku.

Katástrofe naturál sira, ne'ebé mosu beibeik, halo ona ema rihun 600 resin mate iha tinan 20 nia laran, alerta ona hosi ONU no fó hanoin importánsia hodi hetan akordu ida iha konferénsia kona-bá alterasaun klimátiku nian iha Paris. Iha negosiasaun sira nia rohan, organizasaun la'ós governu nian hosi Reinu Unidu, Oxfam, hatudu katak 10% hosi populasaun sira ne'ebé riku liu iha mundu sai hanesan responsável hosi 1/2 hosi emisaun sira dióksidu karbonu nain (CO2).

Iha sentidu ne'ebé la hanesan, relatóriu ne'e adianta katak 1/2 hosi populasaun sira ne'ebé kiak liu iha planeta sai hanesan responsável hosi de'it 10% poluente sira.

ho Renascença

horadoplaneta às 15:08 | link do post | comentar | Adicionar aos favoritos