Fransa hakarak lansa iha 2020 satélite hodi sukat CO2 iha Rai

Fransa hakarak lansa satélite ida hodi sukat repartisaun CO2 iha superfísie Rai nian,tinan 2020, tuir saida maka ministra Ambiente, Ségolène Royal hateten iha ámbite hosi Simeira Klima (COP21) iha Paris.



Projetu seluk ba konstrusaun hosi satélite seluk, franko-alemaun nian mos sei fó sai, tanba ida ne’e maka foin sukat metanu iha atmosfera.

Dióxidu karbonu (CO2) maka sai nu’udar gás importante ho efeitu estufa ne’ebé mosu hosi atividade ne’ebé ema halo.

 

Metanu, produs hosi deskompozisaun materiál orgánika, hanesan gás daruak ne’ebé importante liu ho efeitu estufa, maibé ninia kontribuisaun ba akesimentu globál bot liu 25 duké ida hosi dioxide karbono, ka unidade metanu ekivale ba unidade CO2 25.

 

Satélite franses ne’ebé halo parte hosi projetu MicroCarb do Centro Nacional de Estudos Espaciais francês (CNES), sei hetan selu hosi Governu ho euros milloens 25, tanba ne’e maka ninia kustu totál bot liu euros milloens 175.

 

Projetu franko-alemaun ho naran Merlin no satélite ne’ebé sei fabrika hosi Airbus, ho despeza euros milloens 250. 

 

MicroCarb no Merlin hanesan “observadór tempu nian”, maibé lahalo “seguransa”, tenik prezidente CNES, Jean-Yves Le Gall horisehik iha konferénsia imprensa, no konsidera katak la’os sientista sira maka monitoriza karik nasaun hirak ne’e kumpri ka la’e kompromisu atu hamenus gaze ho efeitu estufa.

 

COP21, ne’ebé sei hala’o iha Paris to’o sesta-feira, halibur nasaun 195 ne’ebé hakarak atu alkansa akordu vinkulativu ida kona-ba redusaun emisaun gazes ho efeitu estufa ne’ebé bele halo limitasaun to’o 2100, ba akesimentu hosi temperature media globál atmosfera nian ba grau sentígradu rua, bot liu ida ne’ebé rejista molok revolusaun industriál.

 

Kona-ba medida hodi evita kona-ba akesimentu Rai nian, prezidente Méxiko, Enrique Peña Nieto, horisehik hateten katak sei investe dolár milloens 23.000 (euros rihun milloens 21,1) ba refinaria neen, iha tinan tolu oin mai, hodi efisiente liu tan no hamenus emisaun gazes hirak ne’ebé poluente liu.

 

SAPO TL ho Lusa

tags: , ,
horadoplaneta às 02:05 | link do post | comentar | Adicionar aos favoritos