Edifísiu boot liu iha mundu ne’ebé halo hosi ai

Liuona tinan 150 maka igreja ne’e sai hanesan edifísiu aas liu iha mundu ne’ebé halo hosi ai. Edifísiu magnífiku ne’e halo tomak hosi ai, iha laran no liur, no hatudu katak materiál ne’e iha duni rezisténsia.

 

 

 

Ho metru 37,5, edifísiu igreja ortodoksa rusa ne’e – ho naran Kizhi Pogost – situa kilómetru 240 iha fronteira entre Rúsia no Finlándiano hala’o ona remodelasaun barak tanba ninia fiar-na’in sira maka husu. Maibé, iha regra ida maka sei mantén: tenki uza de’it ai no labele iha materiál sira seluk ninia restu.

 

Kizhi Pogot ne’ebé furak ne’e pinta hodi atrai komunidade kristaun sira iha fatin remotu ne’e – illa Kizhi ne’ebé iha lagu Onega. Harii iha sékulu XVIII, igreja sira no restu kompleksu nian hakotu iha tinan 1862 bainhira halo hotu sinu. Laiha pregu ida ka pedasuk metal ruma.

 

Kompleksu ne’e iha kúpula hamutuk 22 no kofre internu ida ho forma pirâmide, ho símbolu relijiozu hamutuk 102 hosi sékulu sira XVII no XVIII. Sinu ne’e halo hosi karpinteiru vizionáriu ida ho naran Sysoj Osipov.

 

Estrutura ne’ebé aas liu iha mundu ho ai maka ATLAS (Air Force Weapons Lab Transmission Aircraft Simulator), iha Alburquerque, Novo Méksiku, iha Estadus Unidus. Maibé, iha estrutura uza parte balun metal nian hodi hametin pedasuk boot ai nian.

 

Hanesan ami hatete ona, Kizhi Pogost la uza material seluk aleinde ai. Sai Patrimóniu Mundiál UNESCO nian hahú tinan 1990.

 

Haree foto balun hosi furak ne’ebé harii hosi ema.

 

 

Sapo TL e Green Savers 

horadoplaneta às 15:54 | link do post | comentar | Adicionar aos favoritos