Loke ona edifísiu boot liu mundu nian no iha tamañu 80% Mónako nian (ho Foto)

Loke ona edifísiu boot liu mundu nian iha Chengdu, kapitál provínsia Sichuan nian, iha Xina. Edifísiu, ho naran New Century Global Center, iha espasu interiór ho naruk ne’ebé impresionante millaun 1,7 metru kuadradu sira, ne’ebé ekivale, hanesan ezemplu, 80% tamañu Prinsipadu Mónako nian, haktuir Gizmag.

 

 

Tuir edifísiu ninia na’in, ETG (Exhibition and Travel Group), New Century Global Center iha dimensaun sira esteriór nian ho 500x400x100 metru no demora tinan tolu hodi harii. Edifísiu ne’e iha ligasaun ho Chengdu liuhosi liña 20 autokarru nian no estasaun metru ida ne’ebé harii iha fatin ne’e.

 

Iha mós fatin ba ida ba teatru no área ida ba konsertu sira nian, ida-idak ho kapasidade ba ema rihun ida. Iha mós suite luxu nian hamutuk 1.000, galeria ida ba arte, sala ida ba konferénsia sira nian, sentru komersiál oioin, otél oioin no Cineplex IMAX ida ho ekran hamutuk 14. Iha ne’e maka sei iha ekra LED boot liu iha mundu: 150x40 m.

 

Parte esteriór nian pinta hodi sai hanesan gaivota ida ninia liras. Edifísiu tomak iha referénsia no tema sira oseániku nian. Simu vizitante sira ho tasi ninia iis, ih arai-henek, pixina ho laloran sira boot liu iha mundu no bele halo rafting.

Maibé, edifísiu ne’e situa dook hosi kosta xineza nian.

 

Ikus mai, harii mós vila mediteránea auténtiku ida – maibé falsu –, ne’ebé halo parte iha área kompras sira nian. Buat hotu kona-bá lista grandeza xinés sira nian.

 

Sei vale duni konstrusaun ida hanesan ne’e? Iha tinan lima ka tinan sanulu oinmai edifísiu ne’e sei ba iha ne’ebé ? Sei kontinua ativu? No, importante liu: karik uza duni tékniku konstrusaun sustentável sira nian?

 

Haree iha ne’e  lista – dezatualizadu – hosi edifísiu sira boot liu mundu nian.

 

Sapo TL e Green Savers 

horadoplaneta às 13:07 | link do post | comentar | Adicionar aos favoritos