Hetan manduku ne’ebé ema hanoin mate hotu ona iha tinan 150 liubá

Besik tinan 150 liubá nia mosu iha abitat naturál, espésie sapo mosu hikas iha norte Índia nian, kontra notísia ne’ebé dehan nia mate hotu ona. Deskoberta ne’e fó sai detalla iha estudu mak publika iha Plos One, no konta ho kolaborasaun zoólogu indianu Sathyabhama Das Biju nian. 


 

Thomas Jerdon haree nia ba dala ikus iha 1870  no fó naran Polypedates jerdonii. Tuir investigasaun jenétika mak halo hosi investigadór sira, manduku  hirak ne’e mai hosi família ida ho sira ne’ebé Jordan hetan, maibé jéneru lahanesan. Sira naran Frankixalus jerdonii. 


Investigadór sira deskobre katak manduku hirak ne’e moris no reprodús iha ai-kuak sira, tanba ne’e mak ema laharee sira. Nia partikularidade relasiona ho sira seluk hosi espésie ida mak ida inan tolun iha bee lihun iha kuak, no husik tolun sira iha ne’ebá durante jestasaun. Sira fila bainhira tolun sira moris ona, no óvulu la’ós fertilizadu hodi fó han nia oan sira. Tanba ne’e mak nia oan sira laiha nehan, kontráriu ho Manduku sira seluk iha ai.

 

Nia naruk sentímetru 50, investigadór sira fiar katak sira lamate no sira-nia abitat espalla iha fatin barak liu hosi ida ne’ebé ema hanoin.

Maibé hetan ninia deskoberta ho porakazu. Iha tinan 2007 ekipa Das Biju nian hahú rekolla espésie anfíbiu oioin iha zona ne’ebá. Horikedas teste jenétiku mak sira hatene tama iha espésie ida ne’ebé.

 

Maibé nia populasaun kontinua iha perigu: estadu ameasa ba nia abitat bele fó perigu ba espésie ne’e iha futuru.

 

SAPO TL ho Quero Saber


Imagens: Sathyabhama Das Biju.

 

horadoplaneta às 03:05 | link do post | comentar | Adicionar aos favoritos