Enerjia: sientista sira besik liu tan ba "loro-matan artifisiál"

Sientista aleman nian sira horisehik konsege halo investigasaun kona-ba enerjia ne’ebé mos, hosi fuzaun nukleár liu hosi teste hidrojéniu, reatór ida ne’ebé koñesidu hanesan “loro-matan artifisiál”.



Xanseler aleman, Angela Merkel, maka sai sasin bainhira halo teste foun ne’e, hafoin lansa tiha iha fulan dezembru liu ba ho hélio. Destaves, fíziku-na’in sira dehan katak mákina Wendelstein 7-X ne’ebé bot, hodi konsege rezolve etapa daruak hosi kriasaun plasma ida ho hidrojéniu.

Ninia objetivu maka atu kria fonte enerjia foun ne’ebé jere hosi fuzaun nukleár, hanesan baibain liu hosi loro-matan ninia klaran no ba iha fitun sira.

 

Métodu ne’e bele submete átomu hidrojéniu ba temperatura to’o grau Celsiu milloens 100 atu nune’e ninia fuzaun núkleu bele fó enerjia.

 

Enerjia fuzaun nukleár hanesan Santo Graal enerjia limpa nian ne’ebé aprenzenta nu’udar laiha ninia limitasaun. Lafó perigu ba enerjia nukleár, tanba to’o tinan barak maka foin hamosu problema seguransa nomós rezíduo radioativu.

 

Nasaun barak maka hakarak atu harii reatór ida, hanesan projetu Reatór Esperimentál Internasionál (Iter). Iter, ne’ebé ho sede iha parte sul Fransa, harii ona tokamak ida, mákina ida hanesan kadeli hodi kria fuzaun nukleár. Maibé, para tiha tanba problema tékniku nomós kustu, Itér foin bele koko hala’o esperiénsia dahuluk durante tinan sanulu nia laran, hafoin projetu refere lansa tiha.

tags:
horadoplaneta às 06:27 | link do post | comentar | Adicionar aos favoritos