Segunda-feira, 08.08.16

No bainhira mundu iha de'it ema na'in 100, oinsá distribuisaun ba rekursu sira?

Konta sira hahú hosi CIA nian númeru sira maibé halibur tan informasaun oioin sira. No importante liu ne'e maka tau hotu iha nível boot ida ne'ebé bele rekoñese hosi ema hotu. 

 

 

Lójika katak ema na'in 100 bele reprezenta populasaun mundial hamutuk biliaun hitu maka aplika hosi organizasaun lahó final lukrativu 100 People ne'ebé dedika hodi aplika modelu no halo retratu mundial ida. Maibé ideia ne'e la'o dook tebes no bele tulun hodi komprende oinsá bele fahe rekursu sira planeta nian.

 

No hahú hosi aplikasaun ba modelu ne'e maka vídeo ida hatudu, metan no mutin, retratu ida hosi populasaun mundial no hosi asesu ba edukasaun, bee moos, no rikusoin, no sira seluk tan.

 

Iha retratu mundial hosi 100 People mós maka bele iha asesu ba estatístiku sira no ba tema prinsipal sira ne'ebé afeta dezenvolvimentu global, hahú hosi ambiente ba enerjia, funu no abrigu.

 

 

Fonte: SAPO Tek

horadoplaneta às 16:19 | link do post | comentar | Adicionar aos favoritos
Quinta-feira, 04.08.16

No bainhira tasi bele defende aan?

Kampaña balun ba sensibilizasaun kona-ba poluisaun iha rai-henek hosi tasi-ibun sira kreativu tebes hanesan kampaña ida ne'ebé promove hosi Fundasaun Surfrider, ONG ida ne'ebé dedika ba konservasaun tasi nian. 

 

 

Ho tema "Si la mer pouvait se défendre?" vídeo hatudu mai ita oseanu reativu ida, prontu hodi so'e fali sasán sira ne'ebé ita so'e iha tasi.

 

Ho nia orijinalidade ho humor, kampaña destaka fásil tebes apelu baibain ba sivizmu hosi ema sira ne'ebé relaxadu ne'ebé pasa beibeik veraun. Hein katak iha públiku nia memória, hanesan ho imajen sira vídeo nian, bele rai konsiénsia ambiental balun.

 

Fonte: Green Savers

horadoplaneta às 11:31 | link do post | comentar | Adicionar aos favoritos
Terça-feira, 22.03.16

Loron Mundial Bee nian

Tinan-tinan selebra Loron Mundial Bee nian iha loron 22 Marsu. 

 

Selebrasaun ba Loron Mundial Bee nian iha 2016 iha Índia. EPA@ Divyakant Solanki


Komemorasaun mosu iha ámbitu hosi Konferénsia ONU nian kona-bá Dezenvolvimentu no Ambiente ne'ebé akontese iha sidade brazileiru Rio de Janeiro iha tinan 1992. Nasaun sira hetan konviti hodi selebra Loron Mundiál Bee nian no hala'o medidas sira hodi bele poupa bee no promove nia sustentabilidade.

Jestaun ba rekursu bee nian iha impaktu iha área oioin, liuliu iha saúde, produsaun hahán nian, enerjia, abastesimentu doméstiku no sanitáriu, indústria no sustentabilidade ambientál.

Alterasaun klimátiku sira hamosu impaktu todan sira iha rekursu bee nian. Alterasaun atmosfériku sira hanesan tempestade sira, períudu rai-maran, udan no malirin afeta kuantidade hosi bee ne'ebé disponivel no hamosu perigu iha ekosistema sira ne'ebé hametin kualidade hosi bee.

 

Faktu sira kona-bá bee

  • - Volume total hosi bee iha planeta Rai maka millaun rihun 1,4 km3. Rekursu sira hosi bee moos besik millaun 35 km3 (besik 2,5% hosi volume total bee nian).
  • - Hosi kuantidade 2,5%, millaun 24 km3 resin (ka 70%) iha forma jelu (iha zona foho sira, iha Antártida no Ártiku).
  • - 30% hosi bee moos ne'ebé disponivel hetan iha rai-okos. Ne'e aprezenta 97% hosi bee moos sira ne'ebé disponivel hodi ema bele uza.
  • - Mota no bee-lihun sira hosi bee moos sira iha besik 105.000 km3 (ka 0,3% hosi bee moos tomak iha mundu)
  • - Total hosi bee moos ne'ebé disponivel maka 200.000 km3 resin - ki'ik liu hosi 1% hosi rekursu bee moos sira ne'ebé disponivel.
  • - Atmosfera hosi planeta Rai iha bee besik 13.000 km3.
  • - 70% hosi bee moos uza hodi rega, 22% iha indústria no 8% iha uzu doméstiku.
  • - Iha 60% hosi sidade europeiu sira ho populasaun liu 100.000 resin, bee hosi rai-okos uza lalais tebes duké nia restituisaun.

Haree iha-ne'e vídeo hosi kampaña ba tinan ne'e:

 

 

@SAPO Timor-Leste

horadoplaneta às 16:36 | link do post | comentar | Adicionar aos favoritos
Quarta-feira, 16.03.16

Poluisaun maka halo ema 23% mate iha mundu tomak

Fatór ambienta sira iha nia sentidu estensu maka halo ema 1/4 mate iha mundu tomak, fó sai hosi Organizasaun Mundial Saúde nian. 

 

 

Relatóriu ida hosi Organizasaun Mundial Saúde nian, publika iha loron-tersa, hanoin katak iha 2012 ema hamutuk millaun 12,6 resin mate tanba "kontaminasaun hosi ár, bee no rai", "espozisaun ba substánsia kímiku sira", "mudansa klimátiku sira" no "raiu UV".

 

Organizasaun hanoin katak ema millaun 8,2 mate tanba moras sira ne'ebé la transmiti no iha ligasaun ho poluisaun iha ár. Hanesan, liuliu asidente vaskular selebral sira, moras fuan nian, kankru no moras respiratóriu sira.

 

Trauma sira lahó intensaun, hanesan asidente sira tránzitu nian, klasifikadu mós hosi OMS hanesan sintoma sira ne'ebé relasionadu ho meiu ambiente no reprezenta mate hosi ema millaun 1,7 iha 2012.

 

OMS konsidera katak asidente rodoviáriu sira iha relasaun ho meiu ambiente tanba akontese beibeik tanba estrada sira nia kondisaun ne'ebé ladi'ak.

OMS fiar katak diareia, ne'ebé okupa fatin daneen iha grupu hosi moras sanulu ne'ebé OMS hato'o, mosu beibeik hosi rede sanitáriu ida ne'ebé fraku, halo ema na'in 846.000 mate tinan-tinan.

 

"Traumatizmu voluntáriu sira", ne'ebé inklui oho-aan, sai hanesan kauza ba dasanuluk hosi mate sira ne'ebé relasionadu ho meiu ambiente. Ba OMS, oho-aan balun mosu tanba asesu ba produtu tóxiku sira hanesan pestisida.

 

Ba organizasaun internasional, "jestaun di'ak ida ba meiu ambiente sei salva tinan-tinan" labarik millaun 1,7 ne'ebé seidauk iha tinan lima no salva katuas-ferik hamutuk millaun 4,9.

 

"Iha tinan 2002, ita iha 25% resin hosi ema sira ne'ebé mate iha mundu tomak tanba meiu ambiente, ohin loron hamutuk 23% resin, maibé tanba populasaun aumenta ona iha tinan sanulu nia laran kuantidade sei aas nafatin", hatete hosi médika María Neira, diretora hosi Departamentu Saúde Públiku no Meiu Ambiente, ne'ebé haktuir hos ajénsia notísia France Presse.

 

Iha sudeste Ázia nian maka rejista númeru aas hosi ema sira ne'ebé mate tanba meiu ambiente, hamutuk millaun 3,8. Iha fatin daruak maka rejiaun Pasífiku (ho millaun 3,5), tuir Áfrika (ho millaun 2,2), Europa (ho millaun 1,4), Médiu Oriente (ho 854.000) no Amérika (ho 847.000).

 

Hodi rezolve situasaun, OMS hato'o medida simples sira: hamenus emisaun hosi karbonu sira, dezenvolve rede sira transporte koletivu nian, hadi'a rede sanitáriu, kombate dalan sira konsumu hodi hamenus uzu ba produtu kímiku sira, protesaun maka'as ba ultravioleta no bandu maka'as ba tabaku.

 

ho AFP

horadoplaneta às 14:11 | link do post | comentar | Adicionar aos favoritos
Segunda-feira, 14.03.16

Fevereiru hanesan manas liu 1,35º iha mundu tomak

Fevereiru hanesan manas liu 1,35º duké temperatura médiu istóriku hosi fulan ne'e iha mundu tomak. 

 

Klima ne'ebé manas iha Sydney, Austrália. EPA@ Dean Lewins

 

Temperatura globál sira iha fulan-Fevereiru halo rekord istóriku ho marjen boot ida, haktuir hosi informasaun sira hosi ajénsia norte-amerikanu NASA, ne'ebé fó hanlin fali nesesidade ba medida sira ne'ebé bele hamenus alterasaun klimátiku sira.

 

Tuir NASA, temperatura globál sira sa'e ba 1,35º relasionadu ho temperatura média sira ba fulan ne'e ne'ebé sukat iha períudu tinan 1951 no 1980. "Hanesan xoke boot ida no lembransa ida hosi aumentu ida ne'ebé akontese beibeik hosi temperatura globál sira ne'ebé mosu tanba gás sira ho efeitu estufa ne'ebé ema moris halo", hakerek hosi Jeff Masters ho Bob Henson iha blog Weather Underground, ne'ebé analiza ona informasaun sira.

 

Iha fulan-Janeiru mosu ona rekord ida hosi temperatura nian, ho termómetru sira sa'e ba 1,15 ho relasaun ba média globál iha fulan ne'ebá.

 

Weather Underground esplika mós katak maski iha fenómenu ne'e mosu hosi El Niño, iha Oseanu Pasífiku, lia loos maka temperatura sira aumenta liu iha El Niño ikus ne'e iha tinan 1998, fenómenu ida ne'ebé sai violentu liu hanesan iha tinan ne'e.

 

"Ita iha situasaun ida hanesan emerjénsia klimátiku", esplika ona ba Fairfax Media hosi Stefan Rahmstorf, hosi Postdam Institute of Climate Impact Research, hosi Alemaña. "Ne'e hanesan inkrivel tebes no nunka akontese", nia hakotu.

 

Fonte: Green Savers

horadoplaneta às 11:09 | link do post | comentar | Adicionar aos favoritos
Segunda-feira, 07.03.16

Agrikultura afrikanu tenki muda hodi bele moris hasoru alterasaun klimátiku - estudu

Agrikultura hosi Áfrika subsarianu, liuliu iha produsaun koto nian, batar no hudi sira, sei hetan transformasaun maka'as hodi bele moris hasoru alterasaun klimátiku sira, alerta hosi estudu ida ne'ebé publika iha Nature Climate Change.  

 

Foto@ FAO 

 

Sientista sira hosi Universidade Leeds estuda ona transformasaun nesesáriu sira hodi mantén nível sira produsaun agríkola nian iha rejiaun, hodi bele evita risku ba seguransa hahán nian no sobrevivénsia hosi agrkultór ki'ik sira iha Áfrika Subsarianu nian.

 

"Estudu ne'e hatudu iha ne'ebé, no liuliu bainhira, maka presiza halo intervensaun sira hodi impede atu alterasaun klimátiku sira estraga fonte importante sira hosi hahán iha Áfrika", hatete hosi sientista ne'ebé kordena estudu, Julian Ramirez-Villegas hosi Universidade Leeds.

 

ho Lusa

horadoplaneta às 21:42 | link do post | comentar | Adicionar aos favoritos
Quinta-feira, 21.01.16

Iha tinan 2050 oseanu sira sei iha plástiku barak duké ikan sira

Estudu foun ida garanti ona katak tinan-tinan plástiku hamutuk tonelada millaun ualu pára iha oseanu nia laran no sei aumenta nafatin. Ekonomia lakon 95% hosi embalajen sira ne'ebé prodús hafoin utilizasaun dahuluk. 

 

Foto: Epifânio Sarmento@ SAPO TL

 

Bainhira aumenta nafatin, iha tinan 2050 kuantidade plástiku iha oseanu sira sei aumenta duké kuantidade ikan nian, alerta hosi estudu ne'ebé fó sai iha loron-tersa hosi Fundasaun Ellen MacArthur, hamutuk ho konsultoria McKinsey.

 

Hanoin katak, agora daudaun, plástiku ho tonelada millaun 150 halo poluisaun iha oseanu sira. Tuir estudu, iha tinan 2014, proporsaun hosi tonelada sira foer nian ba ikan sira maka hosi proporsaun ida ba lima. Bainhira la muda, iha tinan 2050 sei muda hosi proporsaun ida ba tolu.

 

Pelumenus plástiku ho tonelada millaun ualu tinan-tinan ba pára iha oseanu sira hanesan ho kamiaun foer nian ba minutu ida, hakerek hosi relatóriu ne'e.

 

Estudu refere katak ekonomia lakon 95% hosi embalajen sira plástiku nian hafoin utilizasaun dahuluk, iha folin ida besik dolár millaun rihun 80 to'o 120.

 

Atu muda senáriu ne'e, estudu hato'o proposta hodi harii sistema foun ida hodi hamenus estraga hosi plástiku iha natureza no órgaun independente foun ida ne'ebé regula área ne'e.

 

Estudu refere katak mudansa ida eziji koperasaun mundiál entre empreza sira sasán konsumu nian, produtór sira hosi embalajen sira, empreza sira ne'ebé responsável hodi rekolla foer, sidade sira, polítiku sira no organizasaun sira seluk.

 

ho Lusa/AFP

horadoplaneta às 11:03 | link do post | comentar | Adicionar aos favoritos
Quarta-feira, 20.01.16

Mapa hosi NASA hatudu nasaun sira ne'ebé poluídu liu iha mundu

Imajen sira ne'ebé foin lalais ne'e fó sai hosi ajénsia espasiál norte-amerikanu, NASA, hatudu nasaun ne'ebé maka poluídu liu iha mundu no área sira hosi globo aumenta ona - ka hamenus - nia emisaun sira gás ho efeitu estufa iha tinan sanulu ikus ne'e. 

 

Kór laranja ho kór mean hatudu área poluída sira

 

Mapa hatudu katak, maski iha entre área sira ne'ebé aat liu iha mundu tomak, Estadus Unidus, Europa Osidentál ho Japaun hatudu di'ak entre tinan 2005 no 2014 - karik tanba resesaun ekonómiku.

 

Iha kontinente europeu, poluisaun tuun to'o 50%, avansa hosi jornál Globo, hanesan rezultadu hosi restrisaun maka'as kona-bá nasaun poluente sira. Iha Estadus Unidus, maski emisaun sira tuun ona iha nível globa, iha avansu iha estadu balun to'o 30%, hanesan iha Texas no Carolina-Norte, ne'ebé iha produsaun maka'as ba petróleu no gás natural.

 

Iha nasaun sira hanesan Xina, Índia ho parte balun hosi Médiu Oriente, liuliu iha rehiaun hosi golfu Pérsiku, fatin sira ne'ebé ekonomia no atividade industriál hahú iha espansaun, poluisaun aumenta ona.

 

Imajen sira hosi NASA hatudu mós movimentu interesante ida iha norte xinés, ne'ebé sidade sira industrializadu liu no produsaun enerjia aumenta maka'as. Iha jerál, área hatudu aumentu konsiderável ida hosi emisaun gás sira nian, Pekin, kapitál nasaun nian, iha diminuisaun konsiderável ida.

 

Tuir sientista Bryan Duncan, ne'ebé lidera estudu iha sentru semo espasiál Goddard, ne'e iha ligasaun ba presaun boot ida hosi klase médiu ne'ebé aumenta iha Pekin tanba ár di'ak ida - tuir istória sidade boot konsidera hanesan sidade ida ne'ebé iha liu poluisaun iha mundu.

 

Iha Brazil, mapa sira hatudu katak kuadru jerál mantén similar, sei dook hosi lansamentu aas hosi gás sira ne'ebé akontese iha rejiaun sira ne'ebé dezenvolvidu liu iha mundu - maibé, sentru sira ne'ebé poluídu liu, hanesan Grande São Paulo, aas nafatin no iha indíse preokupante sira, hanesan ho sidade boot globál sira.

 

Mapa sira hosi ajénsia espasiál amerikanu hatudu mós efeitu sira hosi movimentasaun demográfiku, hanesan akontese tanba funu sivil iha Síria: bainhira índise sira hosi dioksidu karbonu tuun maka'as iha nasaun, liuliu iha sidade boot hanesan kapitál Damasku no Aleppo, emisaun sira aumenta iha nasaun viziñu ne'ebé simu refujiadu síriu sira.

 

Hahú tinan 2004, NASA haree emisaun sira iha planeta tomak liuhosi instrumentu ida ne'ebé instala iha nia satelit Aura. Entre sira, iha dióksidu nitrojéniu, ne'ebé mosu bainhira sunu kombustível fósil sira, liuliu hosi karreta sira, tanba produsaun enerjia nian no tanba atividade industriál nian.

 

ho Green Savers

horadoplaneta às 13:45 | link do post | comentar | Adicionar aos favoritos
Sexta-feira, 13.11.15

Astronauta sei lori akordu hosi simeira Paris ba Espasu

Astronauta Thomas Pesquet sei lori ba espasu, iha tinan oinmai, testu hosi eventuál akordu kona-bá alterasaun klimátiku nebe sei sai hosi simeira Paris nian, iha fulan-Dezembru, hatete hosi sekretáriu Estadu fransés ba investigasaun.


Thomas Pesquet. Foto © Sergei Remezov

 

"Ami hein katak sira bele fó mai ami testu hosi rezolusaun finál", afirma hosi Thierry Mandon, iha konferénsia imprensa ida iha Paris, hodi hatudu esperansa relasionadu ho konkista ba akordu ida, maski "laiha serteza" iha konversasaun sira.

 

Simeira hosi Klima ONU nian (COP21), sei hala'o iha loron 30 Novembru to'o 11 Dezembru, sei halibur xefe Estadu no Governu atus resin no nia objetivu maka konsege akordu internasionál ida kona-bá hamenus emisaun gás sira ho efeitu estufa nian, nebe hanesan responsável ba akesimentu globál no ba konsekuénsia katastrófiku sira liuliu iha aumentu ba nível tasi nian.

 

Iha Paris sei marka prezensa hosi líder sira hosi emisór prinsipál sira hosi gás ho efeitu estufa hanesan Estadus Unidus, Xina, Índia, Brazil no Rúsia, maibé mós hosi nasaun sira nebe fraku sira hasoru efeitu sira hosi alterasaun klimátiku hanesan Bangladexe ka Níjer.

 

Bainhira líder mundiál sira konkorda no asina akordu ida, Prezidente fransés, Francois Hollande, sei entrega rasik dokumentu ne'e ba astronauta antes nia hahú viajen, hatete hosi Mandon.

 

Ba Thomas Pesquet, astronauta ida hosi Ajénsia Espasiál Europeiu nian, nia sei husu mós atu lori bandeira ki'ik ida Fransa nian iha nia viajen ba Estasaun Espasiál Internasionál, iha fulan-Novembru 2016.

 

"Ambiente hanesan buat ida nebe besik nafatin iha ha'u nia fuan. Bainhira sira fila hosi Espasu, astronauta sira mai oin-seluk tanba haree Rai nia frakeza", hatete hosi fransés ho tinan 37.

 

Lusa/SIC Notícias

horadoplaneta às 15:23 | link do post | comentar | Adicionar aos favoritos
Terça-feira, 03.11.15

Kompozisaun kímiku hosi Tasi Glasiár Antártiku sei muda lalais - estudu

Kompozisaun kímiku hosi Tasi Glasiár Antártiku sei muda lalais tanba aumentu hosi konsentrasaun dióksidu karbonu iha atmosfera, no ba kriatura ki'ik sira, nebe forma baze hosi kadeia hahán nian, sei lakon tanba bee nebe sai ásidu maka'as.


 

Investigasaun foun nebe halo hosi ekipa sira hosi universidade norte-amerikanu sira hosi Havai ho Alaska, publika iha edisaun loron-segunda hosi revista Nature Climate Change, refere katak, ba organizmu balun, inisíu hosi situasaun krítiku ne'e bele sai fatal no, bainhira ne'e kontinua nafatin, nia adaptasaun "sei la possivel".

 

Peskiza uza modelu oioin hodi esplora forma sira hanesan absorsaun hosi dióksidu karbonu antrópiku - nebe mosu hosi atividade ema nian - no subsekuente asidifikasaun nebe sei afeta Tasi Glasiár Antártiku iha sékulu tuirmai.

 

Organizmu mariñu ida nebe hetan ameasa tanba bee nebe sai ásidu maka'as maka molusku pterópode sira, karakól ki'ik sira nebe sai hanesan hahán báziku ba ikan sira, baleia sira no manu tasi sira nian.

 

"Oseanu atua hanesan esponja boot ida nebe xupa dióksidu karbonu sira nebe barak liu hosi atmosfera. Prosesu ne'e konsome ion karbonatu sira, importante ba organizmu balun hodi harii no mantén sira nia konxa karbonatu kálsiu nian", esplika hosi Claudine Hauri, peskizadór-xefe no oseanógrafu kímiku, nebe estuda kompozisaun hosi ambiente tasi nian no interasaun sira hosi espésie kímiku sira ho atmosfera.

 

"Dalan úniku hodi hamenus risku nebe asidifikasaun hosi oseanu sira hamosu ba moris mariñu nian no ita nia fonte hahán nian maka hamenus emisaun sira hosi dióksidu karbonu nian", hatutan hosi ko-autór estudu nian, Axel Timmermann, nebe haktuir hosi ajénsia EFE.

 

ho Lusa

horadoplaneta às 14:39 | link do post | comentar | Adicionar aos favoritos

pesquisar

 

Janeiro 2018

D
S
T
Q
Q
S
S
1
2
3
4
5
6
7
8
9
11
12
13
14
15
16
17
18
19
20
21
22
23
24
25
26
27
28
29
30
31

posts recentes

arquivos

tags

subscrever feeds

blogs SAPO