Segunda-feira, 02.10.17

Organizasaun Meteorolójiku Mundial apoia Timor-Leste ho sistema avizu klimáteriku sira

Organizasaun Meteorolójiku Mundial apoia daudaun nasaun lima hosi rejiaun Ázia ho Pasífiku, entre sira maka Timor-Leste, hodi dezenvolve sistema sira alerta antesipadu nian ne'ebé ajuda sira hadi hasoru ho di'ak eventu klimatériku no atmosfériku sira. 

 

 

Programa ne'e envolve Fiji, Illa Salomaun, Papua Nova Guiné, Timor-Leste ho Vanuatu no hakarak ajuda Fundu Verde Klima ida (GCF, iha sigla lian inglés) diresionadu liuliu ba sistema alerta klimatériku sira.

 

Iha komunikadu, OMM esplika ona katak programa hakarak hatán hasoru impaktu hosi alterasaun klimátiku sira ne'ebé maka mosu daudaun, halo risku meteorolójiku sira ne'ebé hanesan estremu liu no susar liu hodi hetan previzaun, nune'e sai hanesan "ameasa ida" ba nasaun sira ne'e no ba nasaun insular ki'ik sira ne'ebé iha dezenvolvimentu.

 

"Instalasaun ba Preparasaun Projetu sira nain ne'e hanesan importante hodi hahú inisiativu ida ne'ebé lidera hosi projetu sira, hosi propriedade no sustenta hosi nasaun sira, hodi hetan impaktu klimátiku ida no dezenvolvimentu real ida iha illa lima ne'ebé hanesan fraku tebes", hatete hosi diretora departamentu ba Dezenvolvimentu no Atividade Rejional sira hosi OMM, Mary Power.

 

"Aleinde ne'e, reprezenta instrumentu ida hosi programasaun ne'ebé maka PMM, hamutuk ho nasaun membru sira no parseiru sira, bele defini estratéjia efetivu sira hodi bele iha kapasidade ultrapasa risku hidrometeorolójiku sira ho klimátiku sira", nia hatutan.

 

Projetu rejional, ne'ebé sei adapta ba nesesidade espesífiku sira hosi nasaun ida-idak nian, iha folin inisial hamutuk dolar rihun 535 ne'ebé sei serve hodi defini proposta konkretu sira no dezenvolve "projetu inovador" sira ba nasaun lima.

 

Atividade sira preparasaun projetu nian inklui inventáriu ida hosi Sistema sira Alerta Antesipadu nian (EWS) iha nasaun lima, konsulta sira hodi envolve parte interesadu sira no "estudu viabilidade sira hodi garanti katak investimentu sira ne'ebé hato'o hanesan sosial, tékniku, ekonómiku no di'ak ba ambiente".

 

Objetivu maka OMM uza nia esperiénsia hodi apoia nasaun lima hodi "hametin dalan oinsá sira prepara hasoru eventu meteorolójiku sira antes akontese".

 

"Sistema alerta ida ne'ebé halo antes hanesan abordajen ho aspetu oioin hodi haree no kalkula ho di'ak perigu meteorolójiku sira no implementa solusaun emerjénsia ida ne'ebé di'ak liu. Sistema sira ne'ebé iha liu efikásia iha komponente haat maka detekta, monitoriza no projeta perigu sira, analiza risku sira ne'ebé iha relasaun, fó sai avizu apropriadu sira no ativa planu resposta emerjénsia nian", hatete hosi OMM.

 

Tuir Relatóriu hosi Risku Mundial sira, nasaun sira ne'ebé "hanesan fraku tebes no sai sujeitu ba risku klimátiku estremu sira, hanesan siklone tropikal sira, laloran tempestade sira nian no inundasaun hosi tasi nian", ho destake espesial ba Fiji ho Vanuatu, ne'ebé "tama entre nasaun 15 ne'ebé fraku tebes hasoru risku natural sira iha mundu tomak".

 

Augusto Pinto, responsável hosi diresaun ba Mudansa Klimátiku sira iha Timor-Leste, konsidera ona projetu ne'e hanesan importante tebes ba nasaun ne'ebé hasoru "ho risku sira ne'ebé akontese tanba mudansa klimátiku sira hanesan inundasaun naruk no rai-maran nune'e mós tempestade sira".

 

Sistema ne'e hanesan di'ak tebes hodi tulun agrikultór sira hodi hamenus estraga sira iha kultura sira, nia hatete.

 

ho Lusa

horadoplaneta às 12:34 | link do post | comentar | Adicionar aos favoritos
Quinta-feira, 18.08.16

Sentru negósiu agríkola revitaliza produsaun iha Mosambiké

Abertura ona  sentru negósiu agríkola hamutuk  23 ne’ebé sei revitaliza produsaun povu  kiik nian  iha  sentru no norte Mosambiké nian, hamenus kiak no nutrisaun ladi’ak nomós kontribui hadi’a konstante ba inseguransa iha alimentu sira.


Sentru  ne’ebé sai hanesan amostra hetan inaugurasaun ohin iha Chimoio, Manica, sentru Mosambiké, parseria públiku privadu ida  entre governu mosambikanu no amerikanu, liuhosi Ajénsia Dezenvolvimentu Internasionál (Usaid), sei disponibiliza loja sosa sereál no  fa’an musan ninia no fertilizante ho kualifikadu, aléinde apoiu produsaun teknolójiku no rekolla mekanizadu.

 

"Sentru hirak ne’e sei aumenta kapasidade  desizaun toos na’in sira no hadi’a kualidade vida povu nian", haktuir Dean Pittman, embaixadór Estadus Unidus Amérika iha Mosambiké, durante inaugurasaun ba primeiru sentru multifunsionál ne’e.

 

Pittman rekoñese inefisiénsia ba dalan  no asesu ba merkadu, ne’ebé rezulta menus ba kolleita no inseguransa alimentar ba povu kiik sira, no hein katak inovasaun abordajen agrária ne’e bele reduz kiak no desnutrisaun iha Mosambiké.

 

Sentru sira, ho naran "3í Farmers Empowerment Hubs", tuir  jestaun multinasionál Export Marketing Group (ETG), ne’ebé partisipa ho kuantidade finansiamentu ne’ebé boot, no sei fó vantajen  operasionalizasaun ba loja komersializasaun teknolojia agríkola.

 

Ministru Indústria no Komérsiu mosambikanu, Max Tonela, informa katak projetu ne’e sei permite atu nasaun konsolida seguransa alimentar no evita xoke esternu iha importasaun ba alimentu.

 

"ho sentru ne’e ita bele hamenus  importasaun iha alimentu produsaun lokál nian, no fasilita dezenvolvimentu nasaun ho aumentu poupansa família local nian", afirma Max Tonela, ne’ebé prosede inaugurasaun infraestrutura iha Manica.

 

Iha fatin hanesan governadór Manica, Alberto Mondlane, konsidera katak abordajen agríkola foun ne’e  "iha  valór akresentadu ba esforsu provínsia nian, hodi aumenta produsaun", nia hatutan tan katak "sé konsege faan buat ne’ebé  karik konsege produz".

 

Aléinde sentru neen iha Manica, projetu ne’e inklui implementasaun sentru liu 17 iha distritu sira ho  potensiál agríkola iha provínsia Tete no Zambézia (sentru Mosambiké nian) no Nampula (norte) ho área ida iha metro 36.400 kuadradu.

 

Projetu ne’e, avalia dólar besik  millaun 30 (euro millaun 26) sei entrega ba  agrikultór sira 22.900 iha oportunidade atu faan ka haloot ninia musan sira no leguminoza ho gratuita durante fulan tolu, halo analiza ba flutuasaun folin merkadu nian, aléinde asesu finansiamentu.

 

SAPO TL ho Lusa

horadoplaneta às 03:32 | link do post | comentar | Adicionar aos favoritos
Segunda-feira, 07.03.16

Agrikultura afrikanu tenki muda hodi bele moris hasoru alterasaun klimátiku - estudu

Agrikultura hosi Áfrika subsarianu, liuliu iha produsaun koto nian, batar no hudi sira, sei hetan transformasaun maka'as hodi bele moris hasoru alterasaun klimátiku sira, alerta hosi estudu ida ne'ebé publika iha Nature Climate Change.  

 

Foto@ FAO 

 

Sientista sira hosi Universidade Leeds estuda ona transformasaun nesesáriu sira hodi mantén nível sira produsaun agríkola nian iha rejiaun, hodi bele evita risku ba seguransa hahán nian no sobrevivénsia hosi agrkultór ki'ik sira iha Áfrika Subsarianu nian.

 

"Estudu ne'e hatudu iha ne'ebé, no liuliu bainhira, maka presiza halo intervensaun sira hodi impede atu alterasaun klimátiku sira estraga fonte importante sira hosi hahán iha Áfrika", hatete hosi sientista ne'ebé kordena estudu, Julian Ramirez-Villegas hosi Universidade Leeds.

 

ho Lusa

horadoplaneta às 21:42 | link do post | comentar | Adicionar aos favoritos
Segunda-feira, 29.02.16

Sosiedade sivil timoroan apela ba apoiu emprezariál luzófonu ba projetu sustentável sira

Responsável hosi organizasaun prinsipál ida hosi sosiedade sivil timoroan nian husu ona, iha loron-sábadu liubá, ba emprezáriu luzófonu sira hodi halibur esforsu sira dezenvolvimentu ba projetu sustentável sira iha nasaun ne'ebé, agrikultura ho turizmu, fó ona benefísiu ba família atus resin. 

 

Foto@Rui Ramos ao SAPO Timor-Leste

 

"Projetu sira ne'e aumenta daudaun konsumu ba hahán oioin, aumenta asesu ba eskola, saúde no ai-moruk sira no hadi'a kompeténsia ema sira nian no sosiál liuhosi kontaktu ho turista sira", esplika hosi diretór ONG Haburas nian, Virgílio Guterres.

 

"Ami hakarak atu imi bele mai hamutuk ho ami hodi bele hadi'a kualidade no kuantidade hosi oferta ne'ebé natureza Timor-Leste nian oferese, ho aposta sira iha área turizmu ne'ebé hanesan baze importante ba dezenvolvimentu nasaun nian", nia hatete.

 

Guterres, ne'ebé ko'alia iha Fórum Ekonómiku Globál dahuluk hosi CPLP nian, iha Díli, hato'o detalle hosi projetu sira dezenvolvimentu sustentável no enerjia renovável sira ne'ebé aplika iha tinan hirak ikus ne'e iha Timor-Leste hosi organizasaun sira Haburas ho Raebia ne'ebé inklui apoiu iha formasaun ba área oioin hosi turizmu, iha agroekolojia no "iha prevensaun ba identidade kultural timoroan nian".

 

To'o tinan 2015 nia rohan, programa sira hosi agroekolojia permiti ona ba agrikultór na'in 600 hodi aplika téknika agrikultura sustentável nian, ho kolleita ne'ebé produtivu liu. Hamenus ona destruisaun ba ai-laran sira no grupu ida feto sira nian hetan ona osan dolár 3.000 hosi fa'an ai-farina sona, ho família 300 hala'o plantasaun rihun 21 ai nian no rihun 22 ba ai-fuan sira no ai industriál sira entre tinan 2012 no 2015.

 

Nia destaka katak sei halao kriasaun rede ida armazenajen nian no komersializasaun hosi produtu hortíkola sira no agríkola sira nian iha supermerkadu sira no iha merkadu sira nasaun nian, harii indústria transformadór ki'ik sira no hadi'a kultivu no produsaun animál nian.

 

Iha kampu enerjétiku, objetivu maka dezenvolve enerjia renovável sira, liuliu, iha biogás no iha enerjia solár.

 

ho Lusa

horadoplaneta às 14:18 | link do post | comentar | Adicionar aos favoritos

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

posts recentes

arquivos

tags

subscrever feeds

blogs SAPO