Segunda-feira, 09.11.15

Tinan ne'e akontese ona inséndiu 127.000 iha Indonézia

Iha fulan-Outubru nia rohan, prezidente indonéziu, Joko Widodo, antesipa nia regresu hosi vizita ida iha Estadus Unidus tanba kuantidade aas hosi inséndiu nebe akontese iha nasaun ne'e.

 

 

Inséndiu akontese beibeik iha nasaun aziátiku ne'e, maibé tinan ne'e, karik tanba kondisaun rai-maran nebe provoka hosi El Niño maka'as tebes, Indonézia liuhosi tinan nebe aat liu relasionadu ho ahi-han ai-laran sira, nebe hanesan problema kompleksu ida ba saúde populasaun sira nian, tanba fumu tóxiku, no mós ba kondisaun klimátiku nebe hetan estraga iha futuru.

Tuir Climate Central, tinan ne'e akontese ona inséndiu 127.000 iha Indonézia, barak liu ho intensidade nebe maka'as. "Époka ahi-han nian iha tinan ne'e maka'as tebes, rivaliza ho tinan 1997. No kondisaun sira hatudu katak sei iha nafatin inséndiu", esplika hosi sientista klimátiku ndrew Robertson, hosi International Research Institute for Climate and Society (IRI).

Robertson ho responsável sira seluk hosi IRI dezenvolve ona dalan lima ba previzaun inséndiu sira nian ba Governu indonéziu, hodi identifika surtu no planeia estasaun sira ahi nian ho tempu. Robertson esplika katak bainhira inséndiu ida dura sei susar tebes atu domina inséndiu ne'e.

Loron-loron, Indonézia liberta gás sira nebe iha efeitu estufa ba atmosfera, tanba ahi-han ai-laran sira, duké ekonomia tomak norte-amerikanu nian. Emisaun sira hosi gás ho efeitu estufa hosi inséndiu indonéziu nian liu tiha ona emisaun sira nebe tinan-tinan liberta hosi Japaun no hatudu ona 3% hosi totál emisaun gás sira ho efeitu estufa hosi atividade sira ema tomak iha mundu nian.

Ne'e signifika katak ahi sira kontribui ba alterasaun klimátiku iha tempu naruk maibé mós aumenta problema sira saúde nian iha rejiaun - haktuir hosi Guardian, diagnóstika ona ema na'in 500.000 resin ho moras nebe iha ligasaun ho inséndiu ka mosu tanba inséndiu. La'ós de'it iha Indonézia maibé mós iha Singapura ho Malázia.

Fonte: Green Savers

horadoplaneta às 15:21 | link do post | comentar | Adicionar aos favoritos
Segunda-feira, 21.09.15

Ai-laran sira Kamboja nian lakon daudaun ho ritmu ida nebe maka'as tebes

Iha tinan 25 liubá, ai-laran sira taka 73% hosi área terestre Kamboja nian. Iha tinan 2010, númeru ne'e tuun ba 57% no ohin loron sai ki'ik liu, tanba desflorestasaun ilegál, agrikultura ho atividade mineiru sira nebe avansa ho ritmu ida nebe maka'as tebes iha nasaun ne'e.

 

Parke arkeolójiku Angkor, iha Kamboja, halo parte iha zona ida paizajen protejidu nian.

 

Tuir World Resources Institute, nebe tuir satelit sira norte-amerikanu nian nebe tuir fenómenu ida ne'e, desflorestasaun iha Kamboja akontese ho ritmu ida nebe lalais tebes duké nasaun ruma iha mundu ne'e, iha dékada ikus ne'e. Liu 14.000 kilómetru kuadradu hosi ai-laran sira maka lakon ona entre tinan 2001 no 2013, no barak liu halo parte iha área protejidu sira, hosi konservasaun natureza nian no santuáriu ba moris selvajen nian.

 

Aleinde Kamboja, haktuir hosi Cambodia Daily, Paraguai, Uruguai, Madagáskar ho Serra Leoa lakon mós ai-laran ho kilómetru millaun resin. Tuir investigadór Matt Hansen, hosi Universidade Maryland, iha Estadus Unidus, desflorestasaun ne'e aumenta iha mundu no Governu sira tenki hahú proteje ai-laran sira - no hatene katak insentivu sira ba ekonomia iha tempu badak bele halakon biodiversidade nebe iha ligasaun ho sira.

 

ho Green Savers

horadoplaneta às 14:57 | link do post | comentar | Adicionar aos favoritos

pesquisar

 

Abril 2017

D
S
T
Q
Q
S
S
1
2
3
4
5
6
7
8
9
11
12
13
14
15
16
17
18
19
20
21
22
23
24
25
26
28
29
30

posts recentes

arquivos

tags

subscrever feeds

blogs SAPO