Quarta-feira, 14.12.16

Ártiku manas tebes entre Outubru 2015 no Setembru 2016

Ártiku manas tebes iha períudu fulan 12 nia laran ne'ebé hotu iha Setembru, bainhira ár manas hamosu fuzaun maka'as ida jelu ho neve no atraza jelu invernu nian, fó saihosi sientista sira iha loron-tersa. 

 

 

Avaliasaun hosi rezultadu aat ne'e halo iha relatóriu kona-ba Ártiku relasionadu ho 2016, dokumentu ida ne'ebé revistu hosi sientista sia seluk ne'ebé la'ós hanesan autor, halo hosi sientista na'in 61 hosi mundu tomak, ne'ebé publika hosi ajénsia governamental EUA nian ba Atmosfera no Oseanu sira nian (NOAA, sigla ho lian inglés).

 

Dokumentu ko'alia entre períudu Outubru 2015 to'o Setembru 2016, períudu ida ne'ebé "temperatura média anual iha área terestre (hosi Ártiku) aas tebes duké nunka", hanesan hatete.

 

"Ladún haree Ártiku hatudu loloos hanesan ne'e, sinal forte ka asentuadu hosi akesimentu ne'ebé dura no nia efeitu sira iha parte sira iha ambiente iha tinan ne'e", afirma hosi Jeremy Mathis, diretór hosi programa investigasaun kona-ba Ártiku ne'ebé maka dezenvolve hela iha NOAA.

 

Rejiaun Ártiku kontinua manas ho velosidade ida ne'ebé maka'as tebes duké fatin seluk iha planeta, ne'ebé sei iha mós iha 2016 tinan ida ne'ebé manas liu hosi tempu modernu sira nian.

 

Sientista klimátiku sira hatete ona katak razaun ba aumentu temperatura inklui sunu kombustível fossil sira, ne'ebé hasai gas sira ho efeitu estufa ba atmosfera, nune'e mós tendénsia hosi akesimentu ba oseanu ne'ebé iha ligasaun ho El Niño, ne'ebé hotu iha tinan nia klaran maibé aumenta maka'as akesimentu.

 

Temperatura média anual Ártiku nian iha rai aumenta iha 3,5 grau Celsius ne'ebé maka rejista iha 1900.

 

Temperatura hosi superfísie tasi nian iha veraun, iha Agostu 2016, maka 5ºC aas liu média hosi períudu 1982-2010 iha tasi sira Barents ho Chukchi, nune'e mós iha tasi-ibun sira leste no oeste Gronelándia nian.

 

ho Lusa

horadoplaneta às 22:19 | link do post | comentar | Adicionar aos favoritos
Terça-feira, 31.05.16

Oseanu sira atraza akesimentu bee sira iha Antártida

Korente oseániku sira ne'ebé malirin no klean hosi Atlántiku Norte neutraliza daudaun efeitu sira hosi akesimentu global iha iha Antártida no atraza aumentu nível bee sira nian, tuir estudu ida ne'ebé fó sai iha loron-segunda. 


EPA@ NASA Handout Editorial Use Only

 

Izolamentu jeladu hosi kontinente jelu ne'e - nakonu ho kamada jelu to'o nia mahar kilómetru haat - bele dura sékulu barak, hatete hosi dokumentu ne'ebé publika iha revista Nature Geoscience.

 

Hanesan notísia di'ak sira ba ema millaun atus resin ne'ebé hela iha rejiaun sira iha globu nia okos ne'ebé ameasadu tanba aumentu previstu ba metru ida hosi nível tasi been nian to'o iha sékulu ne'e nia rohan, haktuir hosi relatóriu ikus hosi Painel espesialista sira iha siénsia klima nian hosi ONU.

 

Estudu foun sira sujere katak liña oseániku bele aumenta liu, dudu hosi bee ba superfísie, ne'ebé aumenta bainhira sai manas, hamutuk ho eskoamentu hosi jelu ne'ebé nabeen hosi glasiar sira no lensol freátiku jeladu boot rua.

 

Ida maka taka metin Gronelándia no ida seluk situa iha Antártida osidental, pedasuk ida hosi kontinente ne'ebé aumenta manas duké sira seluk.

 

Bainhira Antártida oriental nabeen ho velosidade hanesan, impaktu iha povoamentu humanu iha liña sira kosta nian iha mundu tomak sei sai aat duni.

 

Sientista sira hatene kleur ona katak alterasaun klimátiku sira afeta daudaun oseanu Antártiku neineik tebes iha tinan 50 ikus ne'e duké oseanu sira seluk iha mundu.

 

No ema hotu hatene tanba sá: tanba extensaun hosi kamada jelu hosi kontinente no hosi jelu iha tasi ne'ebé haleu, hamutuk ho ani no korente oseániku sira ne'ebé haleu kontinente hanesan zona tampaun ida.

 

Maibé estudu foun atribui papel importante ba dalan ida hosi korente oseániku klean ne'ebé lori bee jeladu - besik Celcius grau ida - hosi rejiaun Ártiku nian.

 

"Fonte prinsipál hosi akesimentu ne'ebé to'o tarde hosi oseanu Antártiku maka sirkulasaun klean hosi oseanu", hakerek hosi autór prinsipal estudu nian, Kyle Armour, investigadór iha Universidade Washington iha Seattle, ho nia kolega sira iha Nature Geoscience.

 

Korente klean sira ne'e la book aan lalais - bee ne'ebé ohin loron haleu Antártida hahú nia viajen transatlántiku norte-súl antes hosi Era Industrial -, maibé nia impaktu dura kleur tebes, subliña iha testu ne'e.

 

Iha de'it "eskala temporal ida hosi sékulu oioin" maka gás sira ho efeitu estufa ne'ebé hamosu daudaun rai-maran, tempestade violentu sira no kondisaun meteorolójiku ne'ebé laloos iha planeta iha impaktu maka'as iha oseanu Antártiku, hakotu hosi investigadór sira.

 

Maibé, "notísia di'ak sira" hanesan sai menus tanba akesimentu oituan ne'ebé bele hamosu estraga sira - no la'ós de'it iha Antártida osidental.

 

Glasiar ida ho tamañu Fransa nian iha Antártida oriental nia leten nabeen lalais no bele aumenta oseanu sira ba metru rua iha sékulu badak, aponta hosi estudu ida seluk iha semana liubá.

 

Glaciar Totten - barak liu sei iha okos - sofre daudaun erozaun hosi okos, tanba tasi been ne'ebé iha interior kilómetru atus resin halo aumenta porsaun ba kontaktu ho tasi been no hamenus ida ne'ebé iha fatuk.

 

ho Lusa

horadoplaneta às 15:30 | link do post | comentar | Adicionar aos favoritos
Terça-feira, 05.01.16

"Winter is NOT coming", aviza kampaña foun hosi Greenpeace inspiradu iha "Game of Thrones"

Greenpeace Fransa fó sai ona teaser ida ne'ebé alerta ba konsekuénsia sira hosi akesimentu globál nian. 

 

 

"Winter is NOT coming" hanesan mensajen sentrál hosi kampaña foun hosi delegasaun franseza Greenpeace nian. Teazer inspira iha série "Game of Thrones" iha objetivu fó alerta ba konsekuénsia sira hosi akesimentu globál.

 

Iha spot publisitáriu hosi organizasaun, líder hosi White Walkers mosu iha bee lihun ne'ebé konjeladu maibé, tanba akesimentu globál, jelu ne'e nabeen. "Hela de'it grau balun no istória tomak muda. Glasiár sira ne'ebé nabeen hanesan de'it konsekuénsia ida hosi mudansa klimátiku ne'ebé ameasa ita nia planeta", subliña hosi Greenpeace iha vídeo nia rohan.

 

Vídeo dezenvolve hosi ajénsia 84Paris ne'ebé kria mós site ida apoiu nian ba kampaña “Winter is NOT coming”.

 

horadoplaneta às 12:00 | link do post | comentar | Adicionar aos favoritos

pesquisar

 

Abril 2017

D
S
T
Q
Q
S
S
1
2
3
4
5
6
7
8
9
11
12
13
14
15
16
17
18
19
20
21
22
23
24
25
26
28
29
30

posts recentes

arquivos

tags

subscrever feeds

blogs SAPO