Sexta-feira, 04.11.16

Akordu universal dahuluk hasoru alterasaun klimátiku hahú hala'o ona

Akordu Paris nian, paktu universal dahuluk hasoru akesimentu global, hahú, ho dalan simbóliku, hala'o ohin, liutiha tinan ida asina, maibé iha dalan naruk ida hodi hala'o to'o nia aplikasaun. 

 

 Foto@ Ian Langsdon / EPA

 

Akordu Paris, hahú hala'o hafoin asina tina iha loron 12 Dezembru tinan liubá hosi nasaun 195 iha kapital franseza, hafoin ratifika hosi númeru sufisiente hosi nasaun sira ne'ebé reprezenta 55% hosi emisaun mundial sira gás nian ho efeitu estufa.

 

Limiti ne'e hetan iha loron 05 Outubru, bainhira Uniaun Europeia (UE), ne'ebé reprezenta 12% hosi emisaun sira, entrega ona dokumentasaun ratifikasaun akordu nian iha sede ONU nian. To'o agora, nasaun hamutuk 61 maka ratifika tiha ona akordu ne'ebé konta de'it ho 47,7% hosi emisaun global sira.

 

Antes Konferénsia Klima ONU nian ba dala 22 (COP22), ne'ebé hahú iha loron-segunda iha Marraquexe, hosi signatáriu hamutuk 192 iha ona nasaun hamutuk 94 maka ratifika ona Akordu Paris nian, ritmu ida ne'ebé ultrapasa espetativu sira hosi espesialista sira.

 

"Ami halo iha fulan sia nia laran buat ne'ebé maka demora tinan ualu iha protokolu Kyoto nian", afirma ona hosi prezidente COP21, ministra franseza Ségolène Royal, ne'ebé haktuir hosi AFP.

 

Estadu sira nia resposta ne'ebé lalais hatudu katak iha konsiénsia, ho nível ne'ebé aas tebes, ba nesesidade hodi fó limiti ba akesimentu global ba +2°C aas liu duké nível pré-industrial sira.

 

Emisór maka'as sira ne'ebé seidauk ratifika akordu ne'e hanesan oituan: Rúsia la fó indikasaun kona-ba eventual loron ratifikasaun nian bainhira Austrália ho Japaun kompromete ona hodi avansa ho prosesu.

 

Maski nune'e, espesialista Alden Meyer, hosi organizasaun norte-amerikanu Uniaun hosi Sientista Preokupadu sira, alerta ona katak "hanesan importante mantén dinámiku Paris nian no la'ós de'it haksolok de'it ho akordu ne'ebé foin hala'o".

 

Negosiador sira sei iha matéria barak kona-ba saida maka tenki halo hodi to'o iha akordu, hodi sai hanesan paktu operasional, liuliu ba definisaun hosi regra sira transparénsia nian, aprezentasaun hosi estratéjia nasional sira to'o tinan 2050, ajuda finanseiru ba nasaun sira iha dezenvolvimentu.

 

"COP22 tenki sai hanesan reuniaun ida asaun no implementasaun nian", afirma hosi Tosi Mpanu-Mpanu, porta-vós hosi grupu hosi nasaun sira ne'ebé ladún avansadu ne'ebé maka haktuir hosi AFP.

 

Akordu Paris destina hodi substitui Protokolu Kyoto iha tinan 2020 iha objetivu hodi fó limiti ba akesimentu global ba +2°C aas liu duké nível pré-industrial sira.

 

Maibé, testu ne'e hatutan katak nasaun sira ne'ebé hakarak hala'o "esforsu nesesáriu sira" hodi labele ultrapasa 1,5 grau Celsius, bele evita nune'e "impaktu aat liu hosi alterasaun klimátiku sira".

 

Objetivu ikus ne'e halo parte tanba hetan ezijénsia hosi nasaun kiak sira no hosi Estadu insular sira, ne'ebé maka fraku liu hasoru alterasaun klimátiku sira hanesan nível tasi nian ne'ebé aumenta no rai-maran.

 

Maibé, espesialista sira aviza katak maski limiti ba +2°C sei susar hodi hetan, implika diminuisaun maka'as iha emisaun global sira hodi sunu karvaun, petróleu no gás.

 

Sientista sira aviza katak, ho ritmu atual, mundu sei iha grau haat ka grau tolu manas liu bainhira nasaun sira la kumpri limiti sira ne'ebé hato'o hodi hamenus emisaun nasional sira.

 

Iha loron-kinta ne'e, relatóriu ida hosi ONU fó hanoin katak Akordu Paris nian to'o tarde no hanesan urjente halo asaun hodi hamenus emisaun gás sira ho efeitu estufa bainhira hakarak evita "trajédia ida". Novidade hosi Akordu Paris nian maka, ba dala uluk, halibur tan nasaun sira ne'ebé kontamina no sira ne'ebé fraku liu.

 

Protokolu Kyoto, tinan 1997 nian, estabelese objetivu sira emisaun sira nian ba de'it nasaun dezenvolvidu sira, razaun ida ne'ebé EUA lakohi fó sai.

 

Akordu Paris nian hala'o hamutuk tuir dalan legal, maibé iha parte hosi nia dezenvolvimentu ka iha objetivu nasional sira hodi hamenus emisaun sira. Nia forsa bazeia iha mekanizmu ne'ebé sei haree tuir períudu kompromisu sira hosi nasaun ida-idak ne'ebé hanesan vinkulativu.

 

Estadu ida-idak tenki aprezenta konta sira hosi nia kumprimentu no renova sira nia kontributu ba tinan lima dala ida no nasaun sira ne'ebé hakarak bele uza mekanizmu sira merkadu nian (sosa no fa'an emisaun sira) hodi kumpri objetivu sira.

 

Akordu la estabelese kastigu sira bainhira la kumpri, maibé kalkula kriasaun hosi komité ida ne'ebé hanoin mekanizmu transparente ida hodi garanti katak bele kumpri kompromisu no hodi alerta, antes hotu nia prazu, katak hetan ka la'e objetivu sira.

 

ho Lusa

horadoplaneta às 12:36 | link do post | comentar | Adicionar aos favoritos
Quinta-feira, 06.10.16

Akordu Paris kona-ba alterasaun klimátika sei vigora iha 04 novembru

ONU konfirma iha horisehik katak  akordu Paris nian kona-ba alterasaun  klimátika sei vigora iha fulan oin mai loron  04 novembru, hafoin alkansa  ona  númeru hosi nasaun sira ne’ebé bele  konkorda  tratadu ne’e.

"Ha’u sente kontente hodi anunsia iha ohin katak  Akordu Paris sei liu etapa daruak no etapa ikus  molok  vigora, ne’ebé sei hahú iha loron 04 novembru", afirma iha komunikadu sekretáriu-jerál Organizasaun Nasoins Unidas (ONU), Ban Ki-moon.

 

Etapa ikus ne’e sei konkretiza hafoin  ratifikasaun akordu hosi Uniaun Europeia (UE) no formalizasaun, iha sede ONU, ba instrumentu legál desizaun ne’e nian, liuhosi  aktu ne’ebé realiza iha ohin.

 

Akordu ne’e presiza, atu vigora, retifikasaun hosi nasaun pelumenu 55  ne’ebé  reprezenta 55% emisaun mundiál ho gas iha efeitu estufa.

 

Hafoirn konfirmasaun, sei  fixa prazu ida  ho loron  30  hodi vigora tratadu, ne’ebé define iha dezembru 2015 iha kapitál franseza hois nasaun  191 no hafoin  tinan barak hala’o negosiasaun.

 

Iha findesemana ne’e  Índia anunsia ratifikasaun Akordu Paris no tersa-feira Nova Zelándia no Konsellu UE.

 

"Impulsu globál ne’ebé estraordináriu tebes atu  Akordu Paris bele vigora iha tinan ida ne’e", afirma Ban Ki-moon, nia hatutan katak "buat ne’ebé molok ne’e  impossível agora imparável".

 

Akordu Paris, ne’ebé konsege iha dezembru reune ona nasaun 196, hakarak reduz emisaun iha  gas ho  efeitu estufa ne’ebé responsável hosi alterasaun klima, ne’ebé bele provoka fenómenu estremu, hanesan rai- manas ka udan maka’as .

 

SAPO TL ho Lusa

horadoplaneta às 08:47 | link do post | comentar | Adicionar aos favoritos
Quinta-feira, 21.04.16

Akordu Paris kontra alterasaun klimátika rekolla asinatura iha sesta-feira ne’e

Akordu Paris, kontra alterasaun klimátika, sei  assina sesta-feira ne’e , iha Nova Iorque, ho  Estadu ne’ebé nia prezensa konfirmadu 160, hanesan Portugál, komprometidu  ona atu  reduz  emisaun no husik enerjia fósseis.


 

Iha  sesaun  simbólika hala’o iha sede Organizasaun Nasoens  Unidas (ONU), iha Loron  Mundiál Rai, sei  asina akordu ne’ebé aseita ona iha loron  12 dezembru 2015, hafoin negosiasaun difísil entre nasaun 195 no Uniaun Europeia. Portugál sei reprezenta hosi ministru Ambiente, João Matos Fernandes.

 

Ho  nia objetivu atu vigora iha 2020, tamba ne’e, akordu ne’e sei konkretiza bainhira responsivel hosi Estadu 55  , pelumenus, 55% hosi emissaun gás ho efeitu estufa hetan  ratifikasaun.

 

Hafoin  adopta tiha testu ne’e iha Paris, karik bele tenki iha assinatura ba akordu ne’e, to’o  finál abril 2017, no ratifikasaun nasionál, tuir  regra kada nasaun, bele liuhosi votasaun iha parlamentu ka dekretu-lei, hanesan  ezemplu.

 

Mosu buat foun iha dokumentu ne’e maka sei iha revizaun kada tinan lima meta kontribuisaun kada Estadu hodi  tenta hapara akesimentu iha planeta no konsekuénsia sira ne’ebé assosia, hanesan frekuénsia fenómenu rai-manas, rai-maran no  inséndiu florestál, no konsentrasaun ba udan iha tempu ho períodu ne’ebé badak, provoka bee nakonu no inundasaun, haree moos subida iha  nível tasi nian.

 

Kontráriu fali fali ho antesessór protokolu Quioto nian, dokumentu Paris ne’e abranjente liu no aprezenta hanesan akordu universál dahuluk kona-ba alterasaun klimátika, tantu iha redusaun emisaun  gás ho efeitu estufa (ka mitigasaun), hanesan tentativa hodi hetan forma ida hodi hasai  dióxidu karbonu atmosfera nian, liuhosi reflorestasaun, ezemplu, ka adaptasaun mudansa iha klima.

 

Poupansa no uzu efisiente iha enerjia no  aposta iha enerjia renovável, laós poluente, duké fósseis, hanesan alternativa hodi  bele proteje planeta.

To’o  agora, nasaun  dezenvolvidu  sira deit maka iha  regra ne’ebé  rigorozu liu iha verifikasaun ba nia medida sira.

 

Iha  akordu Paris previstu ona atu habelar ba nasaun hotu,  maski previstu flexibilidade balun, ne’ebé justifika  liuhosi  kapasidade resposta diferente  kada nasaun.

 

Entre objetivu prinsipál tuir manutensaun subida temperatura média  grau Celsius rua (2ºC), ne’ebé  sientista barak defende  karik bele 1,5ºC, relasiona ba iha pré-industriál.

 

Ho nune’e, maski urjénsia liu atu hapara akesimentu iha planeta, medida atu limita ka reduz emisaun sei to’o  2030, tuir nasaun sira, iha Paris, lasufisiente ba meta ida ne’e no bele permite deit ba to’o iha 3ºC.

 

Kona-ba  ajuda ba nasaun sira ne’ebé kiak liu, aprova ona iha  2009  promesa sira ho dólar millaun 100 ( besik  euro millaun  91) kada tinan, hahú iha 2020,  hodi bele  dezenvolve enerjia limpa no adaptasaun, no iha montante foun ida ne’ebé sei  define iha 2025.

 

Rezultadu hosi insisténsia nasaun sira ne’ebé  vulnerávl liu, akordu ne’e kontempla ajuda ba zona sira ne’ebé lakon  relesionadu ho situasaun sira labele  adapta, tamba jelu glasiar no subida nível tasi nian.

 

Iha  semana kotuk, ministra Ambiente fransés, Segolene Royale, ne’ebé hanesan  prezidente COP21, hatete katak númeru prezensa konfirmadu signifika katak "'momentum' iha akordu Paris nian latuun", tamba  serimónia ne’e hanesan oportunidade ida atu líder internasionál sira halo" deklarasaun ida forte" kona-ba  futuru polítiku relasionadu ho folin karbonu, hodi enkoraja dezenvolvimentu iha enerjia limpa.

 

Aléinde  marka prezensa ministru portugés Ambiente, hamutuk ona iha  Nova Iorque besik  xefe Estadu 60, hanesan fransés François Hollande, vise-primeiru ministru xinés, Zhang Gaoli, primeiru-ministru kanadianu, Justin Trudeau, ka sekretáriu Estadu norte-amerikanu, John Kerry.

 

SAPO TL ho Lusa

horadoplaneta às 08:04 | link do post | comentar | Adicionar aos favoritos

pesquisar

 

Março 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
25
26
27
29
30
31

posts recentes

arquivos

tags

subscrever feeds

blogs SAPO