Segunda-feira, 02.10.17

Organizasaun Meteorolójiku Mundial apoia Timor-Leste ho sistema avizu klimáteriku sira

Organizasaun Meteorolójiku Mundial apoia daudaun nasaun lima hosi rejiaun Ázia ho Pasífiku, entre sira maka Timor-Leste, hodi dezenvolve sistema sira alerta antesipadu nian ne'ebé ajuda sira hadi hasoru ho di'ak eventu klimatériku no atmosfériku sira. 

 

 

Programa ne'e envolve Fiji, Illa Salomaun, Papua Nova Guiné, Timor-Leste ho Vanuatu no hakarak ajuda Fundu Verde Klima ida (GCF, iha sigla lian inglés) diresionadu liuliu ba sistema alerta klimatériku sira.

 

Iha komunikadu, OMM esplika ona katak programa hakarak hatán hasoru impaktu hosi alterasaun klimátiku sira ne'ebé maka mosu daudaun, halo risku meteorolójiku sira ne'ebé hanesan estremu liu no susar liu hodi hetan previzaun, nune'e sai hanesan "ameasa ida" ba nasaun sira ne'e no ba nasaun insular ki'ik sira ne'ebé iha dezenvolvimentu.

 

"Instalasaun ba Preparasaun Projetu sira nain ne'e hanesan importante hodi hahú inisiativu ida ne'ebé lidera hosi projetu sira, hosi propriedade no sustenta hosi nasaun sira, hodi hetan impaktu klimátiku ida no dezenvolvimentu real ida iha illa lima ne'ebé hanesan fraku tebes", hatete hosi diretora departamentu ba Dezenvolvimentu no Atividade Rejional sira hosi OMM, Mary Power.

 

"Aleinde ne'e, reprezenta instrumentu ida hosi programasaun ne'ebé maka PMM, hamutuk ho nasaun membru sira no parseiru sira, bele defini estratéjia efetivu sira hodi bele iha kapasidade ultrapasa risku hidrometeorolójiku sira ho klimátiku sira", nia hatutan.

 

Projetu rejional, ne'ebé sei adapta ba nesesidade espesífiku sira hosi nasaun ida-idak nian, iha folin inisial hamutuk dolar rihun 535 ne'ebé sei serve hodi defini proposta konkretu sira no dezenvolve "projetu inovador" sira ba nasaun lima.

 

Atividade sira preparasaun projetu nian inklui inventáriu ida hosi Sistema sira Alerta Antesipadu nian (EWS) iha nasaun lima, konsulta sira hodi envolve parte interesadu sira no "estudu viabilidade sira hodi garanti katak investimentu sira ne'ebé hato'o hanesan sosial, tékniku, ekonómiku no di'ak ba ambiente".

 

Objetivu maka OMM uza nia esperiénsia hodi apoia nasaun lima hodi "hametin dalan oinsá sira prepara hasoru eventu meteorolójiku sira antes akontese".

 

"Sistema alerta ida ne'ebé halo antes hanesan abordajen ho aspetu oioin hodi haree no kalkula ho di'ak perigu meteorolójiku sira no implementa solusaun emerjénsia ida ne'ebé di'ak liu. Sistema sira ne'ebé iha liu efikásia iha komponente haat maka detekta, monitoriza no projeta perigu sira, analiza risku sira ne'ebé iha relasaun, fó sai avizu apropriadu sira no ativa planu resposta emerjénsia nian", hatete hosi OMM.

 

Tuir Relatóriu hosi Risku Mundial sira, nasaun sira ne'ebé "hanesan fraku tebes no sai sujeitu ba risku klimátiku estremu sira, hanesan siklone tropikal sira, laloran tempestade sira nian no inundasaun hosi tasi nian", ho destake espesial ba Fiji ho Vanuatu, ne'ebé "tama entre nasaun 15 ne'ebé fraku tebes hasoru risku natural sira iha mundu tomak".

 

Augusto Pinto, responsável hosi diresaun ba Mudansa Klimátiku sira iha Timor-Leste, konsidera ona projetu ne'e hanesan importante tebes ba nasaun ne'ebé hasoru "ho risku sira ne'ebé akontese tanba mudansa klimátiku sira hanesan inundasaun naruk no rai-maran nune'e mós tempestade sira".

 

Sistema ne'e hanesan di'ak tebes hodi tulun agrikultór sira hodi hamenus estraga sira iha kultura sira, nia hatete.

 

ho Lusa

horadoplaneta às 12:34 | link do post | comentar | Adicionar aos favoritos
Quinta-feira, 13.07.17

Alterasaun klimátika hamosu perigu ba produsaun mundial kafé nian

Alterasaun klimátika hamosu perigu ba produsaun mundial kafé nian, ne'ebé nia interese aumenta iha tinan hirak ikus ne'e, alerta hosi espesialista sira no autoridade kolombianu sira iha fórum mundial dahuluk hosi nasaun produtor sira. 

 

 

"Ema tomak sei afetadu. Kafé hanesan sensível tebes ba mudansa ki'ik hosi temperatura. Bainhira temperatura aumenta, nasaun sira hotu sei afetadu", hatete hosi brazileiru no diretór ezekutivu hosi Organizasaun Internasionál Kafé nian (OIC) ne'ebé halibur nasaun exportador no importador hamutuk 43.

 

Rai sira ne'ebé bele kuda kafé bele diminui ba metade iha tinan 2050 tanba aumentu hosi temperatura, ne'ebé favorese dezenvolvimentu hosi moras sira ne'ebé afeta ai-horis ne'e, haktuir hosi relatóriu hosi Institutu Klimatolojia australianu ne'ebé fó sai iha tinan 2016.

 

ho Lusa

horadoplaneta às 10:49 | link do post | comentar | Adicionar aos favoritos
Segunda-feira, 14.12.15

Presija iha ajuda urjente hosi kombate 'super' El Niño -- Oxfam

Rai-maran, udan ne’ebé ladauk monu rai nomós jeda ne’ebé provoka hosi ‘super’ El Niño fó ona impaktu maka’as iha Pasífika, no Papua Nova Guiné maka maka’as liu, dehan ohin grupu Oxfam iha relatóriu.


 

Apela ba ajuda espesiál ida hodi salva moris, maka organizaun la’os-governamental dehan katak ema milloens 4,7 maka hasoru hamlaha, ki’ak nomós moras iha rejiaun Pasífika, tanba fenómenu meteorolójika ne’e.

 

"Ida ne’e hanesan krizi eskala globál ida", tuir relatóriu "Early Action on Super-charged El Nino Vital to Save Lives".

 

"Atuál El Niño maka bot liu krizi globál ne’ebé maka’as liu hosi sira ne’ebé sukat ona, ka sei reista kondisaun  meteorolójika maka’as, no sei fó ameasa ba seguransa ai-haan populasaun nian, vida nomós modu subsisténsia".

 

El Niño hanesan naran ne’ebé tau ba padraun klimátika ida hodi asosia ba períudu akesimentu iha Pasífika tropikál sentrál no orientál ne’ebé kleur.

 

Fenómenu El Niño hanesan alterasaun hosi fulan 12 to’o 18 tanba atribuisaun hosi temperatura superfísie tasi oseanu Pasífika ne’ebé fó impaktu ba meteorolojia rejiaun refere.

 

Fulan kotuk, ajénsia meteorolójika ONU nian fó sai kona-ba fenómenu, ne’ebé mosu tanba akesimentu temperatura hosi tasi iha Oseanu Pasífika, no ida ne’e maka piór liu iha tinan 15 resin.

 

SAPO TL ho Lusa

horadoplaneta às 06:59 | link do post | comentar | Adicionar aos favoritos
Domingo, 13.12.15

Akordu prevee atu limita akesimentu globál ba grau selsius 1,5

Prezidénsia franseza hosi Simeira iha Paris horisehik aprezenta ba reprezentante sira hosi nasaun 195 projetu hosi akordu finál kona-ba alterasaun klimátika hodi haree kona-ba akesimentu globál menus hosi grau selsius 2 no limita ba 1,5.



 


Ministru Negósiu Estranjeiru fransés, Laurent Fabius, uma-na’in hosi simeira ne’e, propoin akordu klimátiku ne’ebé prevee verba dólar rihun millaun 100 (euro rihun millaun 90,9) ba nasaun sira mak iha hela dezenvolvimentu hahú hosi tinan 2020.

"Ami besik to’o ona dalan nian rohan no, provavelmente, iha inísiu hosi dalan ida seluk", tenik ministru Negósu Estranjeiru fransés, iha sesaun plenária, ho lian la sai no kuaze tanis, hafoin agradese ba nia antesesór Manuel Pulgar-Vidal no tanba ida ne’e ema basa liman ba nia.

Laurent Fabius prezide konversasaun iha Paria besik semana rua ne’ebé termina horisehik ho negosiasaun durante kalan tomak no konsege entrega akordu ba ministru sira, ne’ebé agora deside atu aprova ka la’e.

SAPO TL ho Lusa

horadoplaneta às 04:10 | link do post | comentar | Adicionar aos favoritos
Sábado, 12.12.15

Finaliza ona projetu finál akordu nian hodi aprezenta ohin

Projetu akordu finál nian ida ba kombate alterasaun klimátika konklui ona iha madrugada ne’e no aprezenta ohin dadeer ba delegadu sira hosi nasaun 195, haktuir fonte prezidénsia franseza hosi simeira klima nian.


 

"Ami iha testu ida atu aprezenta", revela fonte gabinete ministru Negósiu Estranjeiru fransés nian, Laurent Fabius, ne’ebé prezide 21.ª Conferência das Partes das Nações Unidas sobre Alterações Climáticas (COP21) ba ajénsia notisioza franseza AFP.

 

Hafoin tradús ba lian ofisiál neen ONU nian, aprezenta dokumentu ne’e iha sesaun plenária tuku 11:30 (tuku 10:30 iha Lisboa) hosi xefe diplomasia franseza, ka ho atrazu oras rua ho balun relativa ho ida ne’ebé prevee fofoun.

 

Karik alkansa konsensu, plenáriu foun ida sei hala’o iha oras balun tuir mai ba adosaun formál hosi akordu ne’e.

 

Reprezentante sira hosi nasaun 195 iha COP21 ne’ebé termina ohin, hafoin adia tiha loron ida, hasoru malu horikedas loron 30 novembru liubá, iha Bourget (nordeste Paris nian), hodi tenta alkansa akordu globál vinkulativu ida kona-ba redusaun emisaun gás ho efeitu estufa, hodi substitui ho Protocolo de Quioto.

 

SAPO TL ho Lusa

 

horadoplaneta às 07:59 | link do post | comentar | Adicionar aos favoritos

Prezidente Xina no EUA nian defende atu reforsa koperasaun

Prezidente Xina no Estadus Unidus nian ko’alia liuhosi telefone durante kalan ne’e kona-ba dezenvolvimentunegosiasaun kona-ba alterasaun klimátika, ne’ebé hala’o iha Paris, fó sai horisehik Ministériu Negósiu Estranjeiru xinés.


 

Tuir ajénsia notísia AFP nian, komunikadu ne’ebé koloka iha fatin internet MNE xinés nian fó sai katak prezidente na’in rua ne’e konkorda atu nasaun sira tenke "reforsa kordenasaun ho parte hotu" no "halo esforsu hamutuk hodi garante katak simeira kona-ba klima iha Paris (COP21) to’o iha akordu tuir ida ne’ebé prevee ona".

 

Akordu ne’ebé fó benefísiu ba komunidade internasionál, hatutan komunikadu ne’e, ne’ebé fó sai tan katak Prezidente Barack Obama hatete katak Estadus Unidus prontu atu mantein kordenasaun ho Xina.

 

Projetu hosi akordu finál hodi kombate alterasaun klimátika, ne’ebé tenke aprezenta horisehik iha simeira mundiál klima nian mak hala’o iha Paris, adia fali ba ohin dadeer, anunsia prezidénsia franseza iha horisehik.

 

"Ami hakarak fó tempu hodi halo konsulta ho delegasaun sira durante lorok-sesta tomak" molok aprezenta testu finál hodi adota iha plenáriu, haktuir fonte ne’e, sita hosi AFP.

 

Testu ne’e "aprezenta sedu de’it iha sábadu dadeer hodi adota iha meiu-dia", hatutan.

 

SAPO TL ho Lusa

horadoplaneta às 07:37 | link do post | comentar | Adicionar aos favoritos
Sexta-feira, 11.12.15

Projetu akordu finál nian adia ba sábadu dadeer

Projetu akordu finál nian hodi kombate alterasaun klimátika ne’ebé tenke aprezentaohin iha simeira mundiál klima nian mak hala’o iha Paris adia ba sábadu dadeer, anunsia prezidénsia franseza.


 

"Ami hakarak fó tempu hodi halo konsulta ho delegasaun sira durante loron-sesta tomak" molok aprezenta testu finál hodi adota iha plenáriu, hatete fonte ne’e, sita hosi AFP.

 

Testu ne’e "sei aprezenta sedu iha sábadu dadeer hodi adota iha meiu-dia", hatutan.

 

SAPO TL ho Lusa

horadoplaneta às 06:47 | link do post | comentar | Adicionar aos favoritos
Terça-feira, 01.12.15

Prezidente xinés hatete katak nasaun riku sira tenke fó onra ba kompromisu ajuda

Prezidente xinés, Xi Jinping, apela hoisehik ba nasaun dezenvolvidu sira atu fó onra ba sira-nia kompromisu finansiamentu dólar rihun millaun 100 iha kada tinan ba nasaun sira ne’ebé iha hela dezenvolvimentu hodi hasoru alterasaun klimátika.


 

Xi Jinping, ne’ebé ko’alia iha Konferénsia Nasoins Unidas nian kona-ba Alterasaun Klimátika (COP21), ne’ebé hala’o to’o loron 11 dezembru, iha Paris, refere katak nasaun dezenvolvidu sira tenke aseita "responsabilidade sira mak fahe ba malu" hodi limita temperatura média planeta sa’e no ajuda nasaun sira ne’ebé kiak liu iha adaptasaun ba mudansa klimátika.

 

"Nasaun dezenvolvidu sira tenke fó onra ba nia kompromisu atu haruka dólar rihun millaun 100 [euro rihun millaun 94] iha kada tinan hahú hosi tinan 2020 no fó apoiu finanseiru ne’ebé forte liu na nasaun sira ne’ebé iha hela dezenvolvimentu", defende Prezidente Xina nian, tuir tradusaun ofisiál ida.

 

"Importante mós atu “tecnologias amigas” hosi klima bele transfere ba nasaun sira mak iha hela dezenvolvimentu", nia hatutan.

 

Iha konferénsia kona-ba klima mak hala’o iha Copenhaga iha tinan 2009 deside atu nasaun riku sira kontribui dólar rihun millaun 100 iha kada tinan hodi finansia sira ne’ebé kiak liu hodi hamenus no adapta ba alterasaun klimátika, redús emisaun hosi gás ho efeito estufa, responsável ba aumentu hosi temperatura iha planeta, no iha forma atu sira hasoru nível tasi ne’ebé sa’e, bailoro no impaktu sira seluk.

 

Xina no EUA kompromete atu servisu hamutuk hodi kombate akesimentu globál, no Xi Jinping hatete horisehik katak nasaun kaik sira la bele sakrifika sira-nia kresimentu ekonómiku.

 

COP21, ne’ebé hala’o entre loron 30 novembru no 11 dezembru, halibur reprezentante sira hosi nasaun 195 iha Paris, ne’ebé tenta atu halo akordu ida kona-ba redús emisaun gás ho efeitu estufa ne’ebé bele limita to’o tinan 2100, akesimentu hosi temperatura média globál atmosfera nian ba grau sentígradu rua aas liu valór sira mak rejista ona molok revolusaun industriál.

 

To’o oras ne’e, nasaun 170 resin aprezenta sira-nia kontributu hodi redús emisaun, maibé seidauk to’o hodi alkansa meta ne’ebé iha.

 

Entre asuntu pendente sira, iha aseitasaun mekanizmu revizaun periódika hosi kontribuisaun nasionál no iha sistema ida, sein fahe nasaun dezenvolvidu sira hosi sira ne’ebé iha hela dezenvolvimentu, maibé fleksível iha tratamentu, tema ne’ebé, hamutuk ho responsabilizasaun hosi nasaun maiór emisór sira, sei sai aspetu ne’ebé difísl atu rezolve.

 

SAPO TL ho Lusa

horadoplaneta às 03:00 | link do post | comentar | Adicionar aos favoritos

Presidente chinês diz que países ricos devem honrar compromissos de ajuda

O Presidente chinês, Xi Jinping, apelou ontem aos países desenvolvidos para que honrem os seus compromissos de financiamento de 100 mil milhões de dólares por ano aos países em desenvolvimento para enfrentarem as alterações climáticas.


 

Xi Jinping, que falava na Conferência das Nações Unidas sobre Alterações Climáticas (COP21), a decorrer até 11 de dezembro, em Paris, referiu que os países desenvolvidos devem aceitar "mais responsabilidades partilhadas" no objetivo de limitar a subida da temperatura média do planeta e ajudar as nações mais pobres na adaptação às mudanças climáticas.

 

"Os países desenvolvidos devem honrar o seu compromisso de mobilizar 100 mil milhões de dólares [94 mil milhões de euros] por ano a partir de 2020 e conseguir um apoio financeiro mais forte para as nações em desenvolvimento depois", defendeu o Presidente da China, de acordo com uma tradução oficial.

 

"Também é importante que tecnologias amigas do clima sejam transferidas para os países em desenvolvimento", acrescentou.

 

Na conferência do clima realizada em Copenhaga em 2009 foi decidido que os países ricos iriam contribuir com 100 mil milhões de dólares anuais para financiar os mais pobres na mitigação e adaptação às alterações climáticas, na redução das emissões de gases com efeito de estufa, responsáveis pelo aumento da temperatura do planeta, e nas formas de enfrentarem a subida do nível do mar, as secas e outros impactos.

 

A China e os EUA comprometeram-se a trabalhar juntos para combater o aquecimento global, e Xi Jinping disse ontem que os países pobres não devem ter de sacrificar o seu crescimento económico.

 

A COP21, que decorre entre 30 de novembro e 11 de dezembro, reúne em Paris representantes de 195 países, que tentarão alcançar um acordo vinculativo sobre redução de emissões de gases com efeito de estufa que permita limitar, até 2100, o aquecimento da temperatura média global da atmosfera a dois graus centígrados acima dos valores registados antes da revolução industrial.

 

Até agora, mais de 170 países já apresentaram os seus contributos para a redução de emissões, mas ainda insuficientes para alcançar a meta proposta.

 

Entre os assuntos pendentes estão a aceitação de um mecanismo de revisão periódica das contribuições nacionais e a existência de um só sistema, sem divisões entre países desenvolvidos e em desenvolvimento, mas com flexibilidade no tratamento, tema que, juntamente com a responsabilização dos países maiores emissores, serão aspetos mais difíceis de resolver.

 

@Lusa

horadoplaneta às 02:53 | link do post | comentar | Adicionar aos favoritos
Segunda-feira, 30.11.15

Malázia kompromete atu redús emisaun karbonu ba 40% to’o 2020

Ministru Rekursu Naturál no Meiu Ambiente Malázia nian, Wan Junaidi, afirma katak nia nasaun kompromete atu redús emisaun karbonu ba 40% to’o tinan 2020, hakerek imprensa lokál horisehik.



Planu ne’e sei detalla liu iha semana oin iha Konferénsia Internasionál kona-ba Alterasaun Klimátika, ne’ebé hahú iha Paris iha loron-segunda to’o loron 11 dezembru, ne’ebé sei partisipa hosi nasaun 160 resin.


"Ami hakarak konserva floresta ektare millaun iha ill Bornéu", tenik ministru ne’e, iha entrevista ba Channel News Asia.


Tuir Wan Junaidi, Malázia sei kria lei ne’ebé rigorozu hodi hapara esplorasaun ai ilegál no proteje biodiversidade iha nia territóriu. Governante ne’e halo mós promesa atu utiliza kombustível ne’ebé ladun poluente.


Krítiku sira governasaun nian akuza Governu malaiu la iha planu hodi utiliza enerjia renovável no asegura katak kuaze metade hosi enerjia mak nasaun konsumu iha tinan ne’e mai hosi karvaun, ne’ebé emite CO2 ho kuantidade boot ba atmosfera.


Akordu mak hala’o iha Paris sei substitui protokolu Quioto no pretende estabelese meiu ida atu temperatura planeta nian la sa’e liu grau sentigradu rua.


SAPO TL ho Lusa

horadoplaneta às 01:50 | link do post | comentar | Adicionar aos favoritos

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

posts recentes

arquivos

tags

subscrever feeds

blogs SAPO