Quinta-feira, 31.08.17

WWF: Deskobre kuaze espésie foun hamutuk 400 iha Amazónia iha tinan rua nia laran

Sientista sira deskobre ona espésie foun hamutuk 381 hosi ai-horis sira no animal sira, inklui lekirauk, golfiñu, anfíbiu sira no réptil sira, iha rejiaun amazóniku iha tinan rua, informa ona iha loron-kuarta ne'e hosi Fundu Mundial ba Natureza (WWF). 

 

 

Espésie foun ida rejistadu ona iha tinan rua dala ida entre Janeiru 2014 no Dezembru 2015, maioria iha área sira konservasaun nian ka zona sira ne'ebé besik.

 

Tuir relatóriu hosi organizasaun ekolojista, deskobre ona iha ai-laran amazóniku ai-horis hamutuk 216, ikan 93, anfíbiu 32, réptil 19, mamíferu 20 - mamíferu rua hanesan fósil - no manu ida.

 

Entre sira ne'ebé maka bolu atensaun maka lekirauk ida, ho ikus naruk mean, hetan iha noroeste estadu Mato Grosso, espésie foun ida ikan golfiñu mota nian, ne'ebé karik hahú mosu iha tinan millaun 2,8 liubá no manu ida ho kanta ne'ebé espesial tebes.

 

Tuir investigador sira, espésie haat rejista ona iha Rezerva Nasional Kobre no sira nia Asosiadu (Renca), ne'ebé iha loron hirak ne'e, sai hanesan objetu ba debate maka'as ida tanba dekretu polémika ida hosi Governu brazileiru ne'ebé loke área liu 47.000 kilómetru kuadradu - área boot ida liu Dinamarka - ba esplorasaun mineira privadu ida.

 

Área ne'e harii iha 1984, situa entre estadu Amapá no estadu Pára, fronteira ho Suriname no Guiana Franseza.

 

Hodi hatán ba krítika sira ne'e, Ezekutivu desidi muda dekretu, maibé justisa federal brazileiru determina ona nia suspensaun, hanesan mós ba "asaun administrativu ruma" ne'ebé hakarak halakon Renca, desizaun ida ne'ebé Brazília sei hakarak halo apelu kontra.

 

Ne'e hanesan edisaun datoluk ba relatóriu, fó sai hosi WWF hamutuk ho Institutu Mamirauá, elabora hosi sientista sanulu resin ne'ebé estuda espésie sira iha rai laran no hasoru ho deskoberta foun sira ho baze hosi informasaun sira ne'ebé iha ona.

 

Entre tinan 2010 no 2013 deskobre ona espésie foun hamutuk 602 no entre 1999 no 2009 númeru aumenta to'o 1.200.

 

Dokumentu destaka ona katak, maski iha esforsu sira iha tinan ikus ne'e, "maibé iha mamuk ida kona-ba koñesimentu kona-ba diversidade loloos Amazónia nian", tanba extensaun hosi teritóriu ka tanba "auzénsia hosi rekursu hodi halo investigasaun sira".

 

WWF hatete fali kona-ba importánsia hodi "aumenta atensaun" ba rejiaun ne'ebé "terus ona tanba impaktu desflorestasaun nian, tanba atividade agropekuáriu no tanba obra boot sira infraestrutura nian, hanesan konstrusaun hidroelétriku no estrada sira".

 

ho Lusa

horadoplaneta às 16:26 | link do post | comentar | Adicionar aos favoritos
Sexta-feira, 23.06.17

Noruega ameasa Brazil hodi hamenus apoiu finanseiru bainhira desflorestasaun kontinua

Iha loron-sesta ne'e primeira-ministra noruegeza aviza ona Prezidente brazileiru, Michel Temer, hodi hapara desflorestasaun, tanba, se la'e, Noruega sei hamenus asisténsia finanseiru ba Brazil hahú ona iha tinan ne'e. 

 

 

Erna Solberg hatete katak, bainhira konfirma informasaun preliminar sira hosi 2016 kona-ba nível desflorestasaun nian iha Brazil, sei iha diminuisaun ida hosi apoiu finanseiru iha tinan 2017, ho folin hamutuk dolar biliaun resin, kontributu ne'ebé tama diretu ba Fundu Amazonas, bazeia iha "osan ho rezultadu sira".

 

Tuir ajénsia notísia noruegeza nian NTB, adverténsia halo iha enkontru ida entre Erna Solberg ho Michel Temer, iha Oslo.

 

Iha loron-segunda, Temer hatete ona katak suspende ona lejislasaun hodi hamenus área hosi rezerva ambiental sira ne'ebé protejidu.

 

Maibé, vitória hosi grupu sira defeza ambiental nian karik bele iha de'it prazu badak, tanba atual ministru Ambiente brazileiru nian, José Sarney Filho, serbisu hela iha lejislasaun foun ida, kuaze buat hotu hanesan ida suspensaun ida ne'ebé halo hosi Temer.

 

Iha semana liubá, José Sarney Filho hatete ona katak iha planu sira hodi harii lei ida ne'ebé bele konverte hektar hamutuk millaun 1,1 hosi rai florestal hodi hetan rezultadu seluk.

 

Lusa

horadoplaneta às 12:07 | link do post | comentar | Adicionar aos favoritos
Terça-feira, 21.04.15

Brazil nu’udar nasaun piór liu ba ema sira ne’ebé defende ambiente ho planeta

Iha 2014, ekolojista nomós defensór ambiente 116 maka ema oho iha nasaun 17, maioria iha Amérika Latina, no Brazik hanesan nasaun ne’ebé piór liu hosi nasaun hothotu tanba ambientalista 29 maka mate.

Tuir organizasaun la’os governamentál Globál Witness, iha tinan kotuk defensór embiente 29 maka mate.

 

Iha Hondura 12 maka mate iha 2014, maibé nasaun ne’e maka ho númeru asasinatu ‘per kapita’ bot liu, ho vítima mortál 111 desde 2002. Tuir organizasaun ne’e, hosi ema hirak ne’ebé mate barak liu tanba hadau malu rai, estrasaun mineira, projetu hidroelétrika nomós indústria agrarian.

 

Iha Kolómbia ema 25 maka mate tanba hakarak defende kona-ba problema ambientál.

 

Iha deklrasaun ba Efe, Billy Kyte, dehan katak resposta hosi Governu lokál kona-ba probelma ne’e – no defeza ambientalista – “kuaze laiha” no ne’ebé ezisti “situasaun ne’ebé kuaze ho impunidade totál” liu-liu iha Brazil no Honduras.

 

SAPO TL ho Lusa

horadoplaneta às 06:59 | link do post | comentar | Adicionar aos favoritos

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
13
14
15
17
18
19
20
21
22
23
24
25
26
27
28
29
30
31

posts recentes

arquivos

tags

subscrever feeds

blogs SAPO