Quarta-feira, 07.06.17

Plástiku ne'ebé iha oseanu sira aumenta maka'as tebes iha tinan 40 ikus ne'e

Kuantidade hosi pedasuk plástiku sira nian ne'ebé iha oseanu laran aumenta maka'as tebes iha tinan 40 ikus ne'e, alerta hosi asosiasaun española Ambiente Europeu iha loron-kuarta ne'e.




Tinan-tinan, besik tonelada millaun hitu hosi sasán restu sira so'e ba tasi laran no oseanu sira hosi planeta ne'e, afirma hosi organizasaun, ne'ebé haktuir informasaun sira hosi ONU ne'ebé hatete katak milla marítimu kuadradu ida iha pedasuk plástiku hamutuk 45.000 ne'ebé maka namlele iha bee laran.

 

Pneu hosi karreta sira nian, botis plástiku, saku plástiku sira, rede peska nian, aplikador sira tampaun sira nian no prezervativu sira hanesan foer sira ne'ebé hetan beibeik.

 

Ne'e afeta "espésie hamutuk 600 resin hosi animal mariña nian", hosi baleia sira to'o lenuk sira, no mós manu sira, afirma hosi asosiasaun, ne'ebé kalkula katak iha 100.000 hosi númeru mamíferu mariña sira nian ne'ebé maka tinan-tinan mate tanba foer maka halo.

 

ho Lusa

horadoplaneta às 15:29 | link do post | comentar | Adicionar aos favoritos
Quinta-feira, 23.02.17

ONU apela ba empreza sira no konsumidór sira hodi hamenus plástiku iha tasi

ONU apela ona iha loron-kinta ne'e ba governu sira, empreza sira no konsumidor sira hodi hamenus plástiku sira ne'ebé so'e ba tasi, ne'ebé tinan-tinan hasai tonelada ualu ba foer plástiku sira nian.


Foto@ SAPO Timor-Leste

 

"Hamoos tasi sira" hanesan naran hosi kampaña ne'ebé aprezenta iha loron-kinta ne'e iha World Ocean Summit, ne'ebé hala'u daudaun to'o loron-kinta iha Bali, Indonézia, haktuir hosi komunikadu organizasaun nian.

 

Entre medida sira ne'ebé sujeridu maka hamenus plástiku sira iha embalajen sira no mudansa hahalok hosi konsumidor sira, hodi nune'e to'o tinan 2020 bele halakon fonte boot hosi plástiku sira ne'ebé so'e ba tasi: mikroplástiku sira iha kosmétiku sira no embalajen deskartável sira.

Nasaun sia halo parte ona ba kampãna ne'e, hanesan Indonézia ne'ebé hahú tinan 2015 kompromete hamenus ba 70% hosi plástiku sira ne'ebé so'e ba tasi, no Uruguai ne'ebé sei tau taxa ba saku plástiku sira.

 

Empreza informátiku Dell mós afirma ona katak seu uza plástiku sira ne'ebé hasai iha tasi iha largu Haiti hodi resikla no uza iha nia produtu sira.

 

ONU afirma katak 80% hosi foer sira iha oseanu maka plástiku sira no hamosu ona estraga iha ekosistema sira ne'ebé sei presiza dolar biliaun ualu hodi rezolve.

 

Ho ritmu maka'as ne'ebé aumenta ba foer sira hanesan botir sira, saku sira ka kopo sira plástiku nian, kalkula katak iha tinan 2050 sei iha liu plástiku barak duké ikan sira iha oseanu sira.

 

ho Lusa

horadoplaneta às 15:01 | link do post | comentar | Adicionar aos favoritos
Quarta-feira, 16.03.16

Poluisaun maka halo ema 23% mate iha mundu tomak

Fatór ambienta sira iha nia sentidu estensu maka halo ema 1/4 mate iha mundu tomak, fó sai hosi Organizasaun Mundial Saúde nian. 

 

 

Relatóriu ida hosi Organizasaun Mundial Saúde nian, publika iha loron-tersa, hanoin katak iha 2012 ema hamutuk millaun 12,6 resin mate tanba "kontaminasaun hosi ár, bee no rai", "espozisaun ba substánsia kímiku sira", "mudansa klimátiku sira" no "raiu UV".

 

Organizasaun hanoin katak ema millaun 8,2 mate tanba moras sira ne'ebé la transmiti no iha ligasaun ho poluisaun iha ár. Hanesan, liuliu asidente vaskular selebral sira, moras fuan nian, kankru no moras respiratóriu sira.

 

Trauma sira lahó intensaun, hanesan asidente sira tránzitu nian, klasifikadu mós hosi OMS hanesan sintoma sira ne'ebé relasionadu ho meiu ambiente no reprezenta mate hosi ema millaun 1,7 iha 2012.

 

OMS konsidera katak asidente rodoviáriu sira iha relasaun ho meiu ambiente tanba akontese beibeik tanba estrada sira nia kondisaun ne'ebé ladi'ak.

OMS fiar katak diareia, ne'ebé okupa fatin daneen iha grupu hosi moras sanulu ne'ebé OMS hato'o, mosu beibeik hosi rede sanitáriu ida ne'ebé fraku, halo ema na'in 846.000 mate tinan-tinan.

 

"Traumatizmu voluntáriu sira", ne'ebé inklui oho-aan, sai hanesan kauza ba dasanuluk hosi mate sira ne'ebé relasionadu ho meiu ambiente. Ba OMS, oho-aan balun mosu tanba asesu ba produtu tóxiku sira hanesan pestisida.

 

Ba organizasaun internasional, "jestaun di'ak ida ba meiu ambiente sei salva tinan-tinan" labarik millaun 1,7 ne'ebé seidauk iha tinan lima no salva katuas-ferik hamutuk millaun 4,9.

 

"Iha tinan 2002, ita iha 25% resin hosi ema sira ne'ebé mate iha mundu tomak tanba meiu ambiente, ohin loron hamutuk 23% resin, maibé tanba populasaun aumenta ona iha tinan sanulu nia laran kuantidade sei aas nafatin", hatete hosi médika María Neira, diretora hosi Departamentu Saúde Públiku no Meiu Ambiente, ne'ebé haktuir hos ajénsia notísia France Presse.

 

Iha sudeste Ázia nian maka rejista númeru aas hosi ema sira ne'ebé mate tanba meiu ambiente, hamutuk millaun 3,8. Iha fatin daruak maka rejiaun Pasífiku (ho millaun 3,5), tuir Áfrika (ho millaun 2,2), Europa (ho millaun 1,4), Médiu Oriente (ho 854.000) no Amérika (ho 847.000).

 

Hodi rezolve situasaun, OMS hato'o medida simples sira: hamenus emisaun hosi karbonu sira, dezenvolve rede sira transporte koletivu nian, hadi'a rede sanitáriu, kombate dalan sira konsumu hodi hamenus uzu ba produtu kímiku sira, protesaun maka'as ba ultravioleta no bandu maka'as ba tabaku.

 

ho AFP

horadoplaneta às 14:11 | link do post | comentar | Adicionar aos favoritos
Sexta-feira, 22.05.15

Unidade hodi transforma foer ba enerjia hahú harii iha besik sidade Díli

Projetu hodi harii unidade ida ba tratamentu foer nian no ba nia transformasaun ba enerjia, ho sentrál ida 25MW lansa ona iha loron-sesta ne'e iha serimónia ida iha Tibar, zona nebe instala lixeiru Díli nian.


Foto: Epifânio Sarmento/ SAPO TL


 

Projetu hodi harii unidade ida ba tratamentu foer nian no ba nia transformasaun ba enerjia, ho sentrál ida 25MW lansa ona iha loron-sesta ne'e iha serimónia ida iha Tibar, zona nebe instala lixeiru Díli nian.

 

Bainhira ko'alia iha serimónia lansamentu ba projetu, nebe sei dezenvolve hosi empreza ida hosi Taiwan, xefe Governu, Rui Maria de Araújo, hatete katak unidade hatán ba preokupasaun hosi ezekutivu kona-bá ambiente no jestaun ba rezíduo urbanu sira nian.

 

"Timor-Leste halo daudaun diretivu sira hodi hetan solusaun ba kestaun sira ne'e, promove estratéjia ida jestaun foer sira nian nebe preokupa tebes, la'ós de'it ba nia rekolla maibé mós ba nia tratamentu to'o nia reutilizasaun", nia destaka.

 

"Tanba ne'e, ha'u bele senti de'it satisfeitu tanba konkretiza hakat importante ida ba ita nia nasaun, hanesan lansamentu ba projetu inovadór ida nebe hanoin kleur ona no ohin loron sai realidade", nia hatutan.

 

Iha fulan-Novembru tinan liubá Governu timoroan aprova ona rezolusaun ida ho "akordu prinsípiu nian" ho proposta investimentu nebe aprezenta hosi empreza taiwanés Shun Hsin Construction Development Ltd hodi harii "unidade industriál ida ba tratamentu foer iha Tibar".

 

Testu rekoñese katak "kresimentu populasaun nian, kresimentu sidade sira nian no konsumu, kontribui hodi estraga kondisaun ambientál sira, liuliu iha zona urbanu sira" nune'e maka "urjente medida ida ba tratamentu poluisaun nian".

 

Projetu, nebe sei fó empregu hamutuk 300, sei halo rekolla no armazenamentu ba foer sira, no mós tratamentu no reutilizasaun ba rezíduo orgániku sira.

 

Rui Araújo destaka importánsia hosi tratamentu ba foer nian ba saúde públiku hodi konsidera katak unidade iha Tibar hanesan "hakat importante ida iha dezenvolvimentu sustentável" Timor-Leste nian.

 

"Sustentabilidade ambientál implika ita foti desizaun sira no hodi halo asaun nebe proteje natureza, halo meiu ambiente favorável ida ba dezenvolvimentu ema nian iha harmonia ho kriatura moris sira seluk", nia afirma.

 

Estudu ida nebe publika iha 2014 hosi Banku Aziátiku ba Dezenvolvimentu (BAD) fó sai katak loron-loron iha Timor-Leste iha foer tonelada 120 foer nian maka to'o iha lixeiru, nune'e jestaun ba rezíduo urbanu hanesan dezafiu ida ba autoridade sira kapitál nian.

 

"Bainhira laiha kapasidade hodi transforma foer, ho aumentu populasaun nian, dezenvolvimentu hosi setór sira indústria nian, komérsiu, agrikultura ho infraestrutura no kresimentu ekonómiku asosiadu ba kbiit maka'as sosa nian nebe maka ita hamosu, volume ne'e bele to'o tonelada 500", destaka hosi artigu ne'e.

 

"Bainhira ita la hala'o asaun konkretu sira hodi hasoru ho situasaun ne'e, entaun ita sei iha dezafiu boot ida iha futuru", nia konsidera. Rui Araújo destaka ona faktu hosi projetu "transforma foer iha enerjia" no faktu hosi rekolla, prosesamentu no sunu foer sira, hamenus númeru parazita no moras sira nian. "Bainhira ita hili tratamentu ba foer sira hanesan ne'e, ita mós hamenus estraga sira, liuhosi rekuperasaun enerjétiku, transforma foer iha sasán di'ak ruma nebe maka hanesan enerjia", nia hatete.

 

"Estasaun tratamentu ba foer ne'e bele halo enerjia ba sentral elétriku ida ho kapasidade 25MW, hodi hatán ba nesesidade lokál sira enerjia nian ba benefísiu komunidade nian", destaka mós.

 

ho Lusa

horadoplaneta às 14:50 | link do post | comentar | Adicionar aos favoritos

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
13
14
15
17
18
19
20
21
22
23
24
25
26
27
28
29
30
31

posts recentes

arquivos

tags

subscrever feeds

blogs SAPO