Segunda-feira, 28.11.16

67% hosi ahu-ruin sira iha parte norte Great Barrier Reef mate ona

67% hosi ahu-ruin sira iha Great Barrier Reef parte norte Austrália nian, ne'ebé situa iha nordeste nasaun nian, mate ona iha fulan ualu ka fulan sia ikus ne'e, tuir hosi estudu sientífiku ida ne'ebé fó sai iha loron-segunda ne'e. 

 

Foto@ XL Catlin Seaview Survey Austrália & New Zealand Out/EPA

 

"Rejiaun ne'e eskapa ona ho estraga ki'ik sira tanba lakon kór entre tinan 1998 no 2002, maibé agora hanesan afetadu duni", hatete hosi Terry Huhes, diretór hosi Konsellu Investigasaun Australianu nian, ne'ebé halo estudu hosi área ne'e.

 

"Notísia di'ak maka 2/3 hosi ahu-ruin sira iha Great Barrier Reef iha parte súl konsege eskapa ho estraga mínimu sira", hatete hosi Andrew Baird, hosi Konsellu hanesan, ne'ebé diriji ona mergullu sira ne'ebé hala'o iha fulan-Outubru ho fulan-Novembru.

 

Espesialista sira kalkula katak rejiaun norte hosi Great Barrier Reef nian sei presiza tempu entre tinan 10 no 15 hodi rekupera sira nia ahu-ruin, menus duké alterasaun klimátiku sira muda siklu sira no halo nune'e atu sira bele reprodús lalais.

 

Estudu sientífiku oioin ne'ebé publika iha tinan ne'e alerta ona kona-ba estadu hosi ahu-ruin sira ne'ebé ladi'ak iha Great Barrier Reef ne'ebé, ho nia estensaun hamutuk 2.300 km, hanesan sistema boot ida hosi ahu-ruin sira iha mundu no konsidera hanesan Patrimóniu Mundial hosi Organizasaun ONU nian ba Edukasaun, Siénsia ho Kultura (UNESCO).

 

Great Barrier Reef, ne'ebé halibur ahu-ruin hamutuk 400 ne'ebé la hanesan, ikan ho espésie hamutuk 1.500 no balada-tasi sira ho variedade hamutuk rihun haat, hahú hetan estraga iha dékada 1990 tanba oseanu ne'ebé hahú manas no ba aumentu hosi asidez iha bee tanba prezensa maka'as hosi dióksidu karbonu iha atmosfera.

 

ho Lusa

horadoplaneta às 16:31 | link do post | comentar | Adicionar aos favoritos
Segunda-feira, 21.11.16

Fertilidade ahu-ruin sira iha Great Barrier Reef afetadu tanba brankeamentu - WWF

Fertilidade hosi ahu-ruin sira hosi Great Barrier Reef tuun iha tinan ne'e tanba fenómenu hosi brankeamentu, aat liu ne'ebé rejistadu iha zona hosi nordeste australianu nian, alerta hosi World Wide Fund for Nature (WWF). 

 

 

Tinan-tinan, ahu-ruin sira sinkroniza expulzaun hosi óvulu no espermatozoid biliaun resin, fenómenu ida ne'ebé hanaran hanesan "tempestade ida jelu submarinu nian" ne'ebé halo pólipu sira hosi ahu-ruin bebé sira mosu iha bee leten durante asaun hasai tolun no tuun ba tasi-okos hosi fiksa iha ahu-ruin sira hodi bele ajuda sai boot ka rekonstrui fali.

 

Maibé, tinan ne'e, eventu reprodutivu ne'e la mosu maka'as, haktuir hosi fotografias ira WWF nian iha illa Lizard, iha norte Great Barrier Reef nian.

 

"Brankeamentu dahuluk oho ona ahu-ruin barak iha illa Lizard no agora ahu-ruin sira ne'ebé iha hetan problema sira hodi reproduz iha tinan ne'e", hatete hosi porta-vós hosi organizasaun ambientalista ne'e iha Austrália, Richard Leck, iha komunikadu.

 

"Brankeamentu iha impaktu iha fertilidade hosi ahu-ruin sira ne'ebé konsege moris", nia hatutan.

 

Great Barrier Reef, deklara nu'udar Patrimóniu Humanidade nian iha tinan 1981, ho ahu-ruin individual hamutuk 2.500 ne'ebé halibur ahu-ruin úniku sira, ikan ho espésie hamutuk 1.500 no balada-tasi sira hamutuk millaun resin, hahú lakon iha dékada 1990 tanba impaktu duplu hosi akesimentu tasi-been nian no aumentu hosi grau siin nian ne'ebé mosu tanba prezensa boot ida hosi dióxidu karbonu iha atmosfera.

 

Agora daudaun, hasoru krizi ne'ebé aat liu tanba brankeamentu ahu-ruin sira nian.

 

Fenómenu ne'e akontese bainhira, tanba temperatura hosi tasi-been oseanu nian, ahu-ruin sira hasai alga simbiótiku sira ne'ebé moris iha sira nia kulit, ne'ebé halo kolorasaun no fornese ba sira nutriente sira.

 

Auzénsia naruk hosi alga ida ne'e halo pólipu sira ahu-ruin nian mate.

 

Tinan ne'e, brankeamentu oho ona 22% hosi ahu-ruin iha ekosistema ne'e, maski iha área norte hosi Great Barrier Reef taxa mortalidade nian aas liu, haktuir hosi WWF.

 

ho Lusa

horadoplaneta às 15:09 | link do post | comentar | Adicionar aos favoritos
Quarta-feira, 22.06.16

Estadu australianu sosa kriasaun karau sira nian hodi proteje Great Barrier Reef

Estadu ida hosi Austrália sosa ona iha loron-kuarta ne'e kriasaun ida karau nian, ne'ebé prodús rezíduo sira ne'ebé ameasa Great Barrier Reef, hodi kontribui ba protesaun iha fatin simbóliku ne'ebé klasifikadu hanesan patrimóniu Humanidade nian.

 

Foto hosi Great Barrier Reef (Austrália). Mike McNamara © OUR PLACE The World Heritage Collection


Iha fulan hirak ikus ne'e Great Barrier Reef hasoru epizódiu brankeamentu aat liu tanba aumentu hosi temperatura bee nian. Parte boot hosi resife lakon nia kór no ahu-ruin balun mate tiha ona.

Resife mós sai fraku tanba rezíduo agríkola sira nian. Fonte prinsipal ida hosi rezíduo sira ne'e maka kriasaun sira karau nian iha Springfield ne'ebé ba to'o 560 kilómetru kuadradu hafoin Cooktown, iha estadu Queensland.

Ministru Ambiente hosi Queensland, Steven Miles, hatete katak Springfield halo rezíduo barak ne'ebé sei depozita iha parte norte hosi bareira boot ne'ebé afetadu hosi brankeamentu ne'e.

"Sedimentu no nutriente sira ne'ebé asosiadu ba impaktu oioin iha resife, tanba ne'e sosa rai ne'e hanesan determinante", hatete kona-bá sosa ne'e ho folin dolár australianu millaun hitu.

Sendimentu sira ne'e depozita iha resife, blokeia naroman, sufoka organizmu mariñu sira nian no aperta kresimentu hosi koral no planta tasi sira nian.

"Ami tenki hametin katak resife iha hipóteze di'ak hodi rekupera epizódiu brankeamentu ne'e, garanti katak bee ne'ebé to'o hanesan ida ne'ebé moos liu", hatutan hosi ministru.

"Presiza hametin medida sira kontrolu nian hosi erozaun hosi rai ravina sira no mota sira iha norte Queensland nian", hatutan hosi ministru.

Tuir sientista sira, presiza pelumenus tinan sanulu atu bele rehabilita bareira koral no World Wide Fund For Nature (WWF) estima katak kualidade bee nian sei hanesan importante ba sobrevivénsia hosi resife.

"Governu nunka sosa rai sira hodi proteje kualidade bee nian iha great reef", hatete hosi portavós WWF australianu nian, Sean Hoobin, hodi elojia desizaun ne'ebé hanesan novidade.

"Volume importante hosi tahu sira soe hosi estasaun ne'e ba to'o iha bee sira resife nian nune'e maka halo fraku koral", nia esplika.

"Asaun sira hodi hamenus poluisaun hosi rezíduo sira ne'ebé mai hosi Springfield sei ajuda iha rekonstrusaun koral nian", nia hakotu.

ho Lusa

horadoplaneta às 15:08 | link do post | comentar | Adicionar aos favoritos
Quinta-feira, 02.06.16

Tulun Great Barrier Reef presiza dolár millaun 11.571 iha tinan 10 nia laran

Hadi'a kualidade bee nian iha Great Barrier Reef, iha noroeste Austrália nian, presiza dolár millaun 11.571 (ka euro millaun 10.336) iha dékada tuirmai, haktuir estudu hosi governu ne'ebé fó sai iha loron-kinta ne'e. 



Foto: AIMS Austrália and New Zealand Out/EPA


Tuir kanal australianu ABC, folin sira integra iha estudu ida ne'ebé hala'o hosi grupu matenek-na'in sira iha kualidade bee no ekonomia nian ne'ebé, tanba laiha tempu, la tama iha relatóriu ida kona-bá Great Barrier Reef ne'ebé fó sai iha semana liubá.

 

Governu hosi primeiru-ministru Malcolm Turnbull haruka ona fundu adisional ida ho osan dolár millaun 124 (euro millaun 110) ba orsamentu finanseiru tinan nain ne'ebé hahú iha loron 01 Jullu.

 

Partidu Traballista, ne'ebé hakarak manán eleisaun sira iha loron 02 Jullu, promete ona dolár millaun 254 (euro millaun 227) hodi salva Great Barrier Reef ne'ebé deklara hanesan Patrimóniu Mundial no hasoru krizi boot brankeamentu koral sira iha nia istória.

 

Ameasa boot ba kualidade bee nian iha Great Barrier Reef mai hosi pestisida sira, hosi depózitu sira, ne'ebé taka naroman loron nian no exesu hosi nutriente sira hanesan nitrojéniu ne'ebé halo koral sira sai fraku hasoru brankeamentu.

 

Saúde hosi Great Barrier Reef, ne'ebé iha espésie hosi koral hamutuk 400, espésie hosi ikan 1.500 no molusku sira ho variedade hamutuk 4.000, hahú hetan estraga iha dékada 1990 tanba duplu impaktu hosi aumentu temperatura nian no tasi-been ne'ebé siin.

 

ho Lusa

horadoplaneta às 15:44 | link do post | comentar | Adicionar aos favoritos
Segunda-feira, 30.05.16

Pelumenus 35% hosi koral sira Great Barrier Reef iha Austrália besik atu lakon

Pelumenus 35% hosi koral sira iha rejiaun norte no sentru hosi Great Barrier Reef iha Austrália mate daudaun ka besik atu lakon tanba fenómenu hosi brankeamentu ka lakon kór hosi koral sira, fó sai hosi sientista sira iha loron-segunda ne'e. 

 

 

Konkluzaun ne'e hanesan análize aéreu no subakuátiku sira ne'ebé halo iha fulan barak nia laran hafoin rejista tiha brankeamentu iha istória nia laran iha fulan-Marsu ho akesimentu hosi bee sira.

 

Terry Hughes, diretór hosi ARC Centre of Excellence for Coral Reef Studies iha Universidade James Cook, esplika ona katak akesimentu global estraga daudaun fatin sira ne'ebé klasifikadu hanesan Patrimóniu Humanidade nian.

 

"Ami deskobre katak, iha média, 35% hosi koral sira mate daudaun ka mate tiha ona iha resife 84 ne'ebé ami analiza tiha ona iha sesaun sira norte no sentru nian hosi Great Barrier Reef, entre Townsville ho Papua Nova Guiné", nia hatete iha komunikadu.

 

"Ne'e hanesan ba dala tolu iha tinan 18 nia laran maka Great Barrier Reef hatudu brankeamentu maka'as tanba akesimentu global, no situasaun ne'ebé agora ita hasoru hanesan aat liu duké ida ne'ebé ami sukat antes", nia esplika.

 

Presiza pelumenus dékada ida hodi rekupera kobertura sira hosi koral sira, "maibé sei demora tebes hodi rekupera koral boot sira no sira ne'ebé antigu ne'ebé mate tiha ona", indika hosi komunikadu ida hosi universidade tolu.

 

Investigadór sira hosi Universidade James Cook indika tiha ona, iha fulan-Abril, katak 93% hosi área hamutuk kilómetru 2.300 - ekosistema boot liu hosi koral sira iha mundu - afetadu ona hosi fenómenu brankeamentu nian.

 

Lakón kór ne'e akontese iha kondisaun ambiental sira ne'ebé la normal, hanesan aumenta ba bee tasi nian hodi halo koral sira hasai alga fotosintétiku ki'ik sira ne'ebé hasai nia kór.

 

ho Lusa

horadoplaneta às 11:16 | link do post | comentar | Adicionar aos favoritos
Terça-feira, 02.02.16

Estadu australianu Queensland autoriza projetu polémiku iha Great Barrier Reef

Projetu mineiru boot tebes Carmichael, hosi grupu indianu Adani, ne'ebé hetan kritíka tanba nia impaktu negativu iha Great Barrier Reef, ultrapasa, iha loron-tersa ne'e, obstákulu ida bainhira hetan autorizasaun hodi avansa hosi parte estadu australianu Queensland nian. 

 

 

Projetu, ho folin dolár australianu millaun 16.500 (euro millaun 10.600), hakarak halo esplorasaun ba mina ida karvaun nian iha Queensland, ne'ebé, karik konkretiza, sei sai hanesan mina ida boot liu iha mundu, maibé asosiasaun oioin ne'ebé defende ambiente hato'o nafatin efeitu negativu sira nebe bele mosu iha Great Barrier Reef.

 

Impaktu kona-bá klima, iha jerál, hanesan kestaun sira ne'ebé asosiasaun oioin hato'o ona, hasoru influénsia hosi karvaun ne'ebé hanaran gás ho efeitu estufa, buat ne'ebé afasta Governu australianu iha fulan-Jullu 2014 bainhira fó lisensa ba projetu ne'e.

 

Fonte: Diário Digital / Lusa

horadoplaneta às 15:42 | link do post | comentar | Adicionar aos favoritos

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

posts recentes

arquivos

tags

subscrever feeds

blogs SAPO