Quinta-feira, 27.07.17

Santuáriu hosi orangotango sira iha Indonézia ameasadu tanba okupasaun

Grupu ida konservasaun ambiental alerta ona katak kuaze 1/5 hosi ai-laran ne'ebé serva hanesan santuáriu ba orangutan sira iha parte indonéziu hosi Bornéu hetan okupasaun no estraga, ameasa nune'e esforsu sira reabilitasaun hosi animal ne'e iha risku. 

 

 

Foto@ Hotli Simanjuntak /EPA

 

Porta-vós hosi Borneo Orangutan Survival Foundation, Nico Hermanu, hatete ona katak ai-laran ho hektar 340 resin hosi Samboja Lestari, iha Kalimantan Oriental, hetan invazaun no okupa hosi ema sira ne'ebé maka mai hosi zona sira iha Indonézia no ne'ebé tesi ai sira no kuda hahán sira.

 

Empreza agro-alimentar sira no populasaun lokal sira sunu ho intensaun zona sira ai-laran nian hodi hamoos rai no okupa ho plantasaun sira.

 

Atividade sira ne'e akontese besik "eskola ai-laran" ida, ne'ebé simu orangutan hodi moris hanesan semi-independente no aprende hetan hahán mesak, harii uma no hahalok sira seluk ne'ebé importante hodi animal ne'ebé iha risku bele moris.

 

Fundasaun sosa ona hosi ema lokal sira, iha tinan barak nia laran, rai hodi instala santuáriu ho hektar 1.850 no rekupera ona ai-laran hosi zona ne'ebé agora iha orangutan hamutuk 170 maka moris iha fatin ne'e.

 

Hermanu afirma ona katak fundasaun aviza ona rezidente sira katak sira halo invazaun ba santuáriu Samboja Lestari, "maibé sira halo nafatin atividade". Polísia lokal lakohi halo atuasaun no rekomenda ona diálogu "ne'ebé la rezolve buat ida", nia afirma.

 

Fundasaun agora buka hela ajuda hosi governu lokal, hosi provínsia Kalimantan Oriental, hodi garanti sira direitu kona-ba rai.

 

Númeru hosi orangutan iha Kalimantan no iha illa indonéziu Sumatra, rekoñesidu hanesan animal oinseluk no klasifika hanesan iha risku atu lakon, ho respeitu, hosi organizasaun ambiental sira, tuun maka'as dezde dékada 1970.

 

Orangutan sira hanesan animal sira ne'ebé hetan protesaun iha Indonézia no iha Malázia, maibé desflorestasaun halo diminuisaun maka'as hosi nia "habitat" natural, hafoin besik hosi 40% hosi ai-laran iha Kalimantan lakon dezde inísiu dékada 1970.

 

Iha dékada tuirmai, ambientalista sira kalkula katak parte barak hosi ai-laran sei hetan estrada no sei sai hanesan rai agríkola.

 

Borneo Orangutan Survival Foundation, organizasaun ida hosi organizasaun oioin ne'ebé dedikadu ba konservasaun hosi orangutan sira, iha mós autorizasaun ba tinan 60 nia laran ba ai-laran ho hektar rihun 86 resin iha Kalimantan, ne'ebé sira sosa hosi Governu iha tinan 2011.

 

Na próxima década, os ambientalistas preveem que uma ainda maior parte da floresta venha a ser devastada e convertida em terreno agrícola.

 

Besik 1/4 iha kondisaun adekuadu ba reabilitasaun hosi orangutan sira nian.

 

ho Lusa

horadoplaneta às 15:20 | link do post | comentar | Adicionar aos favoritos
Segunda-feira, 09.11.15

Tinan ne'e akontese ona inséndiu 127.000 iha Indonézia

Iha fulan-Outubru nia rohan, prezidente indonéziu, Joko Widodo, antesipa nia regresu hosi vizita ida iha Estadus Unidus tanba kuantidade aas hosi inséndiu nebe akontese iha nasaun ne'e.

 

 

Inséndiu akontese beibeik iha nasaun aziátiku ne'e, maibé tinan ne'e, karik tanba kondisaun rai-maran nebe provoka hosi El Niño maka'as tebes, Indonézia liuhosi tinan nebe aat liu relasionadu ho ahi-han ai-laran sira, nebe hanesan problema kompleksu ida ba saúde populasaun sira nian, tanba fumu tóxiku, no mós ba kondisaun klimátiku nebe hetan estraga iha futuru.

Tuir Climate Central, tinan ne'e akontese ona inséndiu 127.000 iha Indonézia, barak liu ho intensidade nebe maka'as. "Époka ahi-han nian iha tinan ne'e maka'as tebes, rivaliza ho tinan 1997. No kondisaun sira hatudu katak sei iha nafatin inséndiu", esplika hosi sientista klimátiku ndrew Robertson, hosi International Research Institute for Climate and Society (IRI).

Robertson ho responsável sira seluk hosi IRI dezenvolve ona dalan lima ba previzaun inséndiu sira nian ba Governu indonéziu, hodi identifika surtu no planeia estasaun sira ahi nian ho tempu. Robertson esplika katak bainhira inséndiu ida dura sei susar tebes atu domina inséndiu ne'e.

Loron-loron, Indonézia liberta gás sira nebe iha efeitu estufa ba atmosfera, tanba ahi-han ai-laran sira, duké ekonomia tomak norte-amerikanu nian. Emisaun sira hosi gás ho efeitu estufa hosi inséndiu indonéziu nian liu tiha ona emisaun sira nebe tinan-tinan liberta hosi Japaun no hatudu ona 3% hosi totál emisaun gás sira ho efeitu estufa hosi atividade sira ema tomak iha mundu nian.

Ne'e signifika katak ahi sira kontribui ba alterasaun klimátiku iha tempu naruk maibé mós aumenta problema sira saúde nian iha rejiaun - haktuir hosi Guardian, diagnóstika ona ema na'in 500.000 resin ho moras nebe iha ligasaun ho inséndiu ka mosu tanba inséndiu. La'ós de'it iha Indonézia maibé mós iha Singapura ho Malázia.

Fonte: Green Savers

horadoplaneta às 15:21 | link do post | comentar | Adicionar aos favoritos
Segunda-feira, 26.10.15

Indonézia destaka ró funu tolu hodi tulun ema sira nebe afetadu ho kaloha tóxiku

Indonézia destaka ona ró funu tolu - no sira seluk prontu hela - hodi entrega máskara sira, tenda sira no tulun médiku nian ba ema millaun resin nebe afetadu hosi kalohan maka'as hosi inséndiu ai-laran sira, informa hosi fonte ofisiál iha loron-segunda ne'e.


 

Besik fulan rua ona maka inséndiu barak, nebe mosu hosi sunu-rai, provoka mós iha nasaun viziñu sira kalohan maka'as, halo taka eskola sira no kansela semo hosi aviaun oioin.

 

Ró funu tolu to'o ona iha Kalimantan - metade indonéziu nian hosi Bornéu no hanesa rejiaun ida nebe afetadu liu - hodi lori médiku sira, tenda sira no máskara sira protesaun nian.

 

Porta-vós militár hosi Indonézia Tatang Sulaiman esplika ona ba ajénsia AFP katak planu ne'e inklui harii fatin temporáriu ho purifikasaun ár nian, tanba ró sira bele serve mós hanesan sentru sira evakuasaun nian bainhira presiza.

 

Ró tolu seluk abastesidu ona no prontu atu halo atuasaun ba Kalimantan ka Sumatra-Súl, bainhira ró lima seluk bele bolu antes bainhira presiza, nia hatutan.

 

Governu destaka ona aeronave hamutuk 30 hodi hapara inséndiu, nebe sai hanesan inséndiu aat liu iha dékada nian, kombate mós hosi soldadu rihun 22 iha fatin.

 

Ahi nebe mosu, iha parte balun, hosi sunu rai ilegal nebe halo hodi "hamoos" área boot ba produsaun óleu palma nian, seluloze no surat-tahan. Tuir autoridade sira Indonézia nian, inséndiu sira halo ona ema na'in 10 mate.

 

Ajénsia hosi dezastre sira hatete katak pelumenus ema millaun resin hetan ona moras respiratóriu bainhira inséndiu ne'e hahú iha fulan-Jullu.

 

Organizasaun ekolojista sira hatete ona, iha semana liubá, katak inséndiu nebe mosu iha área boot Indonézia nian loron-loron hasai gás barak ho efeitu estufa ba atmosfera duké ekonomia norte-amerikanu nian.

 

Haree ba informasaun hosi Global Fire Emissions Database, World Resources Institute (WRI), indika ona iha relatóriu ida nebe publika foin lalais katak hahú fulan-Setembru maka emisaun sira karbonu nian nebe mai hosi inséndiu ne'e liu ona hosi média diáriu hosi Estadus Unidus iha 26 hosi loron 44.

 

Estadus Unidus hanesan emisór daruak hosi gás ho efeitu estufa nian iha mundu, hafoin Xina.

 

ho Lusa

horadoplaneta às 15:42 | link do post | comentar | Adicionar aos favoritos
Terça-feira, 06.10.15

Grupu sientista sira deskobre espésia foun hosi mamíferu iha Indonézia

Sientista sira hosi nasaun oioin nebe serbisu iha Indonézia deskobre ona espésie foun ida mamíferu nian, naran "hog-nosed rat", tanba nia karakterístika nebe seidauk observa hosi sientista sira.


 

Animál ne'e deskobre iha rejiaun ida iha foho nebe izoladu iha illa Sulawesi, iha sentru Indonézia nian, informa hosi muzeu australianu Victoria, nebe nia sientista sira partisipa iha serbisu sira ne'e.

 

Laho, nebe nia naran sientífiku maka Hyorhinomys stuempkei, iha "karakterístiku nebe foun tebes ba siénsia", hatutan hosi muzeu ne'e iha komunikadu nebe publika iha loron-tersa ne'e. Deskoberta ne'e halo hosi ekipa sientista ida hosi Indonézia, Austrália ho Estadus Unidus.

 

Aleinde inus ho kór roza axatadu no boot, nia inus hanesan fahi ida niain, animál ne'e iha tilun boot, ibun ki'ik no nehan sira iha oin naruk, haktuir hosi fonte hanesan.

 

Iha foto sira nebe hasai, mamíferu ne'e iha tamañu hanesan laho ida. "Ha'u hakfodak tebes tanba hetan espésie foun ida mamíferu nian nebe oinseluk liu hosi espésie sira nebe hanesan referensiadu hosi siénsia", hatete hosi Kevin Rowe, sientista ida hosi Muzeu Victoria.

 

Mamíferu ne'e hanesan karnívoru no, karik, han miñoka sira ka larva hosi insetu sira.

ho Lusa

horadoplaneta às 12:17 | link do post | comentar | Adicionar aos favoritos

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

posts recentes

arquivos

tags

subscrever feeds

blogs SAPO