Segunda-feira, 16.01.17

Austrália kondena Japaun tanba kasa baleia sira iha Oseanu Antártiku

Iha loron-segunda ne'e, governu Austrália kondena ona Japaun tanba hahú fali kasa baleia sira iha Oseanu Antártiku, hafoin divulgasaun hosi imajen sira hosi baleia ida ne'ebé mate iha ró japunés nia laran ne'ebé hetan iha bee sira ne'ebé iha protesaun. 

 

 

Ministru Ambiente, Josh Frydenberg, hatudu ona "deziluzaun maka'as", liutiha loron ida hafoin organizasaun Sea Shepherd fó sai fotografia sira no vídeo sira hosi baleia minke ida iha ró japunés Nisshin Maru nia laran.

 

Imajen sira hasai bainhira ró ne'e tama iha santuáriu australianu ne'ebé nakonu ho baleia, besik iha Antártida.

 

"Austrália kontra dalan oioin hodi halo kasa baleia nian, [inklui] komersial no asaun ne'ebé hanaran "sientífiku", hatete hosi Frydenberg, iha komunikadu.

 

Sea Shepherd nia kesar ne'e mosu hafoin primeiru-ministru japunés, Shinzo Abe, hasoru malu iha loron-sábadu, iha Sydney, ho nia homólogu australianu, Malcolm Turnbull, hodi ko'alia kestaun sira seguransa nasional nian, koperasaun militar no komérsiu, nune'e mós tema sira hanesan kasa baleia sira nian, no asuntu sira seluk.

 

Japaun hahú fali, iha fulan-Novembru, temporada kasa baleia sira "ho razaun sientífiku" iha bee sira Antártiku nian, nia invazaun boot daruak iha zona ba atividade sira ne'e, hafoin parajen ida tinan rua nia laran tanba orden ida hosi Tribunal Internasional Justisa nian.

 

Iha 2014, tribunal, hodi hatán ba pedidu australianu ida, desidi katak kasa baleia sira ne'ebé Japaun halo la bazeia ba siénsia ne'ebé estabelese hosi Komisaun Baleira Internasional nian.

 

To'o proibisaun ne'e, invazaun japunés sira kaer ona baleia minke hamutuk 850, baleia jubarte hamutuk 50 no baleia baibain hamutuk 50 ho razaun sientífiku nian.

 

ho Lusa

horadoplaneta às 10:55 | link do post | comentar | Adicionar aos favoritos
Quarta-feira, 11.01.17

70% resin hosi ahu-ruin sira iha Japaun mate iha tinan 2016

70% resin hosi ahu-ruin sira iha Japaun, situa iha sudeste arkipélagu, mate ona iha tinan 2016 tanba aumentu temperatura iha bee sira, fó sai hosi estudu ida hosi Ministériu Ambiente nipóniku nian. 

 

 

Bee sira ne'ebé haleu ahu-ruin, situa iha illa Ishigaki nia oin, iha arkipélagu Okinawa, rejista ona iha veraun liubá média ida ho grau rua aas liu duké baibain, halo ahu-ruin sira lakon kór, refere hosi testu ne'ebé fó sai hosi emisora públika NHK iha loron-kuarta ne'e.

 

Departamentu ambiental halo ona ezame entre fulan-Novembru no fulan-Dezembru ba ahu-ruin, ne'ebé iha espésie ahu-ruin hamutuk 70 resin no konsidera hanesan ida ne'ebé antigu liu no boot liu iha hemisfériu norte.

 

Avaliasaun determina ona katak 70,1% hosi ahu-ruin sira mate ona tanba lakon kór.

 

Númeru ida ne'ebé hatudu aumentu maka'as relasionadu ho ida ne'ebé rejista iha fulan-Setembru no fulan-Outubru, bainhira hatete katak 97% hosi ahu-ruin sira iha brankeamentu no 56% mate ona.

 

Ministériu japunés indika ona katak temperatura tasi sira iha zona antes tuun bainhira hahú outonu no ahu-ruin balun rekupera, maibé alerta ona katak bele iha ahu-ruin barak mate no seidauk hatene katak ahu-ruin sira sei rekupera.

 

Fenómenu meteorolójiku El Niño, ne'ebé hamosu aumentu ba temperatura sira iha tasi, kontribui halakon kór hosi ahu-ruin sira iha mundu tomak iha tinan 2016, inklui ahu-ruin boot balun ne'ebé protejidu iha Austrália, Tailándia ka Maldiva.

 

Ahu-ruin sira lakon kór akontese bainhira sira hasoru mudansa temperatura, naroman no nutriente sira beibeik no maka'as.

 

Prosesu ne'e hamosu risku ba espésie ikan sira ne'ebé depende hosi ahu-ruin sira hodi sai hanesan sira nia hela fatin no hahán.

 

Iha Índiku no Pasífiku, bainhira emisaun sira hosi gás ho veneno kontinua iha nível atual, rezerva ikan sira bele tuun entre 10% no 30% iha 2050, relasionadu ho períudu 1970-2000, tuir informasaun hosi Uniaun Internasional ba Konservasaun Natureza nian.

 

ho Lusa

horadoplaneta às 15:23 | link do post | comentar | Adicionar aos favoritos
Quarta-feira, 03.08.16

Japaun fó euro millaun 2,4 ba vítima sira rai-maran nian iha Mosambike

Governu Japaun sei fó dolar millaun 2,7 (euro millaun 2,4) hodi apoia emerjénsia ba vítima sira rai-maran nian iha Mosambike, embaixada nipóniku fó sai hosi komunikadu iha Maputu. 

 

 

Tuir nota, ajuda halo parte hosi osan ho folin dolar millaun lima (eurp millaun 4,4) ne'ebé Japaun sei entrega ba Programa Alimentar Mundial (PAM), hodi tulun vítima sira hosi efeitu sira fenómenu klimátiku El Niño, iha Áfrika Austral.

 

"Ajuda emerjénsia ne'e destina hodi fó hahán no apoiu nutrisional ba Mosambike, Malaui, Lezoto no Suazilándia, ne'ebé nesesidade humanitáriu sira aumenta maka'as, tanba rai-maran ne'ebé El Niño hamosu", haktuir hosi komunikadu.

 

Aleinde kompromete ba parte boot hosi períudu dahuluk époka agríkola tinan 2016 nian, rai-maran ne'ebé afeta provínsia sira iha sentru no súl Mosambike nian halo ema millaun 1,5 maka iha inseguransa alimentar.

 

Hodi hatán ho di'ak ba nesesidade populasaun nian, Institutu Nasional ba Jestaun hosi Dezastre sira (INGC) buka hela dalan sira hodi harii infraestrutura sira rezistente liu no bele disponibiliza lalais informasaun sira hodi fó lalais asisténsia ba ema sira, iha planu ida ne'ebé iha osan ho folin dolar millaun 400 (euro millaun 355) tinan-tinan.

 

Situasaun hosi ema sira ne'ebé afetadu tanba rai-maran iha Mosambike halo Governu dekreta iha fulan-Abrik "alerta mean" hodi dinamiza asaun sira asisténsia nian ba populasaun sira.

 

Mosambike hanesan tinan-tinan hetan bee-sa'e maka'as, fenómenu justifika tanba nia lokalizasaun jeográfiku, iha entre maioria hosi basia hidrográfiku sira hosi Áfrika Austral, maibé parte súl nasaun nian maka afetadu ho rai-maran naruk no tinan ne'e atinji mós provínsia sira hosi rejiaun sentru.

 

Aleinde Mosambike, rai-maran afeta mós nasaun oioin hosi Áfrika Austral, halo Malaui, Zámbia no Zimbabué deklara ona estadu emerjénsia tanba falta hahán.

 

Rai-,maran, ne'ebé dura liu tinan ida resin, afeta mós poténsia boot rejiaun nian, Áfrika-Súl ne'ebé deklara ona rai-maran ne'e hanesan ida ne'ebé aat liu iha tinan 100 ikus ne'e.

 

ho Lusa

horadoplaneta às 23:24 | link do post | comentar | Adicionar aos favoritos
Segunda-feira, 11.05.15

Japaun sai hosi asosiasaun tanba kasa tradisionál ba golfiñu sira

Asosiasaun Mundiál Zoolójiku no Akuáriu sira hasai Japaun tanba halo kasa tradisionál ba golfiñu sira, hahalok ida ne'ebé organizasaun konsidera "ladi'ak".

 

 

Organizasaun konsidera Japaun viola nia kódigu Étika no Protesaun Animál no hakarak halo esforsu tomak atu nasaun membru sira labele kaer golfiñu hosi Japaun kaer liuhosi kasa tradisionál.

 

Notísia ne'e fó sai iha loron-sefgunda hosi imprensa nipóniku, tuir notísia WAZA (sigla ingleza asosiasaun nian) foti desizaun iha fulan-Abril nia rohan, hafoin Asosiasaun japoneza Zoolójiku no Akuáriu (JAZA) afirma fila fali ninia apoiu ba kasa golfiñu ne'ebé hala'o tinan-tinan iha Taiji, perfeitura Wakyama.

 

WAZA konsidera katak Japaun viola ninia kódigu Étika no Protesaun Animál hodi repete pratika peska no husu ba Estadu-membru sira atu bandu "kaer animál fuik ho hahalok la di'ak no la seletivu".

 

Asosiasaun kompromete mós atu garante katak laiha nasaun ida atu maka hetan golfiñu liuhosi Japaun hosi métodu ida ne'e.

 

Sansaun bele afeta jardin zoolójiku 153 no akuáriu sira Japaun nian ne'ebé hetan ka simu ezemplár hosi sentru sira seluk, aleinde prejudika indústria peskeira iha Taiji, afirma jornál nipóniku "Asahi".

 

Halo kasa ba golfiñu no setáseu iha Taiji manán notoriedade internasionál hatudu iha filme norte-amerikanu "The Cove", nebe hetan Óscar iha 2009.

Animál barak hetan hana hosi rama oan no lori ba konsumu, sei iha parte balun maka kaer moris no fa'an iha jardin zoolójiku sira no akuáriu sira iha mundu tomak.

 

Autoridade lokál sira defende kaptura ba setáseu sira hosi ninia valor tradisionál no hanesan parte hosi ninia kultura gastronómika.

 

ho Renascença

horadoplaneta às 15:50 | link do post | comentar | Adicionar aos favoritos

pesquisar

 

Agosto 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
30

posts recentes

arquivos

tags

subscrever feeds

blogs SAPO