Bareira Korál nian hetan risku

© David Gray / Reuters
Lenuk ne'e buka hela hahan iha illa Lady Elliot, Queensland, Austrália

 

ONU hatete katak agora preokupa tebes ho estadu Bareira Bo’ot Korál nian no husu esforsu maka’as hodi konserva fatin naturál ida furak iha mundu. 

 

Desizaun UNESCO nian presiona Austrália hodi evita destruisaun ba resife ho 2.300 km ba largu kosta Queensland.

 

Biodiversidade no resife 2.500 liu ne’ebé subar-an ba  úniku korál sira ho espésie animál rihun ne’e fonte importante ida ba reseita turístiku.

 

Reprezenta dólar millaun rihun resin kada tinan. Nune’e, komité UNESCO nian seidauk konklui fatin iha lista Patrimóniu Mundial nian ne’ebé hetan risku.

 

Bareira Bo’ot hetan Risku. Alterasaun klimátika, maibé moos intervensaun ema nian, liliu ho dezenvolvimentu atividade portuária iha zona, kontribui  makaas ba degradasaun ba ekosistema ida ne’e.

 

Lenuk matak bo’ot sira hetan ameasa, hanesan moos dugongu sira no iha korál sira barak mak aat.

 

Delegasaun ida hosi UNESCO tun ba tasi foin lalais iha Bareira Bo’ot Korál australiana nian hodi avalia estadu ba património ne’e.

 

Komité halibur hamutuk ohin iha Bonn iha Alemaña.

 

SAPO TL ho SIC

horadoplaneta às 01:15 | link do post | comentar | Adicionar aos favoritos