Quinta-feira, 21.04.16

Akordu Paris kontra alterasaun klimátika rekolla asinatura iha sesta-feira ne’e

Akordu Paris, kontra alterasaun klimátika, sei  assina sesta-feira ne’e , iha Nova Iorque, ho  Estadu ne’ebé nia prezensa konfirmadu 160, hanesan Portugál, komprometidu  ona atu  reduz  emisaun no husik enerjia fósseis.


 

Iha  sesaun  simbólika hala’o iha sede Organizasaun Nasoens  Unidas (ONU), iha Loron  Mundiál Rai, sei  asina akordu ne’ebé aseita ona iha loron  12 dezembru 2015, hafoin negosiasaun difísil entre nasaun 195 no Uniaun Europeia. Portugál sei reprezenta hosi ministru Ambiente, João Matos Fernandes.

 

Ho  nia objetivu atu vigora iha 2020, tamba ne’e, akordu ne’e sei konkretiza bainhira responsivel hosi Estadu 55  , pelumenus, 55% hosi emissaun gás ho efeitu estufa hetan  ratifikasaun.

 

Hafoin  adopta tiha testu ne’e iha Paris, karik bele tenki iha assinatura ba akordu ne’e, to’o  finál abril 2017, no ratifikasaun nasionál, tuir  regra kada nasaun, bele liuhosi votasaun iha parlamentu ka dekretu-lei, hanesan  ezemplu.

 

Mosu buat foun iha dokumentu ne’e maka sei iha revizaun kada tinan lima meta kontribuisaun kada Estadu hodi  tenta hapara akesimentu iha planeta no konsekuénsia sira ne’ebé assosia, hanesan frekuénsia fenómenu rai-manas, rai-maran no  inséndiu florestál, no konsentrasaun ba udan iha tempu ho períodu ne’ebé badak, provoka bee nakonu no inundasaun, haree moos subida iha  nível tasi nian.

 

Kontráriu fali fali ho antesessór protokolu Quioto nian, dokumentu Paris ne’e abranjente liu no aprezenta hanesan akordu universál dahuluk kona-ba alterasaun klimátika, tantu iha redusaun emisaun  gás ho efeitu estufa (ka mitigasaun), hanesan tentativa hodi hetan forma ida hodi hasai  dióxidu karbonu atmosfera nian, liuhosi reflorestasaun, ezemplu, ka adaptasaun mudansa iha klima.

 

Poupansa no uzu efisiente iha enerjia no  aposta iha enerjia renovável, laós poluente, duké fósseis, hanesan alternativa hodi  bele proteje planeta.

To’o  agora, nasaun  dezenvolvidu  sira deit maka iha  regra ne’ebé  rigorozu liu iha verifikasaun ba nia medida sira.

 

Iha  akordu Paris previstu ona atu habelar ba nasaun hotu,  maski previstu flexibilidade balun, ne’ebé justifika  liuhosi  kapasidade resposta diferente  kada nasaun.

 

Entre objetivu prinsipál tuir manutensaun subida temperatura média  grau Celsius rua (2ºC), ne’ebé  sientista barak defende  karik bele 1,5ºC, relasiona ba iha pré-industriál.

 

Ho nune’e, maski urjénsia liu atu hapara akesimentu iha planeta, medida atu limita ka reduz emisaun sei to’o  2030, tuir nasaun sira, iha Paris, lasufisiente ba meta ida ne’e no bele permite deit ba to’o iha 3ºC.

 

Kona-ba  ajuda ba nasaun sira ne’ebé kiak liu, aprova ona iha  2009  promesa sira ho dólar millaun 100 ( besik  euro millaun  91) kada tinan, hahú iha 2020,  hodi bele  dezenvolve enerjia limpa no adaptasaun, no iha montante foun ida ne’ebé sei  define iha 2025.

 

Rezultadu hosi insisténsia nasaun sira ne’ebé  vulnerávl liu, akordu ne’e kontempla ajuda ba zona sira ne’ebé lakon  relesionadu ho situasaun sira labele  adapta, tamba jelu glasiar no subida nível tasi nian.

 

Iha  semana kotuk, ministra Ambiente fransés, Segolene Royale, ne’ebé hanesan  prezidente COP21, hatete katak númeru prezensa konfirmadu signifika katak "'momentum' iha akordu Paris nian latuun", tamba  serimónia ne’e hanesan oportunidade ida atu líder internasionál sira halo" deklarasaun ida forte" kona-ba  futuru polítiku relasionadu ho folin karbonu, hodi enkoraja dezenvolvimentu iha enerjia limpa.

 

Aléinde  marka prezensa ministru portugés Ambiente, hamutuk ona iha  Nova Iorque besik  xefe Estadu 60, hanesan fransés François Hollande, vise-primeiru ministru xinés, Zhang Gaoli, primeiru-ministru kanadianu, Justin Trudeau, ka sekretáriu Estadu norte-amerikanu, John Kerry.

 

SAPO TL ho Lusa

horadoplaneta às 08:04 | link do post | comentar | Adicionar aos favoritos
Quarta-feira, 20.04.16

Boom ekonómiku no populasional bele halo maran Ázia

Kresimentu ekonómiku no populasional, ligadu ba alterasaun klimátiku sira, bele hamosu situasaun todan sira ba krizi bee nian iha fatin barak iha Ázia, iha tinan 2050. Alerta ne'e mosu hosi estudu ida ne'ebé foin fó sai hosi sientista sira hosi Massachusetts Institute of Technology (MIT), ne'ebé haktuir hosi Exame.


Foto: Jay Rommel Labra / EPA

 

Estudu uza modelajen detalladu hodi prodús saida maka peskizadór sira fiar hanesan eskala kompletu ida hosi senáriu sira ne'ebé envolve disponibilidade hosi bee no nia utilizasaun iha futuru.

 

Iha artigu, sientista sira konklui katak iha "risku aas ba stress hídriku todan" iha parte barak hosi kontinente ne'ebé hela hosi populasaun mundial.

 

Liuhosi simulasaun sira hosi senáriu futuru sira, peskizadór sira hanoin katak folin médiu hosi kresimentu projetadu ba tinan 35 oinmai no influénsia hosi mudansa klimátiku sira sei halo ema millaun 1000 resin hasoru senáriu ida falta bee nian, kompara ho situasaun ohin loron nian.

 

"La'ós de'it hanesan kestaun ida mudansa klimátiku nian", esplika hosi Adam Schlosser, peskizadór iha Programa Konjuntu hosi MIT ba Siénsia no Polítika Mudansa Global nian.

 

"Ita, simplesmente, labele ignora katak kresimentu ekonómiku no populasional bele iha influénsia mak'as tebes iha ita nia buka ba rekursu sira no oinsá maka ita jere. No klima, asosiadu ba ne'e, bele hamosu aumentu maka'as ba tensaun sira ne'e", nia hatutan.

 

Estudu ne'e publika iha revista PLOS One.

 

Fonte: Green Savers

horadoplaneta às 23:05 | link do post | comentar | Adicionar aos favoritos

pesquisar

 

Janeiro 2018

D
S
T
Q
Q
S
S
1
2
3
4
5
6
7
8
9
11
12
13
14
15
16
17
18
19
20
21
22
23
24
25
26
27
28
29
30
31

posts recentes

arquivos

tags

subscrever feeds

blogs SAPO