Terça-feira, 28.03.17

Estudu: Katástrofe sira iha mundu iha ona folin dolar biliaun 175 iha 2016

Katástrofe natural sira no dezastre sira ne'ebé ema halo hamosu ona lakon ekonómiku hamutuk dolar biliaun 175 iha 2016, aumenta liu duké tinan 2015, haktuir hosi estudu anual hosi reseguradora suisu Swiss Re. 

 

 

Tuir SIGMA, naran hosi estudu ne'e, folin ne'e, dolar biliaun 54 hetan protesaun hosi seguru sira, nune'e reprezenta 42% aas liu duké tinan anterior.

 

Katástrofe sira halo ona vítima mortal sira rihun 11 iha 2016, menus duké iha tinan 2015, tinan ne'ebé rejista ona ema rihun 26 ne'ebé mate tanba kataklismu natural sira.

 

Tinan 2016 hanesan tinan ne'ebé todan liu iha relasaun ba prejuízu ekonómiku sira tanba katástrofe sira dezde tinan 2012, fó sai hosi grupu resegurador suisu.

 

Iha kauza maka "númeru boot hosi katástrofe sira ne'ebé importante tebes, inklui rai-nakdoko sira, tempestade sira, bee-sa'e sira no ai-han ai-laran sira" iha rejiaun tomak iha mundu, subliña hosi Swiss Re.

 

SIGMA inklui rejistu hosi katástrofe hamutuk 327 iha mundu tomak ne'ebé 191 hanesan natural no 136 hanesan halo hosi ema.

 

Ázia hanesan rejiaun ida iha mundu ne'ebé afetadu liu hosi katástrofe sira ho eventu rejistadu hamutuk 128.

 

Rai-nakdoko ne'ebé akontese iha illa japuneza Kyushu iha fulan-Abril 2016 hamosu ona prejuízu ekonómiku sira maka'as liu, kalkula entre dolar biliaun 25 no 30.

 

ho Lusa

horadoplaneta às 11:30 | link do post | comentar | Adicionar aos favoritos
Quarta-feira, 08.03.17

ONG timoroan hakarak investigasaun kriminal ba peska tubaraun iha bee timoroan nian

Organizasaun timoroan ne'ebé laós governu nian defende ona iha loron-kuarta ne'e investigasaun kriminal ida ba asaun ne'ebé halo hosi ró xinés hamutuk 15 ne'ebé halo operasaun legal iha bee sira nasaun nian maibé kaer, ho dalan ilegal, tubaraun, ne'ebé animal protejidu iha Timor-Leste, hamutuk tonelada 40 resin. 

 

 

Fundasaun Mahein (FM) konsidera katak elementu sira hosi Komisaun Antikorupsaun (CAC) no Polísia Sientífiku hosi Investigasaun Kriminal (PCIC) tenki hamutuk ho ekipa investigasaun ne'ebé Governu harii hafoin Lusa fó sai iha notísia, iha fulan-Fevereiru, kona-ba peska tubaraun ne'ebé halo hosi ró sira hosi empreza xineza Pingtan Marine Enterprise.

 

Iha komunikadu, FM defende mós kriasaun urjente ba Autoridade Marítimu Nasional ida ne'ebé hametin kontrolu hosi rekursu marítimu timoroan sira no ne'ebé serbisu investigasaun kriminal hosi polísia bele halo investigasaun regular sira iha área ne'e.

 

ONG konsidera mós katak Ministériu Agrikultura no Peska tenki dezenvolve polítika sira no fó apoiu nesesáriu hodi dezenvolve área peska no proteje rekursu marítimu sira" nasaun nian.

 

Aleinde refere ba kazu konkretu hosi peska ilegal tubaraun nian ne'ebé halo hosi ró xinés sira, FM hatudu preokupasaun ho atividade sira peska ilegal nian iha bee timoroan sira ne'ebé reprezenta iha tinan hirak ikus ne'e lakon hamutuk dolar millaun 200, kalkula hosi Governu.

 

FM haree katak "falta kapasidade Timor-Leste nian hodi hametin seguransa marítimu no proteje nia rekursu sira sai nafatin hanesan preokupasaun ba líder sira" hosi forsa defeza nian no polísia timoroan nian.

 

FM haree katak tentativa sira ne'ebé halo hodi rezolve problema "bele hamosu liután problema sira duké rezolve", inklui ho atribuisaun ba lisensa sira peska nian ba ró xinés sira ne'ebé halo operasaun iha bee Timor-Leste nian hahú hosi fulan-Novembru tinan liubá.

 

"Durante fulan tolu peska iha kosta súl Timor-Leste nian, empreza ne'e kaer ona ikan tonelada 416, inklui tubaraun tonelada 43,6. Ne'e maski sira hatene katak tubaraun hanesan animal protejidu ida iha Timor-Leste, nune'e indika hanesan predispozisaun ida hodi la halo tuir lei timoroan nian", konsidera hosi FM.

 

Iha fulan-Fevereiru nian rohan, ministru Agrikultura no Peska timoroan nian, Estanislau da Silva, garanti ona katak Governu sei investiga ró xinés hamutuk 15 ne'ebé halo hela operasaun iha Timor-Leste, haree fali kondisaun sira ba lisensa peska komersial sira nian no hametin kontrolu hosi rekursu marítimu nian.

 

"Ami monitoriza nia asaun no haree oinsá no to'o iha ne'ebé sira nia asaun. Governu hatene importánsia hosi rekursu tasi sira nian, ita halo parte hosi triángula ida biodiversidade nian no nune'e ami hakarak atu labele estraga. Ne'e hanesan rekursu úniku ida", afirma hosi Estanislau da Silva iha nia deklarasaun ba Lusa.

 

ho Lusa

horadoplaneta às 11:31 | link do post | comentar | Adicionar aos favoritos
Segunda-feira, 16.01.17

Austrália kondena Japaun tanba kasa baleia sira iha Oseanu Antártiku

Iha loron-segunda ne'e, governu Austrália kondena ona Japaun tanba hahú fali kasa baleia sira iha Oseanu Antártiku, hafoin divulgasaun hosi imajen sira hosi baleia ida ne'ebé mate iha ró japunés nia laran ne'ebé hetan iha bee sira ne'ebé iha protesaun. 

 

 

Ministru Ambiente, Josh Frydenberg, hatudu ona "deziluzaun maka'as", liutiha loron ida hafoin organizasaun Sea Shepherd fó sai fotografia sira no vídeo sira hosi baleia minke ida iha ró japunés Nisshin Maru nia laran.

 

Imajen sira hasai bainhira ró ne'e tama iha santuáriu australianu ne'ebé nakonu ho baleia, besik iha Antártida.

 

"Austrália kontra dalan oioin hodi halo kasa baleia nian, [inklui] komersial no asaun ne'ebé hanaran "sientífiku", hatete hosi Frydenberg, iha komunikadu.

 

Sea Shepherd nia kesar ne'e mosu hafoin primeiru-ministru japunés, Shinzo Abe, hasoru malu iha loron-sábadu, iha Sydney, ho nia homólogu australianu, Malcolm Turnbull, hodi ko'alia kestaun sira seguransa nasional nian, koperasaun militar no komérsiu, nune'e mós tema sira hanesan kasa baleia sira nian, no asuntu sira seluk.

 

Japaun hahú fali, iha fulan-Novembru, temporada kasa baleia sira "ho razaun sientífiku" iha bee sira Antártiku nian, nia invazaun boot daruak iha zona ba atividade sira ne'e, hafoin parajen ida tinan rua nia laran tanba orden ida hosi Tribunal Internasional Justisa nian.

 

Iha 2014, tribunal, hodi hatán ba pedidu australianu ida, desidi katak kasa baleia sira ne'ebé Japaun halo la bazeia ba siénsia ne'ebé estabelese hosi Komisaun Baleira Internasional nian.

 

To'o proibisaun ne'e, invazaun japunés sira kaer ona baleia minke hamutuk 850, baleia jubarte hamutuk 50 no baleia baibain hamutuk 50 ho razaun sientífiku nian.

 

ho Lusa

horadoplaneta às 10:55 | link do post | comentar | Adicionar aos favoritos
Terça-feira, 03.01.17

Poluisaun hamosu alerta mean iha sidade xineza hamutuk 25

Sidade xineza sira hosi norte, sentru no leste hamutuk 25 hetan alerta mean tanba poluisaun, informa ohin hosi autoridade sira no imprensa estatal. 

 

 

Ne'e haneasn alerta mean dahuluk - ne'ebé aas liu - tanba poluisaun atmosfériku tinan ne'e iha Xina.

 

Anúnsiu ne'e tau hamutuk ho situasaun iha Pekin no iha sidade 20 sira seluk ne'ebé iha daudaun alerta laranka - hanesan pozisaun daruak aas liu - pelumenus ho problema hanesan.

 

Sidade 16 sira seluk iha hela alerta amarelu.

 

Sidade xineza hamutuk 75 hala'o ona alerta balun tanba poluisaun atmosfériku.

 

Rejiaun hosi Pekin-Tianjin-Hebei, iha nordeste, aumenta ona nia alerta to'o loron-sábadu kalan, fó sai hosi Ministériu Protesaun Ambiental iha loron-tersa ne'e.

 

Iha fatin balun hosi rejiaun ne'e, poluisaun sei to'o nível sira "ne'ebé todan tebes" ho konsentrasaun hosi partíkula sira PM 2,5 (ida ne'ebé perigozu liu) to'o 300 mikrograma tuir metru kúbiku (Organizasaun Mundial Saúde rekomenda ba nível máximu ida 25 nian).

 

Previzaun sira ba rejiaun nordeste nian aponta katak iha loron-domingu sei to'o klima malirin ne'ebé sei hadook abu-abun no poluisaun.

 

Emisaun hosi alerta sira hanesan akompaña ho nível oioin hodi bandu ba tránzitu, eskola sira, atividade hosi indústria sira ka obra sira konstrusaun nian.

 

Relatóriu ida ne'ebé fó sai iha loron-segunda refere katak empreza barak la halo tuir medida sira no kontinua sira nia atividade hanesan baibain.

 

ho Lusa

horadoplaneta às 12:11 | link do post | comentar | Adicionar aos favoritos
Segunda-feira, 02.01.17

Pequim em alerta laranja por poluição até quinta-feira

Pequim estará em alerta laranja devido à poluição até à madrugada de quinta-feira, anunciaram as autoridades da capital chinesa nesta segunda-feira. 

 

 

O alerta foi acionado na sexta-feira e Pequim amanheceu na segunda-feira com céu azul e menos nevoeiro graças a uma frente de ar frio procedente do norte, mas as previsões indicam o regresso de maiores níveis concentrados de poluição na terça e quarta-feira.

 

A camada de poluição que cobriu o nordeste da China nos últimos dias obrigou no domingo ao cancelamento de 309 voos e ao encerramento de todas as autoestradas na cidade portuária de Tianjin (no leste de Pequim).

 

O alerta laranja implica restrições no trânsito (os carros só podem circular em dias alternados, conforme o número da matrícula), enquanto a população é aconselhada a não sair de casa, especialmente crianças e idosos.

 

As fábricas e estaleiros mais poluentes reduzem ou interrompem a produção, enquanto as atividades escolares ao ar livre são canceladas.

 

Segundo a normativa, o alerta laranja é o segundo mais alto de uma escala de quatro.

 

Um total de 24 cidades chinesas começaram 2017 sob alerta vermelho, o mais grave, por elevada poluição atmosférica.

 

com Lusa

horadoplaneta às 15:39 | link do post | comentar | Adicionar aos favoritos
Quarta-feira, 14.12.16

Ártiku manas tebes entre Outubru 2015 no Setembru 2016

Ártiku manas tebes iha períudu fulan 12 nia laran ne'ebé hotu iha Setembru, bainhira ár manas hamosu fuzaun maka'as ida jelu ho neve no atraza jelu invernu nian, fó saihosi sientista sira iha loron-tersa. 

 

 

Avaliasaun hosi rezultadu aat ne'e halo iha relatóriu kona-ba Ártiku relasionadu ho 2016, dokumentu ida ne'ebé revistu hosi sientista sia seluk ne'ebé la'ós hanesan autor, halo hosi sientista na'in 61 hosi mundu tomak, ne'ebé publika hosi ajénsia governamental EUA nian ba Atmosfera no Oseanu sira nian (NOAA, sigla ho lian inglés).

 

Dokumentu ko'alia entre períudu Outubru 2015 to'o Setembru 2016, períudu ida ne'ebé "temperatura média anual iha área terestre (hosi Ártiku) aas tebes duké nunka", hanesan hatete.

 

"Ladún haree Ártiku hatudu loloos hanesan ne'e, sinal forte ka asentuadu hosi akesimentu ne'ebé dura no nia efeitu sira iha parte sira iha ambiente iha tinan ne'e", afirma hosi Jeremy Mathis, diretór hosi programa investigasaun kona-ba Ártiku ne'ebé maka dezenvolve hela iha NOAA.

 

Rejiaun Ártiku kontinua manas ho velosidade ida ne'ebé maka'as tebes duké fatin seluk iha planeta, ne'ebé sei iha mós iha 2016 tinan ida ne'ebé manas liu hosi tempu modernu sira nian.

 

Sientista klimátiku sira hatete ona katak razaun ba aumentu temperatura inklui sunu kombustível fossil sira, ne'ebé hasai gas sira ho efeitu estufa ba atmosfera, nune'e mós tendénsia hosi akesimentu ba oseanu ne'ebé iha ligasaun ho El Niño, ne'ebé hotu iha tinan nia klaran maibé aumenta maka'as akesimentu.

 

Temperatura média anual Ártiku nian iha rai aumenta iha 3,5 grau Celsius ne'ebé maka rejista iha 1900.

 

Temperatura hosi superfísie tasi nian iha veraun, iha Agostu 2016, maka 5ºC aas liu média hosi períudu 1982-2010 iha tasi sira Barents ho Chukchi, nune'e mós iha tasi-ibun sira leste no oeste Gronelándia nian.

 

ho Lusa

horadoplaneta às 22:19 | link do post | comentar | Adicionar aos favoritos

Bispu Ximenes Belo alerta ba animal no ai-horis sira ne'ebé lakon iha Timor-Leste

Bispu katóliku timoroan Ximenes Belo alerta iha loron-kuarta ne'e iha Coimbra ba ai-horis no animal sira ne'ebé lakon iha Timor-Leste, ne'ebé bele hetan iha "foho sira ne'ebé hatudu aspetu triste no estraga boot". 

 

Manu-fuik iha Tibar, Timor-Leste. Fotografia hasai no fó rasik hosi António Casais ba SAPO Timor-Leste

 

Bispu subliña katak "meiu ambiente timoroan nian sai fraku beibeik", bainhira nia observa kona-ba ai-laran sira hosi "ai-kameli, ai-teka, eukaliptu-mutin ho eukaliptu-metan no ai-hun sira seluk ne'ebé importante" ne'ebé lakon nune'e mós ba manu sira hanesan "makikit, kakatua ho manu-metan".

 

Mane halakon daudaun "vejetasaun sira ne'ebé karun iha tinan 50 ikus ne'e", hatete hosi Ximenes Belo, ne'ebé ko'alia iha eventu ida ne'ebé halo hosi Universidade Coimbra hodi hanoin hikas tinan 20 Nobel Dame nian, ne'ebé bispu timoroan simu hamutuk ho José Ramos-Horta.

 

"Teritóriu maka sai kiak liu tanba lakon nia ai-horis no nia animal sira", nia hatete no rejista mós kona-ba "sunu ne'ebé halo beibeik" iha nia nasaun hodi halo foho sira hatudu "aspetu ida triste no estraga boot".

 

Durante nia diskursu, bispu timoroan apela ona ba "partisipasaun internasional no liuliu ba nasaun sira lian portugeza nian" hodi apoia povu timoroan "hodi prezerva nia meiu ambiente".

 

Bainhira haree ba tinan 16 independénsia nian, Ximenes Belo hatete katak prosesu permiti ona ba timoroan sira hodi bele "goza kalma, liberdade, demokrasia".

 

Iha "fortalesimentu ekonomia ida", iha auzénsia hosi "abuzu sira ba direitu ema sira nian, prizaun arbitráriu sira ka tortura sira" ne'ebé marka ona pasadu hosi okupasaun indonéziu nian, nia hatutan.

 

"Autoridade sira dedikadu hodi hadi'a situasaun ekonómiku hosi povu timoroan nian", nia hatete hodi konsidera katak tenki kontinua "halibur forsa no vontade sira" hodi kontinua prosesu kontrusaun hosi nasaun ida "pasífiku, solidáriu, progresivu no justu".

 

"Timor: Imagens e palavras que mudaram o mundo" hanesan inisiativu ida hosi Universidade Coimbra ne'ebé organiza to'o loron-kinta eventu oioin dedikadu ba tema, hodi hanoin hikas tinan 25 masakre Santa Cruz nian no tinan 20 ba Nobel Dame ne'ebé fó ba Ximenes Belo ho José Ramos-Horta.

 

ho Lusa

horadoplaneta às 11:11 | link do post | comentar | Adicionar aos favoritos
Segunda-feira, 28.11.16

67% hosi ahu-ruin sira iha parte norte Great Barrier Reef mate ona

67% hosi ahu-ruin sira iha Great Barrier Reef parte norte Austrália nian, ne'ebé situa iha nordeste nasaun nian, mate ona iha fulan ualu ka fulan sia ikus ne'e, tuir hosi estudu sientífiku ida ne'ebé fó sai iha loron-segunda ne'e. 

 

Foto@ XL Catlin Seaview Survey Austrália & New Zealand Out/EPA

 

"Rejiaun ne'e eskapa ona ho estraga ki'ik sira tanba lakon kór entre tinan 1998 no 2002, maibé agora hanesan afetadu duni", hatete hosi Terry Huhes, diretór hosi Konsellu Investigasaun Australianu nian, ne'ebé halo estudu hosi área ne'e.

 

"Notísia di'ak maka 2/3 hosi ahu-ruin sira iha Great Barrier Reef iha parte súl konsege eskapa ho estraga mínimu sira", hatete hosi Andrew Baird, hosi Konsellu hanesan, ne'ebé diriji ona mergullu sira ne'ebé hala'o iha fulan-Outubru ho fulan-Novembru.

 

Espesialista sira kalkula katak rejiaun norte hosi Great Barrier Reef nian sei presiza tempu entre tinan 10 no 15 hodi rekupera sira nia ahu-ruin, menus duké alterasaun klimátiku sira muda siklu sira no halo nune'e atu sira bele reprodús lalais.

 

Estudu sientífiku oioin ne'ebé publika iha tinan ne'e alerta ona kona-ba estadu hosi ahu-ruin sira ne'ebé ladi'ak iha Great Barrier Reef ne'ebé, ho nia estensaun hamutuk 2.300 km, hanesan sistema boot ida hosi ahu-ruin sira iha mundu no konsidera hanesan Patrimóniu Mundial hosi Organizasaun ONU nian ba Edukasaun, Siénsia ho Kultura (UNESCO).

 

Great Barrier Reef, ne'ebé halibur ahu-ruin hamutuk 400 ne'ebé la hanesan, ikan ho espésie hamutuk 1.500 no balada-tasi sira ho variedade hamutuk rihun haat, hahú hetan estraga iha dékada 1990 tanba oseanu ne'ebé hahú manas no ba aumentu hosi asidez iha bee tanba prezensa maka'as hosi dióksidu karbonu iha atmosfera.

 

ho Lusa

horadoplaneta às 16:31 | link do post | comentar | Adicionar aos favoritos
Terça-feira, 22.11.16

Rekord sira ba temperatura aas sei akontese beibeik duké temperatura malirin

Estudu ida ne'ebé divulga, iha loron-segunda ne'e, kalkula katak rekord diáriu hosi temperatura aas sira iha EUA sei mosu beibeik duké temperatura sira malirin nian. 

 

AFP Photo@ Jim Watson

 

Baibain, nasaun ne'e hetan númeru máxima hanesan hosi temperatura manas no malirin nian iha tinan ida nia laran. Maibé hahú tinan 2010 maka ne'e la akontese ona, ho rekord hosi loron manas sira aumenta maka'as duké temperatura malirin sira.

 

Estudu, ne'ebé publikadu iha Anais hosi Akademia norte-amerikanu sira Siénsia nian, kalkula katak bainhira alterasaun klimátiku sira aumenta, númeru ne'e sa'e ba rekord 15 manas nian tuir ida hosi malirin nian.

 

Autór prinsipal hosi estudu, Gerald Meehlm, hosi Sentru norte-amerikanu hosi Investigasaun Atmosfériku, kalkula katak númeru ne'ebé laiha ekilíbriu maka'as bele akontese iha tinan 50 nia laran hahú agora, bainhira emisaun hosi gás ho efeitu estufa ne'ebé mosu bainhira sunu karvaun, petróleu no gás, kontinua ho ritmu ida hanesan ho agora.

 

ho Lusa

horadoplaneta às 13:54 | link do post | comentar | Adicionar aos favoritos
Segunda-feira, 17.10.16

Alterasaun klimátika bele halo ema millaun 122 resin tama iha pobreza - FAO

Organizasaun ba Alimentasan no Agrikultura alerta iha loron-segunda ne'e katak hanesan urjente área agríkola adapta ba alterasaun klimátiku sira ne'ebé bele halo ema millaun 122 resin tama iha pobreza. 

 

Foto@ António Dasiparu 

 

"Tenki foti medida sira agora hodi hametin agrikultura sai sustentável liu, produtivu no fleksivel hodi nune'e impaktu sira hosi alterasaun klimátiku labele kompromete maka'as produsaun hahán nian iha nasaun no rejiaun sira ne'ebé hasoru ona inseguransa alimentar ne'ebé aas", hakerek hosi diretór-jeral organizasaun nian, José Graziano da Silva, iha prefásiu hosi relatóriu ne'ebé publika iha loron-segunda ne'e.

 

Ho títulu "Estadu hosi Alimentasaun no Agrikultura", relatóriu subliña ona katak, bainhira laiha alterasaun klimátiku, rejiaun barak sei hakarak hamenus ema sira hosi pobreza to'o tinan 2050.

Ho mudansa sira iha klima, no bainhira sei la halo buat ida, kalkula ona katak populasaun moris iha kiak iha ona aumentu ida entre millaun 3 no 122 to'o tinan 2030. Ne'e akontese liuliu tanba impaktu negativu sira hosi akesimentu global iha área agríkola.

 

Sira ne'ebé maka sei afetadu liu maka populasaun sira iha zona kiak sira hosi Áfrika subsarianu, no hosi Súl no Sudeste Aziátiku, liuliu sira ne'ebé maka depende hosi agrikultura hodi moris.

Graziano da Silva defende katak hamlaha, kiak no alterasaun klimátiku sira tenki hala'o hamutuk, maski hanesan "imperativu moral ida, tanba sira ne'ebé maka terus ohin loron hanesan ema sira ne'ebé ladún kontribui ba alterasaun klimátiku sira".

 

Relatóriu hosi FAO fó hanoin katak atu mantén aumentu hosi temperatura global ki'ik liu hosi limiti 2ºC, emisaun sira hosi gás ho efeitu estufa tenki hamenus 70% to'o tinan 2050, ne'ebé sei iha posibilidade ho kontributu hosi área agríkola sira.

 

Pelumenus, área sira ne'e hanesan responsável na 1/5 hosi emisaun sira, liuliu tanba konversaun hosi ai-laran sira iha rai ne'ebé kultivadu, maibé mós tanba pekuária no ba produsaun agríkola nian.

Maibé, tuir hakerek hosi autor sira, área agríkola hasoru dezafiu duplu: hamenus emisaun sira gás nian ho efeitu estufa iha tempu hanesan bainhira produs tan hahán hodi halo bosu populasaun ida ne'ebé aumenta no populasaun ne'ebé aumenta riku.

 

Kalkula katak asaun hodi buka hahán iha 2050 sei aumenta pelumenus 60% duke iha 2006, maibé kresimentu populasaun nian sei konsentra iha rejiaun sira ne'ebé ohin loron iha superioridade ba subnutrisaun no fraku maka'as hasoru alterasaun klimátiku sira.

 

Relatóriu rekoñese katak hadi'a fali agrkultura no sistema alimentar sira sei hanesan prosesu kompleksu ida, tanba númeru boot hosi parte envolvidu sira, ba multiplisidade hosi sistema agríkola no hosi produsaun hahán nian no ba ekosistema sira ne'ebé la hanesan.

 

Nia alerta katak tenki hahú esforsu sira agora tanba impaktu hosi alterasaun klimátiku sira sei sai aat liu ho tempu no bainhira la halo buat ida nasaun kiak sira iha futuru sei hasoru iha tempu hanesan hamlaha, kiak no mudansa klimátiku sira. Iha Graziano da Silva nia liafuan sira, "benefísiu sira adaptasaun nian ultrapasa folin sira hosi falta asaun nian ho marjen ida ne'ebé boot tebes".

 

Iha loron balun antes Konferénsia ba dala 22 hosi Parte sira Konvensaun-Kuadru ONU nian kona-ba Alterasaun Klimátiku, ne'ebé hahú iha 07 Novembru iha Maroko, relatóriu subliña katak susesu hosi mudansa agrikultura depende maka'as hosi tulun ba proprietáriu ki'ik sira iha adaptasaun ba mudansa klimátiku sira.

 

Kalkula katak iha nasaun sira iha dezenvolvimentu família hamutuk millaun 475 resin hosi proprietáriu ki'ik sira ne'ebé prodús iha kontestu sosioekonómiku sira no kondisaun agroekolójiku sira ne'ebé la hanesan, nune'e laiha de'it resposta ida.

Maibé, FAO hakerek iha relatóriu dalan "atlternativu balun no di'ak iha ekonomia" hodi tulun agrikultór sira hodi adapta no halo sira nia moris sai fleksivel, liuliu adopsaun ba hahalok matenek sira,hanesan uza kultura nitrojéniu-efisiente oioin no tolerante ba manas.

 

Adopsaun jeneralizadu hosi prátika nitrojéniu-efisiente, hanesan ezemplu, sei permiti hamenus ema millaun 100 resin hodi labele hetan subnutrisaun, kalkula iha relatóriu.

ho Lusa

horadoplaneta às 22:59 | link do post | comentar | Adicionar aos favoritos

pesquisar

 

Outubro 2017

D
S
T
Q
Q
S
S
1
2
3
4
5
6
7
8
9
10
11
13
14
15
17
18
19
20
21
22
23
24
25
26
27
28
29
30
31

posts recentes

arquivos

tags

subscrever feeds

blogs SAPO