Quinta-feira, 27.04.17

Mosambike hanesan nasaun iha mundu ne'ebé belun ba ambiente

Mosambike hanesan nasaun iha mundu ne'ebé iha impaktu mundial ki'ik, tuir 'ranking' ida ne'ebé publika iha loron-kuarta ne'e hosi konsultora britániku MoneySupermaket, ne'ebé tau Etiópia iha pozisaun daruak. 

 

Parke Nasional Gorongosa, Mosambike

 

Mosambike hanesan nasaun ida ne'ebé 99,87% hosi enerjia ne'ebé uza hanesan "verde", no emisaun sira hosi dióksidu karbonu haleu iha tonelada 0,1 tuir ema ida, ho repozisaun hosi 0,07 hosi ai-hun sira ne'ebé ema tesi.

 

'Ranking' aprezenta Mosambike hanesan nasaun ne'ebé moos liu iha utilizasaun enerjia nian, iha lista ne'ebé destaka mós klasifikasaun di'ak sira hosi Etiópia, Zámbia no Lituánia no Portugal okupa fatin 72.

 

Lista hosi nasaun sira ne'ebé halo liu poluisaun lidera hosi Trinidad & Tobago, Estadus Unidus Amérika no Sri Lanka.

 

ho Lusa

horadoplaneta às 10:28 | link do post | comentar | Adicionar aos favoritos
Terça-feira, 03.01.17

Poluisaun hamosu alerta mean iha sidade xineza hamutuk 25

Sidade xineza sira hosi norte, sentru no leste hamutuk 25 hetan alerta mean tanba poluisaun, informa ohin hosi autoridade sira no imprensa estatal. 

 

 

Ne'e haneasn alerta mean dahuluk - ne'ebé aas liu - tanba poluisaun atmosfériku tinan ne'e iha Xina.

 

Anúnsiu ne'e tau hamutuk ho situasaun iha Pekin no iha sidade 20 sira seluk ne'ebé iha daudaun alerta laranka - hanesan pozisaun daruak aas liu - pelumenus ho problema hanesan.

 

Sidade 16 sira seluk iha hela alerta amarelu.

 

Sidade xineza hamutuk 75 hala'o ona alerta balun tanba poluisaun atmosfériku.

 

Rejiaun hosi Pekin-Tianjin-Hebei, iha nordeste, aumenta ona nia alerta to'o loron-sábadu kalan, fó sai hosi Ministériu Protesaun Ambiental iha loron-tersa ne'e.

 

Iha fatin balun hosi rejiaun ne'e, poluisaun sei to'o nível sira "ne'ebé todan tebes" ho konsentrasaun hosi partíkula sira PM 2,5 (ida ne'ebé perigozu liu) to'o 300 mikrograma tuir metru kúbiku (Organizasaun Mundial Saúde rekomenda ba nível máximu ida 25 nian).

 

Previzaun sira ba rejiaun nordeste nian aponta katak iha loron-domingu sei to'o klima malirin ne'ebé sei hadook abu-abun no poluisaun.

 

Emisaun hosi alerta sira hanesan akompaña ho nível oioin hodi bandu ba tránzitu, eskola sira, atividade hosi indústria sira ka obra sira konstrusaun nian.

 

Relatóriu ida ne'ebé fó sai iha loron-segunda refere katak empreza barak la halo tuir medida sira no kontinua sira nia atividade hanesan baibain.

 

ho Lusa

horadoplaneta às 12:11 | link do post | comentar | Adicionar aos favoritos
Segunda-feira, 02.01.17

Pequim em alerta laranja por poluição até quinta-feira

Pequim estará em alerta laranja devido à poluição até à madrugada de quinta-feira, anunciaram as autoridades da capital chinesa nesta segunda-feira. 

 

 

O alerta foi acionado na sexta-feira e Pequim amanheceu na segunda-feira com céu azul e menos nevoeiro graças a uma frente de ar frio procedente do norte, mas as previsões indicam o regresso de maiores níveis concentrados de poluição na terça e quarta-feira.

 

A camada de poluição que cobriu o nordeste da China nos últimos dias obrigou no domingo ao cancelamento de 309 voos e ao encerramento de todas as autoestradas na cidade portuária de Tianjin (no leste de Pequim).

 

O alerta laranja implica restrições no trânsito (os carros só podem circular em dias alternados, conforme o número da matrícula), enquanto a população é aconselhada a não sair de casa, especialmente crianças e idosos.

 

As fábricas e estaleiros mais poluentes reduzem ou interrompem a produção, enquanto as atividades escolares ao ar livre são canceladas.

 

Segundo a normativa, o alerta laranja é o segundo mais alto de uma escala de quatro.

 

Um total de 24 cidades chinesas começaram 2017 sob alerta vermelho, o mais grave, por elevada poluição atmosférica.

 

com Lusa

horadoplaneta às 15:39 | link do post | comentar | Adicionar aos favoritos
Quarta-feira, 16.11.16

Pekin iha alerta laranja tanba poluisaun

Autoridade sira Pekin nian sei ativa iha loron-kinta kalan iha kapital xineza alerta laranja tanba poluisaun, tanba abu-abun metin ne'ebé karik sei taka sidade to'o loron-domingu, informa ona ajénsia ofisial Xinhua. 

 

Foto@ Wu Hong / EPA

 

Alerta laranja, ne'ebé hanesan alerta ida aas liu ba dala rua hosi eskala alerta haat, sei ativa ofisial iha kalan boot.

 

Konsentrasaun hosi partíkula sira PM 2,5, ida ne'ebé mihis tebes no sensível tebes atu bele tama iha pulmaun sira, to'o loron-kuarta tuku 12:00 fiksa iha mikrograma 165 tuir metru kúbiku.

 

Maski aas liu duké mikrograma 25 máximu ne'ebé rekomenda hosi Organizasaun Mundial Saúde nian, hanesan ki'ik bainhira kompara ho númeru ne'ebé rejistadu iha fulan-Novembru 2015, bainhira iha loron tolu nia laran númeru ne'e fiksa iha mikrograma 450 no 666.

 

Maski ho konsentrasaun iha nível aas tebes, autoridade sira halo de'it alerta laranja ida.

 

Iha de'it loron 07 no 10 Dezembru tinan liubá maka kapital xineza dekreta ona alerta mean ba dala uluk, dezde hahú sistema kór siraa nian iha tinan 2013 hafoin hetan krítika sira tanba la foti antes desizaun ne'e.

 

Alerta laranja implika bandu ruma iha tránzitu (karreta sira bele la'o de'it iha loron sira alternadu, tuir númeru matríkula nian), bainhira populasaun hetan rekomendasaun hodi labele sai hosi uma, liuliu ba labarik sira no katuas-ferik sira.

 

Fábrika sira no estaleiru sira ne'ebé halo liu poluisaun hamenus ka hapara produsaun, bainhira atividade eskola sira nian iha ár livre sei kansela.

 

Tuir normativu, alerta laranja fó sai nafatin bainhira nível sira konsentrasaun nian ultrapasa mikrograma 200. Alerta mean mosu bainhira kalkula katak poluisaun fiksa iha nível aas liu durante pelumenus loron tolu konsekutivu.

 

Alerta sira tenki fó sai pelumenus oras 25 antes poluisaun hetan númeru aas tebes.

 

ho Lusa

horadoplaneta às 11:08 | link do post | comentar | Adicionar aos favoritos
Quinta-feira, 03.11.16

Sei taka sentral elétriku ne'ebé halo poluisaun maka'as iha Austrália

Sei taka sentral produsaun enerjia elétriku ida ne'ebé halo poluisaun maka'as hosi Austrália, fó sai hosi proprietáriu iha loron-kinta ne'e no hetan felisitasaun hosi ambientalista sira. 


Foto@ David Crosling / EPA


Hazelwood, sentral produsaun eletrisidade ne'ebé funsiona ho karvaun, iha Latrobe Valley, iha estadu Victoria, sei taka iha fulan-Marsu tinan oinmai hafoin sentral boot fransés Engie desidi tiha ona katak unidade ne'e labele funsiona ona.

 

Ema na'in 500 resin maka sei lakon serbisu bainhira taka unidade ne'e, no na'in 250 sei serbisu to'o tinan 2023 hodi sobu sentral karvaun nian no sobu reabilitasaun hosi mina ne'ebé besik fatin ne'e. Engie hatete mós katak sei fa'an sentral Loy Yang B, ne'ebé funsiona mós ho karvaun no sentral produsaun eletrisidade ne'ebé funsiona ho gás.

 

"Hazelwood agora daudaun iha tinan 50 resin. Sai hanesan kontribuidor di'ak ba merkadu eletrisidade nasional, maibé agora to'o ona pontu ida ne'ebé labele funsiona" iha ekonomia, afirma ona hosi prezidente ezekutivu Engie nian iha Austrália liuhosi komunikadu.

 

"Engie iha Austrália sei presiza investe maka'as iha dolár biliaun resin hodi garanti operasaun di'ak ida no liuliu tenki seguru nafatin. Tanba kondisaun atual sira no previzaun hosi merkadu, nível investimentu ne'e laiha ona justifikasaun", nia hatete.

 

Hazelwood - ne'ebé fornese 22% hosi nesesidade enerjétiku sira hosi estadu Victoria no 4% hosi Austrália - kaer hosi Engie (72%) no hosi empreza japuneza Mitsui (28%).

 

Paris indika ona, iha tinan liubá nia rohan, katak Engie - ne'ebé nia parte balun kaer hosi governu fransés - sei para investe iha dezenvolvimentu hosi sentral sira ne'ebé funsiona ho karvaun, fonte maka'as liu hosi emisaun sira dioksidu karbonu nian. Karvaun ho kór kastañu halo liu poluisaun duké karvaun metan nune'e maka ambientalista sira felisita medida ne'e.

 

"Hazelwood hanesan sentral ida ne'ebé maka halo poluisaun maka'as iha Austrália no iha mundu", hatete hosi xefe ezekutivu hosi Fundasaun ba Konservasaun Australianu, Kelly O’Shanassy.

 

"Hanesan momentu importante iha tranzisaun ba buat ne'ebé maka hala'o daudaun - mudansa ba enerjia ‘moos’”, nia hatutan no konsidera katak polítika enerjétiku Austrália nian hasoru daudaun situasaun ne'e.

 

Governu federal fó sai ona pakote ida apoiu nian ba traballador sira hamutuk 43 millaun dolar australianu ne'ebé tau hamutuk ho sira seluk hosi dolar millaun 22 hosi governu estadu nian.

 

Ministru Enerjia, Josh Frydenberg, afirma ona katak sei superviziona bafatin impaktu hosi taka sentral ne'e. Iha tinan hirak ikus ne'e taka ona sentral oioin iha nasaun laran.

 

63% hosi enerjia elétriku iha Austrália funsiona hahú hosi karvaun, haktuir hosi informasaun ofisial tinan 2014-2015.

 

ho Lusa

horadoplaneta às 14:21 | link do post | comentar | Adicionar aos favoritos
Terça-feira, 27.09.16

Angola hanesan nasaun luzófonu ho mortalidade aas relasionadu ba poluisaun ár nian - OMS

Angola hanesan nasaun luzófonu - no ida hosi nasaun afrikanu ualu - ho taxa aas liu ba mortalidade ne'ebé iha ligasaun ho poluisaun atmosfériku, ho ema na'in 50 entre ema rihun 100 maka mate tanba espozisaun ba ár ne'ebé ladi'ak. 

 

Ar poluidu iha sidade Beijing, Xina. Imajen ne'ebé hasai iha loron 22 Dezembru 2015. Foto@ Wu Hong / EPA

 

Informasaun sira halo parte iha relatóriu "Poluisaun hosi ár ambiente: Avaliasaun Global ida hosi Espozisaun no todan moras nian", ne'ebé fó sai iha loron-tersa ne'e hosi Organizasaun Mundial ba Saúde (OMS) no ne'ebé konklui katak ema millaun tolu mate tinan-tinan tanba kauza sira ne'ebé iha relasaun ho poluisaun ár esterior no katak 92% hosi populasaun mundial respirta ár ne'ebé la moos.

 

Ho rekursu ba modelu foun ida avaliasaun nian ba kualidade ár nian, OMS konfirma katak ema na'in sia entre na'in sanulu moris iha fatin sira ne'ebé kualidade ár esteriór aas liu limiti ne'ebé defini tiha ona.

 

OMS defini ba limiti konsentrasaun anual médiu ho mikrograma 10 ba metru kúbiku ida hosi partíkula mihis sira (PM2,5), valor ne'ebé, tuir relatóriu, aumenta iha nasaun luzófonu sira maibé la konta ho Portugal (9) no Brazil (10).

 

Iha tabela ne'e, nasaun luzófonu ne'ebé hetan liu klasifikasaun aat maka Cabo Verde, ne'ebé aprezenta konsentrasaun médiu ida ho 36 mikrograma hosi partíkula mihis sira tuir metru kúbiku, bainhira tenki hanoin ba medisaun sira iha ambiente rural no urbanu.

 

Guiné Ekuatorial aprezenta konsentrasaun média anual ida ho 33 mikrograma hosi partíkula mihis sira tuir metru kúbiku, Guiné-Bissau 27, Mosambike 17, Timor-Leste 15 no São Tomé & Prínsipe 13.

 

Bainhira konsidera de'it mediasaun sira iha ambiente urbanu, Angola sai hanesan nasaun luzófonu ho rezultadu aat liu, aprezenta konsentrasaun médiu anual ida ho 42 mikrograma hosi partíkula mihis sira tuir metru kúbiku ár nian, númeru ne'ebé tuun ba 27 bainhira konta ho zona rural no urbanu sira.

 

Númeru sira bazeia hosi medisaun sira liuhosi satelit, modelu sira transporte aéreu nian no estasaun sira hosi sukat poluisaun atmosfériku iha fatin 3.000 resin, iha fatin rural no mós urbanu sira, no estudu dezenvolve hosi OMS hamutuk ho Universidade Bath, iha Reinu Unidu. Relatóriu halo mós avaliasaun ida hosi impaktu hasoru espozisaun ár poluidu iha saúde, bazeia iha informasaun hosi tinan 2012.

 

Iha nível global, autór sira konklui katak ema millaun tolu ne'ebé mate tinan-tinan iha ligasaun ho poluisaun atmosfériku, liuliu ba moras respiratóriu todan sira, moras pulmaun obstrutivu krónika, kankru pulmaun nian, moras relasionadu ho sirkulasaun ba fuan nian no asidente vaskular serebral.

 

Entre nasaun luzófonu sira, Angola hanesan nasaun ne'ebé iha ema barak mate tanba poluisaun atmosfériku nian - na'in 51 entre populasaun rihun 100. Bainhira kompara ho nasaun afrikanu sira seluk, iha de'it nasaun hitu maka iha taxa aas: Mali (60), Burkina Faso (58), Níker (57), Eritreia (56), no Benim, Chade ho Repúblika Demokrátika Kongo (52).

 

Guiné Ekuatorial iha taxa ida ba ema na'in 50 mate tanba poluisaun ár esteriór entre populasaun rihun 100, Guiné-Bissau 47, Cabo Verde 37, Timor Leste 31, São Tomé & Prínsipe 26, Brazil 14 no Portugal hitu.

 

Tuir relatóriu, partíkula poluente sira konsisti iha partíkula sólidu ne'ebé kahur maka'as ho partíkula been sira hosi substánsia orgániku sira no la orgániku sira ne'ebé metin iha ár.

 

Komponente barak liu maka sulfatu, nitratu, amónia, kloretu sódiu, karbonu metan no pó mineral, no sira seluk.

 

Partíkula sira hanesan ka ki'ik liu duké mikrómetru hosi diámetru sanulu hanesan perigozu tebes tanba bele tama no hela metin iha pulmaun sira.

 

ho Lusa

horadoplaneta às 12:05 | link do post | comentar | Adicionar aos favoritos
Quinta-feira, 21.01.16

Iha tinan 2050 oseanu sira sei iha plástiku barak duké ikan sira

Estudu foun ida garanti ona katak tinan-tinan plástiku hamutuk tonelada millaun ualu pára iha oseanu nia laran no sei aumenta nafatin. Ekonomia lakon 95% hosi embalajen sira ne'ebé prodús hafoin utilizasaun dahuluk. 

 

Foto: Epifânio Sarmento@ SAPO TL

 

Bainhira aumenta nafatin, iha tinan 2050 kuantidade plástiku iha oseanu sira sei aumenta duké kuantidade ikan nian, alerta hosi estudu ne'ebé fó sai iha loron-tersa hosi Fundasaun Ellen MacArthur, hamutuk ho konsultoria McKinsey.

 

Hanoin katak, agora daudaun, plástiku ho tonelada millaun 150 halo poluisaun iha oseanu sira. Tuir estudu, iha tinan 2014, proporsaun hosi tonelada sira foer nian ba ikan sira maka hosi proporsaun ida ba lima. Bainhira la muda, iha tinan 2050 sei muda hosi proporsaun ida ba tolu.

 

Pelumenus plástiku ho tonelada millaun ualu tinan-tinan ba pára iha oseanu sira hanesan ho kamiaun foer nian ba minutu ida, hakerek hosi relatóriu ne'e.

 

Estudu refere katak ekonomia lakon 95% hosi embalajen sira plástiku nian hafoin utilizasaun dahuluk, iha folin ida besik dolár millaun rihun 80 to'o 120.

 

Atu muda senáriu ne'e, estudu hato'o proposta hodi harii sistema foun ida hodi hamenus estraga hosi plástiku iha natureza no órgaun independente foun ida ne'ebé regula área ne'e.

 

Estudu refere katak mudansa ida eziji koperasaun mundiál entre empreza sira sasán konsumu nian, produtór sira hosi embalajen sira, empreza sira ne'ebé responsável hodi rekolla foer, sidade sira, polítiku sira no organizasaun sira seluk.

 

ho Lusa/AFP

horadoplaneta às 11:03 | link do post | comentar | Adicionar aos favoritos
Quarta-feira, 20.01.16

Mapa hosi NASA hatudu nasaun sira ne'ebé poluídu liu iha mundu

Imajen sira ne'ebé foin lalais ne'e fó sai hosi ajénsia espasiál norte-amerikanu, NASA, hatudu nasaun ne'ebé maka poluídu liu iha mundu no área sira hosi globo aumenta ona - ka hamenus - nia emisaun sira gás ho efeitu estufa iha tinan sanulu ikus ne'e. 

 

Kór laranja ho kór mean hatudu área poluída sira

 

Mapa hatudu katak, maski iha entre área sira ne'ebé aat liu iha mundu tomak, Estadus Unidus, Europa Osidentál ho Japaun hatudu di'ak entre tinan 2005 no 2014 - karik tanba resesaun ekonómiku.

 

Iha kontinente europeu, poluisaun tuun to'o 50%, avansa hosi jornál Globo, hanesan rezultadu hosi restrisaun maka'as kona-bá nasaun poluente sira. Iha Estadus Unidus, maski emisaun sira tuun ona iha nível globa, iha avansu iha estadu balun to'o 30%, hanesan iha Texas no Carolina-Norte, ne'ebé iha produsaun maka'as ba petróleu no gás natural.

 

Iha nasaun sira hanesan Xina, Índia ho parte balun hosi Médiu Oriente, liuliu iha rehiaun hosi golfu Pérsiku, fatin sira ne'ebé ekonomia no atividade industriál hahú iha espansaun, poluisaun aumenta ona.

 

Imajen sira hosi NASA hatudu mós movimentu interesante ida iha norte xinés, ne'ebé sidade sira industrializadu liu no produsaun enerjia aumenta maka'as. Iha jerál, área hatudu aumentu konsiderável ida hosi emisaun gás sira nian, Pekin, kapitál nasaun nian, iha diminuisaun konsiderável ida.

 

Tuir sientista Bryan Duncan, ne'ebé lidera estudu iha sentru semo espasiál Goddard, ne'e iha ligasaun ba presaun boot ida hosi klase médiu ne'ebé aumenta iha Pekin tanba ár di'ak ida - tuir istória sidade boot konsidera hanesan sidade ida ne'ebé iha liu poluisaun iha mundu.

 

Iha Brazil, mapa sira hatudu katak kuadru jerál mantén similar, sei dook hosi lansamentu aas hosi gás sira ne'ebé akontese iha rejiaun sira ne'ebé dezenvolvidu liu iha mundu - maibé, sentru sira ne'ebé poluídu liu, hanesan Grande São Paulo, aas nafatin no iha indíse preokupante sira, hanesan ho sidade boot globál sira.

 

Mapa sira hosi ajénsia espasiál amerikanu hatudu mós efeitu sira hosi movimentasaun demográfiku, hanesan akontese tanba funu sivil iha Síria: bainhira índise sira hosi dioksidu karbonu tuun maka'as iha nasaun, liuliu iha sidade boot hanesan kapitál Damasku no Aleppo, emisaun sira aumenta iha nasaun viziñu ne'ebé simu refujiadu síriu sira.

 

Hahú tinan 2004, NASA haree emisaun sira iha planeta tomak liuhosi instrumentu ida ne'ebé instala iha nia satelit Aura. Entre sira, iha dióksidu nitrojéniu, ne'ebé mosu bainhira sunu kombustível fósil sira, liuliu hosi karreta sira, tanba produsaun enerjia nian no tanba atividade industriál nian.

 

ho Green Savers

horadoplaneta às 13:45 | link do post | comentar | Adicionar aos favoritos
Quinta-feira, 10.12.15

Liutiha oras 48 nia laran laiha ona alerta mean tanba poluisaun iha Pekin

Autoridade sira hosi Pekin iha loron-kinta ne'e halakon ona alerta mean dahuluk tanba poluisaun ne'ebé sira hala'o, liutiha oras 48 nia laran ba medida hodi kontrola nível sira poluisaun inferiór liu ba okaziaun anteriór sira.

 

Foto ne'ebé hasai iha loron 08 Dezembro 2015. EPA@ Rolex Dela Pena


Alerta hotu ho formal iha tuku 12:00 (oras lokál), maibé hahú hosi madrugada maka malirin ida ho anin oituan halakon kalohan no poluisaun ne'ebé iha findesemana ne'e taka metin kapitál xinéza nian.

Autoridade xinés sira fó sai ona iha loron-segunda ne'e katak, ba dala uluk hahú hosi instaurasaun ne'e, iha 2013, sistema alerta ida ho kór haat, ativasaun hosi nível todan liu, ho kór mean, hahú hosi tuku 07:00 loron-tersa nian no meiudia loron-kinta ne'e.

Durante períudu ne'e, Pekin hala'o medida sira hanesan sirkulasaun hosi karreta privadu sira tuir ho númeru matríkula ikus nian - loron ida pár, loron seluk la pár - ka bandu ba karreta boot sira hodi la'o iha estrada.

Aleinde ne'e, hapara mós obra sira no fábrika sira hamenus ka hapara ona produsaun, inklui fábrika sira hosi jerasaun enerjia nian, fábrika besi sira nian no simenti nian.

Medida sira ne'e alivia ona tráfegu todan baibain mosu iha Pekin, hamenus mós hosi rekomendasaun ba eskola primária sira no sekundária sira hodi hapara aula sira no husu ba empreza sira no instituisaun ofisiál sira hodi permiti horáriu fleksivel ba nia funsionáriu sira.

Maski medida ne'e hetan elojiu hosi organizasaun sira hanesan Greenpeace no Organizasaun Mundiál nian ba Saúde (OMS), ne'ebé subliña ona katak "autoridade sira hanoin ho sériu kualidade ár nian", populasaun balun iha Pekin konsidera katak medida sira ne'e naruk tebes no todan tebes.

Bainhira iha loron hirak ne'e nível sira poluisaun nian tama entre 400 mikrograma tuir metru kúbiku hosi partíkula sira PM 2.5 - ne'ebé hanesan estraga liu ba saúde -, iha semana liubá, bainhira sira ative de'it alerta laranja hafoin loron balun iha poluisaun maka'as iha tinan 2015 iha kapitál, halakon de'it 650 mikrograma.

OMS estabelese ona ba 25 mikrograma hanesan rekomendasaun hodi labele estraga saúde.

ho Lusa

horadoplaneta às 11:41 | link do post | comentar | Adicionar aos favoritos
Segunda-feira, 07.12.15

Ba dala uluk Pekin dekreta alerta mean tanba poluisaun

Iha loron-segunda ne'e autoridade sira hosi Pekin dekreta ona, ba dala uluk iha istória sidade nian, alerta mean ida tanba poluisaun, ne'ebé hamosu kalohan maka'as iha rejiaun tomak no obriga taka serbisu públiku no eskola sira.


EPA@ How Hwee Young

 

Hahú loron-segunda dadeer maka karreta privadu sira hetan bandu hodi labele la'o iha kapitál Xina nian, no 30% hosi karreta ofisiál sira para iha garajen sira, no bandu mós lansamentu fogete sira no tunu na'an sira.

 

Tuir Gabinete Protesaun ba Ambiente hosi Pekin, ne'ebé publika ona dekretu ne'e iha nia site rasik, hahú agora, konstrusaun públiku sira sei para no fábrika industriál sira sei implementa medida sira hodi labele hapara produsaun.

 

"Ema sira tenki halo buat di'ak hodi bele hamenus atividade sira iha ár livre. Bainhira envolve iha atividade sira ne'e, tenki uza máskara ka foti medida adekuadu sira ba protesaun nian", hatete iha dokumentu ne'e.

 

Akonsella ona hodi taka jardin infánsia sira, eskola primária no sekundáriu sira, hatutan iha dekretu ne'e. Alerta mean ne'e karik sei hanaruk to'o oras 72 oinmai no hanesan nível máximo iha eskala ida dahaat nian.

 

Pekin nunka dekreta alerta mean hodi hatán ba programa ida emerjénsia nian tanba poluisaun iha ár, kriadu iha 2013, maski iha situasaun todan sira ne'ebé sidade ne'e hasoru beibeik.

 

Alerta mean iha loron-segunda mosu liutiha semana ida hafoin mosu kalohan poluisaun ida nian ho konsentrasaun maka'as hosi PM2.5 - partíkula mikroskópiku sira ne'ebé prejudisiál ne'ebé bele afeta pulmaun sira -, atinji to'o 634 mikrograma metru kúbiku, haktuir hosi leitura ida hosi embaixada Estadus Unidus nian iha Pekin.

 

Tuir organizasaun Mundiál ba Saúde (OMS), partíkula máximo hosi PM2.5 maka 25 mikrograma metru kúbiku de'it.

 

Medida ne'e mosu mós iha tempu ne'ebé hala'o iha Paris Simeira kona-bá Klima (COP21), ne'ebé insisti ona ba prezidente xinés, Xi Jinping, hodi harii polítika "matak" hodi kombate emisaun ba gás poluente sira.

 

Xina ne'ebé hanesan nasaun ne'ebé hanesan prinsipál poluidór iha mundu fó sai ona iha loron-kuarta liubá intensaun hodi hamenus ba 60% emisaun sira hosi "prinsipál poluente sira" hosi nia fábrika karvaun sira to'o tinan 2020, hodi moderniza estrutura sira.

 

ho Lusa

horadoplaneta às 17:28 | link do post | comentar | Adicionar aos favoritos

pesquisar

 

Novembro 2017

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

posts recentes

arquivos

tags

subscrever feeds

blogs SAPO