Quarta-feira, 10.01.18

2017 hanesan tinan datoluk ne'ebé manás liu dezde iha rejistu iha Austrália

2017 hanesan tinan datoluk ne'ebé manás liu iha Austrália dezde iha rejistu sira, ho temperatura média ida hosi 0,95 grau sentígradu aas liu duké média ne'ebé rejista ona entre tinan 1960 no 1990, fó sai iha loron-kuarta ne'e. 

 

Lorosa'e iha Sydney. Foto@ Dean LEwins/Australia & New Zealand Out/EPA

 

Iha nia relatóriu anual, Departamentu Meteorolojia hosi Austrália (BOM, iha lian inglés) esplika ona akontesimentu ne'e maski hosi auzénsia hosi El Niño, fenómenu meteorolójiku ne'ebé iha ligasaun ho aumentu ba temperatura sira, no hosi polo sira hosi Oseanu Índiku nian, ne'ebé mantén mós neutro durante tinan liubá.

 

Organizmu hatete katak akesimentu asosiadu ba mudansa klimátika ne'ebé hamosu hosi atividade ema nian rejista dezde dékada 1950, observa katak temperatura iha Austrália aumenta ona 1,1 grau sentígradu dezde tinan 2010.

 

"Tinan hitu hosi tinan sanulu ne'ebé manás liu iha Austrália akontese dezde tinan 2005", no "Austrália hasoru de'it tinan ida ne'ebé malirin tebes duké média anual hosi dékada ikus ne'e", afirma hosi diretor unidade kontrolo BOm nian, Karl Braganza, iha komunikadu.

 

Tuir Departamentu Meteorolojia Austrália nian, temperatura máxima iha tinan liubá maka hanesan aas liu daruak dezde organizmu ne'e hahú nia rejistu iha tinan 1910, ho marka 48,2 grau sentígradu ne'ebé hetan iha loron 09 Fevereiru, iha Tarcoola, iha estadu Austrália-Súl.

 

Kalan ne'ebé malirin liu akontese iha 16 Jullu iha lokalidade Perisher Valley, iha estadu Nova Gales Súl, ho 12,1 grau negativu.

 

Tuir BOM, loron ne'ebé iha udan maka'as maka 30 Marsu, ho kuantidade udan nian iha Foho Jukes, iha estadu Queensland, rejista ho milímetru 635,0. Loron rua antes, iha aeroportu illa Hamilton nian, iha mós Queensland, anin sira to'o marka kilómetru 263 tuir oras.

 

BOM mós fó sai katak iha 2017 tasi-been ne'ebé haleu Austrália to'o ona temperatu dasia ne'ebé aas liu, konfirma katak Great Barrier Reef, iha noroeste australianu, hetan fenómenu halo ahu-ruin sira sai mutin iha tinan rua konsekutivu.

 

Hanesan insidente dahuluk konsekutivu ne'ebé hatudu ahu-ruin sira mutin ne'ebé maka rejista iha Great Barrier Reef.

 

"Temperatura aas sira ne'ebé kleur iha Great Barrier Reef durante tempu rai-manas [austral] no inísiu outonu halo ahu-ruin barak maka sai mutin iha fulan-Marsu", afirma hosi Karl Braganza.

 

Great Barrier Reef, klasifika hosi UNESCO hanesan Patrimóniu Humanidade nian iha tinan 1981, ho ahu-ruin individual sira hamutuk 2.500 ne'ebé maka halibur koral úniku sira, ikan ho espésie hamutuk 1.500 no balada-tasi sira rihun resin, hahú hetan estraga iha dékada 1990 tanba impaktu duplu hosi akesimentu tasi-been nian no aumentu hosi graun asidez nian tanba prezensa maka'as ida hosi dióksidu karbonu iha atmosfera.

 

ho Lusa

horadoplaneta às 16:25 | link do post | comentar | Adicionar aos favoritos
Sexta-feira, 16.09.16

Tinan 2016 la'o daudaun hodi sai hanesan tinan ne'ebé manas liu iha istória

Organizasaun Meteorolójiku Mundial (OMM) hatete iha loron-sesta ne'e katak tinan 2016 la'o daudaun hodi muda ba tinan ne'ebé manas liu duké iha rejistu istóriku sira no ne'e bele sai hanesan padraun ba realidade foun ida.  

 

Loro-monu iha Hanover, Alemaña. Foto@ Julian Stratenschulte / EPA


"Ita sai ona hanesan sasin hosi períudu naruk ida ba rai-manas estraordináriu nian no buat hotu hatudu katak ne'e sei muda iha dalan foun ida", afirma hosi sekretáriu-jeral OMM, Petteri Taalas, ne'ebé haktuir hosi ajénsia EFE.

 

Tinan ne'e marka daudaun ho rejistu hosi nível konsentrasaun hosi dióksidu karbonu ne'ebé aas tebes no rekord hosi temperatura sira ne'ebé tuun beibeik, hatutan hosi finlandés ne'ebé diriji ajénsia hosi ONU nian ba klima.

 

Situasaun ne'e no bee hosi oseanu sira ne'ebé manas sai hanesan orijen hosi fenómenu ba koral sira ne'ebé sai mutin, nia hatutan mós.

 

"Períudu anormal ne'ebé naruk hosi akesimentu global kontinua ona iha fulan-Agostu, ne'ebé sai hanesan ida ne'ebé manas liu iha rejistu sira iha rai no mós iha oseanu sira", hatutan hosi porta-vós OMM nian, Claire Nullis, ne'ebé haktuir informasaun sira hosi ajénsia espasial norte-amerikanu (NASA) no hosi Sentru Europeu ba Previzaun Meteorolójiku sira ba Prazu Médiu.

 

Iha fatin seluk, tuir informasaun ikus sira, superfísie hosi jelu Ártiku nian iha veraun boreal, iha loron 10 Setembru, hetan ona extensaun ida ne'ebé ki'ik tebes iha istória, dezde hahú hala'o rejistu sira liuhosi satelit, iha tinan 37 liubá. Extensaun hosi superfísie jelu nian iha tinan ne'e kompara de'it ho ida ne'ebé verifika iha tinan 2007.

 

Extensaun ba jelu iha Ártiku maka hamutuk millaun 4,14 kilómetru kuadradu no sientista sira fiar katak situasaun ne'e la sai dramátiku tanba de'it veraun fresku iha tinan ne'e hosi parte ida ne'e iha mundu, tanba hosi períudu nubladu no tempestade regular sira.

 

"Kondisaun klimatériku sira hamenus lakon jelu durante veraun maibé importante liu maka ita tuun de'it degrau ida hosi rekord", Nullis hatete.

 

Superfísie ki'ik hosi jelu ártiku ho loron 17 Setembru 2012 bainhira diminui to'o millaun 3,39 kilómetru kuadradu.

 

ho Lusa

horadoplaneta às 15:53 | link do post | comentar | Adicionar aos favoritos

pesquisar

 

Janeiro 2018

D
S
T
Q
Q
S
S
1
2
3
4
5
6
7
8
9
11
12
13
14
15
16
17
18
19
20
21
22
23
24
25
26
27
28
29
30
31

posts recentes

arquivos

tags

subscrever feeds

blogs SAPO